ᱦᱟᱭ ᱨᱮ ᱪᱟᱸᱫᱚ ᱪᱚᱴ ᱪᱟᱸᱫᱚ
ᱱᱚᱣᱟ ᱫᱚ ᱪᱮᱫ ᱮᱢ ᱪᱤᱠᱟᱹ ᱠᱮᱫ
ᱥᱮᱨᱢᱟ ᱯᱩᱨᱤ ᱠᱷᱚᱱ ᱫᱷᱟᱹᱨᱛᱤ ᱯᱩᱨᱤ ᱛᱮ
ᱟᱨᱮᱞ ᱫᱟᱜ ᱮᱢ ᱡᱟᱹᱲᱤ ᱠᱮᱫ ᱾
ᱪᱮᱫ ᱠᱚ ᱠᱟᱹᱭ ᱞᱮᱫ ᱢᱟᱹᱱᱢᱤ ᱦᱚᱯᱚᱱ
ᱪᱮᱫ ᱠᱚ ᱪᱤᱠᱟᱹ ᱞᱮᱫ ᱢᱤᱦᱩᱸ ᱢᱮᱨᱚᱢ
ᱵᱚᱞᱚ ᱥᱟᱢᱴᱟᱣ ᱟᱠᱟᱱ ᱚᱠᱛᱮ
ᱟᱨᱮᱞ ᱫᱟᱜ ᱮᱢ ᱡᱟᱹᱲᱤ ᱠᱮᱫ ᱾
ᱦᱟᱭᱨᱮ ᱪᱟᱸᱫᱚ ᱪᱚᱴ ᱪᱟᱸᱫᱚ
ᱟᱢ ᱫᱚ ᱪᱮᱫ ᱮᱢ ᱟᱹᱲᱤᱥ ᱮᱱ
ᱟᱢᱟᱜ ᱟᱨᱮᱞ ᱫᱟᱜ ᱛᱮ ᱪᱟᱸᱫᱚ
ᱚᱲᱟᱜ ᱫᱩᱣᱟᱹᱨ ᱨᱟᱹᱯᱩᱫ ᱮᱱ ᱾
ᱢᱟᱹᱱᱢᱤ ᱦᱚᱯᱚᱱ ᱠᱚ ᱜᱷᱟᱹᱞᱮᱱ ᱪᱟᱸᱫᱚ
ᱢᱤᱦᱩᱸ ᱢᱮᱨᱚᱢ ᱠᱚ ᱜᱚᱡ ᱮᱱ
ᱚᱲᱟᱜ ᱫᱩᱣᱟᱹᱨ ᱨᱟᱹᱯᱩᱫ ᱮᱱ ᱪᱟᱸᱫᱚ
ᱡᱚᱢᱟᱜ ᱧᱩᱣᱟᱜ ᱩᱡᱟᱹᱲᱮᱱ ᱾
ᱦᱟᱭᱨᱮ ᱪᱟᱸᱫᱚ ᱪᱚᱴ ᱪᱟᱸᱫᱚ
ᱟᱢ ᱜᱮᱢ ᱥᱤᱨᱡᱚᱱ ᱟᱠᱟᱫ ᱞᱮ
ᱟᱢ ᱜᱮᱢ ᱢᱩᱪᱟᱹᱫᱮᱫ ᱞᱮ ᱪᱟᱸᱫᱚ
ᱛᱟᱦᱮᱸᱱ ᱟᱞᱮ ᱚᱠᱟᱨᱮ ᱾
ᱥᱤᱛᱩᱝ ᱡᱟᱹᱯᱩᱫ ᱦᱩᱰᱩᱨ ᱦᱚᱭ ᱫᱟᱜ
ᱡᱤᱣᱤ ᱫᱚ ᱞᱩᱠᱩᱫ ᱞᱩᱠᱩᱫ
ᱡᱚᱢᱟᱜ ᱧᱩᱣᱟᱜ ᱟᱱᱟᱴ ᱮᱱ ᱛᱮ
ᱞᱟᱡ ᱢᱟ ᱵᱩᱠᱩᱫ ᱵᱩᱠᱩᱫ ᱾
***
