ᱟᱭᱳ ᱟᱲᱟᱝ ᱡᱟᱱᱟᱢ ᱟᱲᱟᱝ
ᱨᱚᱲ ᱫᱚ ᱵᱟᱝ ᱜᱮᱧ ᱞᱟᱡᱟᱣᱜ ᱾
ᱥᱮᱨᱮᱧ ᱫᱩᱨᱟ.ᱝ ᱵᱤᱱᱛᱤ ᱵᱟᱠᱷᱮᱲ
ᱟᱸᱡᱚᱢ ᱠᱟᱛᱮᱧ ᱠᱩᱥᱤᱜ ᱾
ᱨᱚᱲ ᱡᱚᱝ ᱨᱮ ᱪᱮᱦᱚᱨ ᱵᱮᱦᱚᱨ
ᱡᱟ.ᱛᱤ ᱯᱟ.ᱨᱥᱤ ᱟᱲᱟᱝ ᱾
ᱜᱚᱨᱚᱵᱽ ᱜᱚᱨᱚᱡᱽ ᱢᱮᱱᱟᱜ ᱠᱷᱟ.ᱛᱤᱨ ᱵᱟ.ᱧ ᱫᱦᱚᱭᱟ ᱫᱟᱱᱟᱝ ᱾
ᱦᱚᱲ ᱥᱟᱢᱟᱝ ᱨᱮ ᱨᱚᱲ ᱞᱟᱸᱫᱟ ᱢᱚᱡᱽ ᱢᱟᱥᱮ ᱨᱟᱲᱟᱝ ᱾
ᱫᱤᱠᱩ ᱪᱷᱟ.ᱛᱤᱠ ᱵᱟᱡᱟᱨ ᱛᱟᱞᱟ
ᱵᱟᱝ ᱜᱮᱧ ᱟ.ᱭᱠᱟ.ᱣ ᱡᱟᱞᱟ ᱾
ᱡᱚᱦᱟᱨ ᱢᱮᱱᱛᱮᱧ ᱮᱦᱚᱵ ᱜᱚᱫᱽ ᱨᱚᱲ
ᱟ.ᱫᱤᱢ ᱦᱚᱯᱚᱱ ᱤᱧ ᱫᱚ ᱥᱟᱱᱛᱟᱲ ᱦᱚᱲ ᱾
ᱨᱚᱲ ᱨᱚᱯᱚᱲ ᱛᱷᱩᱛᱤ ᱰᱤᱸᱜᱚᱨ
ᱡᱤᱣᱤ ᱢᱚᱱᱮᱭ ᱦᱩᱞᱟ.ᱥ ᱾
ᱧᱟᱯᱟᱢ ᱥᱟᱶᱛᱮᱧ ᱢᱮᱱ ᱫᱚ ᱡᱚᱦᱟᱨ
ᱠᱩᱯᱩᱞᱤ ᱨᱚᱯᱚᱲ ᱰᱚᱜᱚᱨᱤᱧ ᱛᱚᱞᱟᱥ ᱾
ᱦᱩᱭ ᱦᱚᱪᱚᱱ ᱫᱤᱥᱚᱢ ᱵᱷᱮᱜᱟᱨ
ᱡᱩᱫᱟ. ᱦᱚᱪᱚᱱ ᱴᱚᱴᱷᱟ ᱯᱚᱱᱚᱛ ᱦᱚᱱᱚᱛ ᱾
ᱵᱟ.ᱧ ᱟ.ᱲᱤᱥᱚᱜ ᱵᱟ.ᱧ ᱮᱫᱽᱨᱮᱜ
ᱢᱟ.ᱱᱟ ᱤᱧ ᱵᱟᱰᱟᱭ ᱡᱚᱦᱟᱨ ᱰᱚᱵᱚᱜ ᱢᱟᱱᱚᱛ ᱾
ᱟᱥᱟᱢ ᱩᱰᱤᱥᱟ ᱡᱷᱟᱨᱠᱷᱚᱸᱰ ᱵᱮᱝᱜᱚᱞ
ᱱᱮᱯᱟᱞ ᱠᱟᱪᱷᱟᱲ ᱱᱟᱢᱟᱞ ᱾
ᱧᱟᱯᱟᱢ ᱨᱮᱵᱚᱱ ᱨᱚᱲ ᱥᱟᱰᱮ ᱢᱟ,
ᱥᱟ.ᱜᱟ.ᱭ ᱫᱚᱵᱚᱱ ᱛᱚᱞ ᱢᱟ ᱾
ᱟ.ᱨᱤ ᱪᱟ.ᱞᱤ ᱢᱤᱫ ᱜᱮ ᱛᱟᱵᱚᱱ
ᱯᱮᱨᱮᱡ ᱞᱚᱴᱟ ᱫᱟᱜ ᱜᱮ ᱥᱟᱢᱟᱝ ᱥᱟ.ᱜᱩᱱ ᱾
ᱵᱚᱸᱜᱟ ᱦᱚᱛᱚ ᱡᱟᱦᱮᱨ ᱵᱚᱸᱜᱟ
ᱡᱚᱢᱥᱤᱢ ᱡᱟᱱᱛᱷᱟᱲ ᱜᱚᱨᱟᱢ ᱠᱟᱨᱟᱢ ᱵᱚᱸᱜᱟ ᱾
ᱡᱟ.ᱛᱤ ᱨᱮᱱᱟᱜ ᱡᱟ.ᱛᱤ ᱯᱟ.ᱨᱥᱤ
ᱡᱟ.ᱛᱤ ᱨᱮᱱᱟᱜ ᱟ.ᱨᱥᱤ ᱾
ᱨᱚᱲ ᱟᱲᱟᱝ ᱛᱮᱵᱚᱱ ᱫᱚᱦᱚᱭ ᱢᱟ ᱡᱤᱭᱟ.ᱲ
ᱦᱚᱲ ᱦᱚᱯᱚᱱ ᱥᱟᱱᱛᱟᱲ ᱾
***
