ᱱᱤᱥᱩᱱ ᱫᱷᱟ.ᱨᱛᱤ

ᱟᱫᱚᱜ ᱠᱟᱱ ᱦᱟ.ᱨᱭᱟ.ᱲ ᱫᱷᱟ.ᱨᱛᱤ,
ᱛᱮᱭᱟᱨᱚᱜ ᱢᱤᱫ ᱫᱤᱱ ᱮᱠᱷᱮᱱ ᱢᱚᱨᱩᱵᱷᱩᱢᱤ ᱾

ᱵᱩᱡᱽ ᱛᱮ ᱵᱟᱯᱮ ᱵᱩᱡᱽ ᱢᱟᱹᱱᱢᱤ ,
ᱛᱮᱭᱟᱨᱚᱜ ᱢᱤᱫ ᱱᱤᱥᱩᱱ ᱫᱷᱟ.ᱨᱛᱤ ᱾

ᱥᱟᱱᱟᱢᱟ ᱫᱟᱨᱮ ᱢᱟᱜ ᱠᱟᱜ,
ᱜᱚᱴᱟ ᱴᱟᱺᱰᱤ ᱮᱠᱷᱮᱱ ᱴᱟᱜ ᱴᱟᱜ ᱾

ᱨᱚᱦᱚᱲᱚᱜ ᱠᱟᱱ ᱜᱟᱰᱟ ᱢᱩᱰᱩ,
ᱛᱮᱭᱟᱨᱚᱜ ᱠᱟᱱ ᱮᱠᱷᱮᱱ ᱜᱷᱩᱴᱩ ᱾

ᱫᱷᱟᱯᱟᱣᱜ ᱠᱟᱱ ᱱᱟ.ᱭ ᱱᱟᱞᱟ,
ᱵᱟᱧᱪᱟᱣ ᱛᱟᱦᱮᱱ ᱟ.ᱰᱤ ᱡᱟᱞᱟ ᱾

ᱪᱟᱥ ᱟᱨᱡᱟᱣ ᱵᱟᱝ ᱠᱷᱟᱱ,
ᱡᱤᱵᱽ ᱡᱤᱭᱟ.ᱞᱤ ᱥᱩᱱᱥᱟᱱ ᱾

ᱪᱟᱵᱟᱜ ᱠᱷᱟᱱ ᱫᱟᱨᱮ ᱱᱟ.ᱲᱤ,
ᱵᱟᱝ ᱧᱟᱢᱚᱜᱼᱟ ᱫᱟᱜ ᱡᱟ.ᱲᱤ ᱾

ᱵᱟᱝ ᱛᱟᱸᱦᱮᱱ ᱠᱷᱟᱱ ᱫᱟᱨᱮ ᱱᱟ.ᱲᱤ,
ᱛᱮᱭᱟᱨᱚᱜᱼᱟ ᱱᱤᱥᱩᱱ ᱫᱷᱟ.ᱨᱛᱤ ᱯᱩᱨᱤ ᱾

***