ᱢᱟᱹᱱᱢᱤ

ᱯᱟᱞᱮ ᱵᱟᱰᱟᱭ ᱠᱟᱛᱮᱢ ᱛᱮᱛᱷᱟᱜᱼᱟ ᱟᱢ ᱫᱳ,
ᱪᱮ ᱥᱟᱹᱨᱤᱛᱮ ᱵᱟᱢ ᱵᱟᱰᱟᱭ ᱟᱢ ᱫᱳ ᱹᱹᱹ
ᱢᱟᱹᱱᱢᱤ ᱹᱹᱹ ᱩᱫᱷᱟᱹᱨ ᱦᱚᱲᱢᱚ ᱡᱤᱣᱤ
ᱟᱯᱳᱥ ᱟᱭᱟᱢ ᱥᱤᱥᱤᱨ ᱡᱟᱹᱞᱤ ᱹᱹᱹ

ᱢᱟᱹᱱᱢᱤ ᱹᱹᱹ
ᱢᱤᱫ ᱫᱤᱱ ᱵᱟᱹᱨᱥᱤᱧ ᱯᱮᱲᱟ ᱟᱢ
ᱨᱩᱣᱟᱹᱲ ᱵᱟᱹᱜᱤ ᱠᱟᱛᱮ ᱫᱷᱟᱹᱨᱛᱤ,
ᱨᱟᱹᱜᱤ ᱟᱢ ᱨᱮᱯᱮᱡ ᱟᱢ,
ᱰᱷᱮᱨᱚᱜ ᱟᱢ ᱠᱚᱢᱚᱜ ᱟᱢ,
ᱪᱮᱫ ᱛᱮ ᱦᱚᱸ ᱜᱮ ᱵᱟᱢ ᱥᱟᱴᱟᱣᱜ ᱟᱢ ᱫᱳ ᱹᱹᱹ
ᱢᱟᱹᱱᱢᱤ ᱹᱹᱹ
ᱩᱫᱷᱟᱹᱨ ᱦᱚᱲᱢᱚ ᱡᱤᱣᱤ
ᱟᱯᱳᱥ ᱟᱭᱟᱢ ᱥᱤᱥᱤᱨ ᱡᱟᱹᱞᱤ ᱹᱹᱹ

ᱢᱟᱹᱱᱢᱤᱹᱹᱹ ᱢᱤᱫᱼᱫᱤᱱ ᱵᱟᱹᱨᱥᱤᱧ ᱯᱮᱲᱟ ᱟᱢ
ᱨᱩᱣᱟᱹᱲ ᱵᱟᱹᱜᱤ ᱠᱟᱛᱮ ᱫᱷᱟᱹᱨᱛᱤ ᱹᱹᱹ
ᱟᱢ ᱛᱮ ᱟᱢ ᱫᱳ ᱵᱟᱝ ᱠᱟᱱ ᱨᱮᱦᱚᱸ,
ᱟᱢ ᱜᱮ ᱟᱢ ᱜᱮᱢ ᱩᱭᱦᱟᱹᱨᱼᱟ ᱞᱤᱠᱷᱚᱱ ᱹᱹᱹ
ᱢᱟᱹᱱᱢᱤ ᱩᱫᱷᱟᱹᱨ ᱦᱚᱲᱢᱚ ᱡᱤᱣᱤ
ᱟᱯᱳᱥ ᱟᱭᱟᱢ ᱥᱤᱥᱤᱨ ᱡᱟᱹᱞᱤ ᱹᱹᱹ

ᱢᱟᱹᱱᱢᱤ ᱢᱤᱫ ᱫᱤᱱ ᱵᱟᱹᱨᱥᱤᱧ ᱯᱮᱲᱟ ᱟᱢ
ᱨᱩᱣᱟᱹᱲ ᱵᱟᱹᱜᱤ ᱠᱟᱛᱮ ᱫᱷᱟᱹᱨᱛᱤ,
ᱫᱷᱚᱱ ᱟᱢᱟᱜ ᱫᱷᱚᱱ ᱛᱮ ᱜᱚᱨᱚᱵᱟᱢ ᱨᱩᱯ ᱛᱮ,
ᱥᱟᱧᱪᱟᱣ ᱥᱟᱨᱮᱡᱟᱢ ᱟᱜᱟᱢ ᱞᱟᱹᱜᱤᱱ ᱛᱮ,
ᱢᱟᱹᱱᱢᱤ ᱩᱫᱷᱟᱹᱨ ᱦᱚᱲᱢᱚ ᱡᱤᱣᱤ
ᱟᱯᱳᱥ ᱟᱭᱟᱢ ᱥᱤᱥᱤᱨ ᱡᱟᱹᱞᱤ ᱹᱹᱹ

ᱢᱟᱹᱱᱢᱤ ᱢᱤᱫ ᱫᱤᱱ ᱵᱟᱹᱨᱥᱤᱧ ᱯᱮᱲᱟ ᱟᱢ
ᱨᱩᱣᱟᱹᱲ ᱵᱟᱹᱜᱤ ᱠᱟᱛᱮ ᱫᱷᱟᱹᱨᱛᱤ ᱹᱹᱹ
ᱦᱚᱭ ᱜᱮ ᱡᱤᱣᱤ ᱠᱟᱱ ᱦᱟᱥᱟ ᱜᱮ ᱦᱚᱲᱢᱚ ᱠᱟᱱ,
ᱟᱯᱱᱟᱨᱟᱜ ᱫᱚ ᱪᱮᱫ ᱦᱚᱸ ᱜᱮ ᱵᱟᱝ ᱠᱟᱱ
ᱢᱟᱹᱱᱢᱤ ᱩᱫᱷᱟᱹᱨ ᱦᱚᱲᱢᱚ ᱡᱤᱣᱤ
ᱟᱯᱳᱥ ᱟᱭᱟᱢ ᱥᱤᱥᱤᱨ ᱡᱟᱹᱞᱤ ᱹᱹᱹ
ᱢᱟᱹᱱᱢᱤ ᱢᱤᱫ ᱫᱤᱱ ᱵᱟᱹᱨᱥᱤᱧ ᱯᱮᱲᱟ ᱟᱢ
ᱨᱩᱣᱟᱹᱲ ᱵᱟᱹᱜᱤ ᱠᱟᱛᱮ ᱫᱷᱟᱹᱨᱛᱤ ᱹᱹᱹᱹ

***