ᱢᱚᱞᱚᱝ

ᱟᱪᱠᱟᱜᱮ ᱥᱤᱫᱩᱣᱟᱜ ᱫᱤᱥᱟ. ᱨᱩᱣᱟ.ᱲ ᱮᱱᱟ ᱾ ᱫᱤᱥᱟ. ᱨᱩᱣᱟ.ᱲ ᱮᱱᱠᱷᱟᱱ ᱩᱭᱦᱟ.ᱨ ᱮᱫᱟᱭ ᱤᱧᱫᱚ ᱚᱠᱟᱨᱮ ᱢᱤᱱᱟ.ᱧᱟ ᱾ ᱞᱟᱯᱞᱟᱯᱟ ᱛᱤᱛᱮᱭ ᱦᱟ.ᱛᱲᱟ.ᱣ ᱞᱮᱫ ᱫᱚ ᱥᱤᱨᱚᱢ ᱜᱟᱡᱟᱲ ᱜᱮᱭ ᱦᱟ.ᱛᱲᱟ.ᱣ ᱧᱟᱢ ᱠᱮᱫᱟ ᱚᱱᱟᱛᱮ ᱟᱨ ᱦᱚᱸᱭ ᱚᱵᱟᱠᱚᱜ ᱠᱟᱱᱟ ᱥᱤᱨᱚᱢ ᱜᱟᱡᱟᱲ ᱨᱮᱫᱚ ᱪᱤᱠᱟ.ᱛᱤᱧ ᱜᱤᱛᱤᱡ ᱟᱠᱟᱱᱟ ᱾ ᱦᱮᱡ ᱤᱱᱟ.ᱧ ᱵᱟᱝ ᱪᱤᱠᱟ.ᱛᱮ ᱱᱚᱰᱮ ᱾ ᱤᱧ ᱢᱟ ᱱᱚᱰᱮ ᱢᱟ ᱵᱟ.ᱧ ᱛᱟᱦᱮᱸ ᱠᱟᱱᱟ, ᱛᱚᱵᱮ ᱤᱧ ᱥᱟᱶ ᱫᱚ ᱪᱮᱫ ᱦᱩᱭ ᱟᱠᱟᱱᱟ ᱾ ᱠᱩᱠᱢᱩ ᱛᱟᱱᱟᱜ ᱞᱮᱠᱟᱭ ᱟ.ᱭᱠᱟ.ᱣ ᱮᱫᱟ ᱾

ᱜᱤᱛᱤᱡ ᱠᱷᱚᱱ ᱵᱮᱨᱮᱫ ᱮ ᱢᱮᱱᱞᱮᱫ ᱫᱚ ᱵᱟᱭ ᱵᱮᱨᱮᱫ ᱫᱟᱲᱮ ᱟᱠᱟᱫᱟ ᱜᱚᱴᱟ ᱦᱚᱲᱢᱚᱭ ᱜᱷᱟ.ᱞ ᱟᱠᱟᱱᱟ ᱛᱤ ᱡᱟᱸᱜᱟ, ᱜᱚᱱᱴᱷᱮ, ᱱᱟᱨᱦᱟᱰᱟ, ᱛᱤ ᱠᱟᱹᱴᱩᱵ, ᱡᱟᱸᱜᱟ ᱠᱟᱹᱴᱩᱵ, ᱫᱟᱹᱵᱤ ᱫᱮᱭᱟ, ᱵᱚᱦᱚᱜ ᱠᱷᱚᱱ ᱢᱟᱭᱟᱢ ᱡᱚᱨᱚᱜ ᱠᱟᱱᱟ ᱾ ᱦᱚᱨᱚᱜ ᱨᱮᱱᱟᱜ ᱞᱩᱸᱜᱤ ᱟᱨ ᱡᱟᱢᱟ ᱦᱚᱸ ᱚᱲᱮᱡ ᱪᱷᱤᱝᱪᱷᱟᱹᱛᱩᱨ ᱟᱠᱟᱱᱟ ᱾ ᱱᱤᱛ ᱟᱡ ᱥᱟᱶ ᱨᱮ ᱟᱭᱤᱡ ᱚᱲᱟᱜ ᱜᱚᱝᱠᱮ ᱦᱚᱸ ᱵᱟᱹᱱᱩᱜ ᱮᱭᱟ, ᱟᱡ ᱨᱮᱱ ᱵᱟᱵᱟᱨ ᱜᱚᱴᱮᱱ ᱥᱚᱱᱟ ᱵᱟᱞᱚᱠ ᱟᱜ ᱠᱟᱛᱷᱟ ᱫᱤᱥᱟ. ᱠᱟᱛᱮᱫ ᱵᱟᱨ ᱢᱮᱫ ᱠᱤᱱ ᱛᱮ ᱢᱮᱫ ᱫᱟᱜ ᱞᱤᱸᱜᱤ ᱮᱱ ᱛᱟᱭᱟ, ᱥᱚᱱᱟ ᱵᱟᱞᱚᱠ ᱵᱟᱹᱜᱤ ᱠᱟᱛᱮᱫ ᱟᱡ ᱫᱚ ᱟᱹᱰᱤ ᱥᱟᱺᱜᱤᱧ ᱮ ᱦᱮᱡ ᱟᱠᱟᱱᱟ ᱾

ᱡᱟᱹᱱᱤᱡ ᱮ ᱵᱩᱡᱷᱟ.ᱣ ᱠᱮᱫᱟ ᱡᱮ ᱤᱧ ᱪᱮᱛᱟᱱ ᱛᱮ ᱪᱮᱫ ᱜᱷᱚᱴᱚᱱᱟ ᱦᱩᱭ ᱯᱟᱨᱚᱢ ᱮᱱᱟ ᱥᱤᱫᱩ ᱫᱚ ᱟᱹᱰᱤ ᱨᱮᱸᱜᱮᱡ ᱚᱲᱟᱜ ᱨᱮᱱ ᱴᱩᱣᱟ.ᱨ ᱜᱤᱫᱽᱨᱟ. ᱠᱟᱱᱟᱭ, ᱥᱤᱫᱩ ᱛᱟᱠᱚᱣᱟᱜ ᱫᱚ ᱱᱟᱞᱦᱟ ᱛᱩᱢᱟ.ᱞ ᱵᱷᱚᱨᱥᱟ ᱜᱮ ᱥᱚᱝᱥᱟᱨ ᱰᱷᱚᱸᱜᱟ ᱫᱚᱠᱚ ᱞᱟᱜᱟᱭᱟ ᱾ ᱟᱡ ᱦᱩᱰᱤᱧ ᱚᱠᱛᱚ ᱨᱮ ᱨᱮᱸᱜᱮᱡ ᱚᱵᱷᱟᱵᱽ ᱠᱷᱟᱹᱛᱤᱨ ᱛᱮ ᱚᱞᱚᱜ ᱯᱟᱲᱦᱟᱣ ᱨᱤᱠᱟ. ᱠᱟᱛᱮᱫ ᱦᱚᱸ ᱵᱟᱭ ᱚᱞ ᱯᱟᱲᱦᱟᱣ ᱫᱟᱲᱮ ᱟᱠᱟᱫᱟ ᱾ ᱚᱱᱟᱛᱮ ᱥᱤᱫᱩ ᱟᱡ ᱨᱮᱱ ᱜᱤᱫᱽᱨᱟ.ᱠᱤᱱ ᱫᱚ ᱚᱞᱚᱜ ᱯᱟᱲᱦᱟᱣ ᱨᱮᱱᱟᱜ ᱟᱹᱰᱤ ᱜᱮᱭ ᱨᱤᱠᱟ. ᱟᱠᱟᱫᱟ ᱾ ᱜᱤᱫᱽᱨᱟ. ᱡᱟᱦᱟᱸ ᱛᱤᱱᱟ.ᱜ ᱯᱟᱲᱦᱟᱣᱜ ᱠᱤᱱ ᱢᱮᱱ ᱟᱠᱟᱫᱟ ᱩᱱᱟ.ᱜ ᱜᱮ ᱯᱟᱲᱦᱟᱣ ᱠᱤᱱ ᱦᱩᱭᱩᱜᱼᱟ ᱡᱟᱛᱮ ᱡᱟᱦᱟᱸ ᱛᱤᱱᱟᱹᱜ ᱚᱵᱷᱟᱵᱽ ᱦᱩᱭ ᱚᱪᱚᱣᱟᱱ ᱜᱤᱫᱽᱨᱟ. ᱵᱟᱝ ᱟᱹᱣᱨᱤ ᱠᱤᱱ ᱢᱮᱱ ᱵᱷᱳᱨ ᱫᱚ ᱟᱞᱟᱝ ᱫᱚ ᱵᱟᱝ ᱞᱟᱝ ᱯᱟ.ᱪᱷᱟ.ᱠᱚᱜᱼᱟ ᱱᱟᱢᱟᱞ ᱠᱟᱪᱷᱟᱲ ᱞᱟᱝ ᱠᱷᱟᱴᱟᱣᱜᱼᱟ ᱮᱱ ᱦᱚᱸ ᱵᱟᱞᱟᱝ ᱯᱟ.ᱪᱷᱟ.ᱜᱼᱟ ᱾

ᱥᱤᱫᱩ ᱨᱮᱱ ᱢᱟᱨᱟᱝ ᱤᱡ ᱵᱟᱹᱵᱩ ᱟᱜ ᱞᱟᱯᱷᱟᱝ ᱥᱮᱪᱮᱫ ᱨᱮᱫᱚ ᱟᱹᱰᱤ ᱜᱮ ᱠᱷᱚᱨᱚᱪᱚᱜ ᱠᱟᱱᱟ ᱚᱲᱟᱜ ᱠᱷᱚᱱ ᱯᱟᱲᱦᱟᱣᱜ ᱮᱴᱠᱮᱴᱚᱲᱮᱜ ᱠᱟᱱᱛᱮ ᱵᱟᱦᱨᱮ ᱨᱮᱭ ᱛᱟᱦᱮᱸᱱ ᱠᱟᱱᱟ, ᱚᱸᱰᱮ ᱦᱚᱸ ᱠᱷᱚᱨᱪᱟ ᱯᱟᱹᱛᱤ ᱟᱱᱟᱴ ᱚᱵᱷᱟᱵᱽ ᱠᱷᱟᱹᱛᱤᱨ ᱢᱟ.ᱱ ᱢᱟ.ᱱᱛᱮ ᱚᱲᱟᱜ ᱮ ᱦᱮᱡ ᱨᱩᱣᱟ.ᱲ ᱟᱠᱟᱱᱟ ᱾ ᱥᱤᱫᱩᱭ ᱵᱩᱡᱷᱟ.ᱣ ᱫᱟᱲᱮᱭᱟᱫ ᱛᱟᱦᱮᱸᱱ ᱜᱤᱫᱽᱨᱟ. ᱟᱜ ᱚᱲᱟᱜ ᱦᱮᱡ ᱨᱮᱱᱟᱜ ᱚᱡᱮ, ᱜᱤᱫᱽᱨᱟ. ᱛᱟᱭ ᱮ ᱠᱩᱞᱤ ᱠᱮᱫᱮᱨᱮ ᱞᱟ.ᱭ ᱟᱫᱮᱭᱟᱭ ᱵᱟᱝ ᱢᱟ ᱟᱡ ᱫᱚ ᱚᱲᱟᱜ ᱠᱷᱚᱱ ᱜᱮᱭ ᱯᱟᱲᱦᱟᱣᱜᱼᱟ ᱾ ᱟᱭᱟᱜ ᱠᱟᱛᱷᱟ ᱞᱮᱠᱟᱛᱮ ᱱᱤᱛ ᱫᱚ ᱞᱟᱯᱷᱟᱝ ᱥᱮᱪᱮᱫ ᱫᱚ ᱚᱲᱟᱜ ᱠᱷᱚᱱ ᱜᱮᱭ ᱯᱟᱲᱦᱟᱣᱜ ᱠᱟᱱᱟ ᱾ ᱞᱟᱯᱷᱟᱝ ᱥᱮᱪᱮᱫ ᱯᱟᱲᱦᱟᱣ ᱨᱮ ᱟᱹᱰᱤ ᱜᱮ ᱴᱟᱠᱟ ᱠᱩᱲᱤ ᱞᱟᱜᱟᱣᱜ ᱠᱟᱱ ᱠᱷᱟᱹᱛᱤᱨ ᱛᱮ ᱥᱤᱫᱩ ᱛᱟᱹᱠᱤᱱ ᱛᱤᱨᱤ ᱯᱩᱨᱩᱥ ᱱᱟᱢᱟᱞ ᱪᱟᱞᱟᱜ ᱜᱮ ᱠᱤᱱ ᱜᱚᱴᱟ ᱠᱮᱫᱟ ᱾ ᱚᱛ ᱦᱟᱥᱟ ᱡᱩᱢᱤ ᱡᱟᱭᱜᱟ ᱫᱟᱨᱮ ᱱᱟᱹᱲᱤ ᱛᱟᱦᱮᱸ ᱞᱮᱱᱠᱷᱟᱱ ᱚᱱᱟ ᱠᱚ ᱜᱩᱪᱟᱹᱣ ᱠᱟᱛᱮᱫ ᱦᱚᱸ ᱠᱤᱱ ᱯᱟᱲᱦᱟᱣ ᱠᱮ ᱠᱤᱱᱟ, ᱢᱮᱱᱠᱷᱟᱱ ᱚᱱᱟ ᱦᱚᱸᱛᱚ ᱵᱟᱹᱱᱩᱜᱼᱟ ᱾ ᱚᱱᱟᱛᱮ ᱱᱟᱢᱟᱞ ᱪᱟᱞᱟᱜ ᱜᱮ ᱠᱤᱱ ᱜᱚᱴᱟ ᱟᱠᱟᱫᱟ ᱾

ᱱᱟᱢᱟᱞ ᱫᱚ ᱠᱤᱱ ᱪᱟᱞᱟᱣ ᱞᱮᱱᱟ ᱦᱩᱜᱽᱞᱤ ᱡᱮᱞᱟ ᱨᱮᱱᱟᱜ ᱯᱟᱱᱱᱚᱱ ᱟᱹᱛᱩ ᱛᱮ ᱾ ᱚᱸᱰᱮ ᱢᱤᱫ ᱪᱟᱸᱫᱚ ᱦᱩᱲᱩ ᱨᱚᱦᱚᱭ ᱠᱤᱱ ᱠᱟᱹᱢᱤ ᱠᱮᱫᱟ, ᱡᱟᱹᱯᱩᱫ ᱡᱟᱹᱲᱤᱭ ᱟᱬᱜᱚ ᱮᱱᱠᱷᱟᱱ ᱢᱤᱫ ᱮᱥᱟᱭ ᱫᱟᱜ ᱠᱮᱫᱟ, ᱱᱟᱢᱟᱞ ᱫᱤᱥᱚᱢ ᱨᱮᱱᱟᱜ ᱥᱟᱱᱟᱢ ᱠᱷᱮᱛ ᱵᱟ.ᱫᱽ ᱯᱮᱨᱮᱡ ᱪᱟᱯᱮ ᱮᱱᱟ ᱾ ᱚᱱᱟᱛᱮ ᱠᱟᱹᱢᱤ ᱦᱚᱸ ᱵᱚᱱᱫᱚ ᱮᱱᱟ, ᱫᱩᱲᱩᱵ ᱫᱩᱲᱩᱵ ᱛᱮ ᱠᱤᱱ ᱞᱟᱸᱜᱟ ᱪᱟᱵᱟᱭᱮᱱᱟ ᱾ ᱠᱷᱮᱛ ᱵᱟ.ᱫᱽ ᱨᱮᱱᱟᱜ ᱫᱟᱜ ᱟᱸᱡᱮᱫᱚᱜ ᱛᱮ ᱢᱤᱫ ᱦᱟᱯᱛᱟ ᱫᱚ ᱞᱟᱜᱟᱣᱜ ᱜᱮᱭᱟ ᱚᱱᱟᱛᱮ ᱥᱤᱫᱩ ᱛᱟᱹᱠᱤᱱ ᱠᱤᱱ ᱜᱚᱴᱟ ᱠᱮᱫᱟ ᱛᱤᱱᱟ.ᱜ ᱞᱟᱝ ᱫᱩᱲᱩᱵ ᱠᱚᱜᱼᱟ ᱵᱟ.ᱫᱽᱨᱮ ᱫᱟᱜ ᱟᱸᱡᱮᱫᱚᱜ ᱛᱮ ᱚᱲᱟᱜ ᱠᱷᱚᱱ ᱞᱟᱝ ᱨᱩᱣᱟ.ᱲ ᱦᱤᱡᱩᱜᱼᱟ ᱾ ᱵᱚᱭᱚᱥ ᱟᱠᱟᱱ ᱟᱭᱳ ᱟᱨ ᱵᱟᱹᱵᱩ ᱛᱟᱹᱠᱤᱱ ᱞᱟᱝ ᱧᱮᱞ ᱟᱹᱜᱩ ᱠᱚᱣᱟ ᱾ ᱱᱚᱝᱠᱟ ᱩᱭᱦᱟ.ᱨ ᱪᱤᱱᱛᱟ. ᱵᱷᱟᱵᱽᱱᱟ ᱠᱟᱛᱮᱫ ᱱᱟᱢᱟᱞ ᱫᱤᱥᱚᱢ ᱨᱮᱱᱟᱜ ᱯᱟᱱᱱᱚᱱ ᱟᱹᱛᱩ ᱠᱷᱚᱱ ᱠᱤᱱ ᱚᱰᱚᱠ ᱦᱤᱡᱩᱜ ᱠᱟᱱᱟ ᱾ ᱤᱱᱟ.ᱦᱤᱞᱚᱜ ᱫᱚ ᱛᱟᱠ ᱞᱮᱠᱟ ᱵᱟᱺᱜᱟᱹᱞᱤ ᱥᱮ ᱫᱤᱠᱩ ᱦᱚᱲ ᱠᱚᱣᱟᱜ ᱵᱤᱥᱥᱚᱠᱚᱨᱢᱟ ᱯᱩᱡᱟ. ᱾

ᱜᱟᱹᱰᱤ ᱢᱳᱲ ᱪᱟᱞᱟᱜ ᱞᱟᱹᱜᱤᱫ ᱛᱮ ᱪᱮᱫ ᱜᱟᱹᱰᱤ ᱜᱮ ᱵᱟᱝ ᱠᱤᱱ ᱧᱟᱢ ᱮᱫᱟ ᱾ ᱟᱹᱠᱤᱱᱟᱜ ᱵᱟᱥᱟ ᱰᱮᱨᱟ ᱟᱹᱛᱩ ᱠᱷᱚᱱ ᱢᱳᱲ ᱫᱚ ᱡᱟᱦᱟᱸ ᱞᱮᱠᱟ ᱮᱭᱟᱭ ᱠᱤᱹᱢᱤᱹ ᱾ ᱜᱟᱹᱰᱤ ᱢᱟᱹᱞᱤᱠ ᱫᱚ ᱜᱟᱹᱰᱤ ᱯᱩᱡᱟ. ᱵᱟᱝ ᱦᱩᱭ ᱟᱠᱟᱱ ᱛᱮ ᱥᱮᱛᱟᱜ ᱛᱚᱨᱟᱨᱮ ᱤᱫᱤ ᱵᱟᱝ ᱠᱚ ᱨᱮᱵᱮᱱ ᱠᱟᱱᱟ, ᱚᱱᱟᱛᱮ ᱛᱟᱲᱟᱢ ᱜᱮ ᱠᱤᱱ ᱜᱚᱴᱟ ᱠᱮᱫᱟ ᱜᱟᱹᱰᱤ ᱢᱳᱲ ᱦᱟᱹᱵᱤᱡ ᱫᱚ ᱾ ᱚᱸᱰᱮ ᱠᱷᱚᱱ ᱜᱟᱹᱰᱤ ᱛᱮ ᱠᱟᱢᱟᱨ ᱠᱩᱸᱰᱩ, ᱚᱸᱰᱮ ᱠᱷᱚᱱ ᱢᱚᱥᱟᱜᱽᱨᱟᱢ ᱞᱮᱠᱟᱛᱮ ᱮᱠᱟᱞ ᱵᱟᱸᱠᱩᱲᱟ ᱪᱟᱞᱟᱜ ᱨᱮᱞ ᱜᱟᱹᱰᱤ ᱠᱤᱱ ᱥᱟᱵ ᱟᱠᱟᱫᱟ ᱾ ᱥᱤᱫᱩ ᱫᱚ ᱚᱱᱟ ᱦᱚᱨ ᱫᱚ ᱛᱤᱥ ᱦᱚᱸ ᱵᱟᱭ ᱧᱮᱞ ᱟᱠᱟᱫ ᱚᱱᱮ ᱟᱨ ᱵᱷᱤᱲ ᱦᱚᱸ ᱟᱹᱰᱤ ᱵᱷᱤᱲ ᱜᱮᱛᱮ ᱫᱩᱣᱟ.ᱨ ᱥᱩᱨ ᱧᱚᱜ ᱨᱮᱭ ᱫᱩᱲᱩᱵ ᱮᱱᱟ, ᱚᱵᱤᱥᱥᱚ ᱫᱩᱣᱟ.ᱨ ᱫᱷᱟᱨᱮ ᱩᱛᱟ.ᱨ ᱨᱮᱫᱚ ᱵᱟᱝ ᱾ ᱫᱷᱟᱨᱮ ᱩᱛᱟ.ᱨ ᱨᱮᱫᱚ ᱟᱨ ᱦᱚᱸ ᱦᱚᱲ ᱠᱚ ᱫᱩᱲᱩᱵ ᱞᱮᱱᱟ ᱾ ᱤᱱᱟ. ᱚᱠᱛᱮ ᱠᱟᱹᱡᱩ ᱵᱟᱫᱟᱢ ᱟᱹᱠᱷᱨᱤᱧ ᱦᱚᱲ ᱟᱡ ᱥᱩᱨ ᱥᱮᱫ ᱮ ᱪᱟᱞᱟᱣ ᱮᱱᱠᱷᱟᱱ ᱟᱨ ᱱᱚᱛᱮ ᱥᱮᱛᱟᱜ ᱠᱷᱚᱱ ᱵᱟᱭ ᱡᱚᱢ ᱟᱠᱟᱫ ᱛᱮ ᱨᱮᱸᱜᱮᱡ ᱥᱟᱺᱦᱤᱡ ᱮ ᱟ.ᱭᱠᱟ.ᱣ ᱮᱫᱟ ᱚᱱᱟᱛᱮᱭ ᱢᱚᱱᱮ ᱠᱮᱫᱟ ᱠᱟᱹᱡᱩ ᱵᱟᱫᱟᱢ ᱜᱮ ᱦᱟᱛᱟᱣ ᱠᱟᱛᱮᱫ ᱡᱚᱢ ᱟᱬᱜᱚᱣᱟᱜ ᱟᱭ ᱾

ᱚᱱᱟ ᱦᱟᱛᱟᱣ ᱞᱟᱹᱜᱤᱫ ᱫᱩᱲᱩᱵ ᱠᱷᱚᱱ ᱵᱮᱨᱮᱫ ᱠᱟᱛᱮᱫ ᱛᱤᱸᱜᱩᱱ ᱛᱮᱜᱮ ᱟᱪᱠᱟ ᱜᱮ ᱡᱷᱟᱢ ᱢᱮᱱᱛᱮᱭ ᱵᱩᱡᱷᱟ.ᱣ ᱠᱮᱫᱟ, ᱠᱷᱟᱱ ᱢᱮᱫ ᱠᱤᱱ ᱫᱚ ᱮᱠᱟᱞ ᱛᱮ ᱡᱟᱹᱯᱤᱫ ᱮᱱ ᱛᱟᱭᱟ ᱾ ᱚᱜᱮᱭᱟᱱ ᱠᱟᱛᱮᱫ ᱵᱷᱤᱸᱫᱟ.ᱲ ᱮᱱᱟᱭ ᱫᱩᱣᱟ.ᱨ ᱵᱟᱦᱨᱮ ᱫᱷᱟᱨᱮ ᱾ ᱫᱟ.ᱲ ᱟᱜ ᱨᱮᱞ ᱜᱟᱹᱰᱤ ᱠᱷᱚᱱ ᱮ ᱧᱩᱨ ᱮᱱᱟ ᱨᱮᱞ ᱞᱟᱹᱭᱤᱱ ᱨᱮᱱᱟᱜ ᱨᱟᱜᱽᱲᱟ ᱨᱩᱜᱽᱲᱩ ᱫᱷᱤᱨᱤ ᱨᱮ ᱾ ᱚᱸᱰᱮ ᱠᱷᱚᱱ ᱟᱨ ᱦᱚᱸᱭ ᱜᱩᱲᱫᱟ.ᱣ ᱟᱠᱟᱱᱟ ᱚᱛᱨᱮ ᱮᱠᱟᱞ ᱥᱤᱨᱚᱢ ᱜᱟᱡᱟᱲ ᱨᱮ ᱾

ᱨᱮᱞ ᱜᱟᱹᱰᱤ ᱫᱚ ᱥᱤᱫᱩ ᱵᱩᱡᱩᱨ ᱚᱴᱚ ᱠᱟᱛᱮᱫ ᱫᱟ.ᱲ ᱟᱠᱟᱫᱟᱭ ᱥᱚᱱᱟᱢᱩᱠᱷᱤ ᱴᱮᱥᱚᱱ ᱥᱮᱴᱮᱨ ᱞᱟᱹᱜᱤᱫ ᱛᱮ ᱾ ᱥᱤᱫᱩ ᱚᱜᱮᱭᱟᱱ ᱮ ᱛᱟᱦᱮᱸ ᱠᱟᱱᱟ ᱨᱮᱞ ᱜᱟᱹᱰᱤ ᱠᱷᱚᱱ ᱧᱩᱨᱩᱜ ᱢᱟᱲᱟᱝ ᱠᱷᱚᱱ ᱜᱮ, ᱢᱤᱫ ᱜᱷᱟᱹᱲᱤᱠ ᱛᱟᱭᱚᱢ ᱫᱤᱥᱟ. ᱟᱹᱪᱩᱨ ᱟᱫᱮᱭᱟ ᱠᱷᱟᱱ ᱫᱤᱥᱟ. ᱠᱮᱫᱟᱭ ᱤᱧ ᱪᱮᱛᱟᱱ ᱪᱮᱫ ᱦᱩᱭ ᱯᱟᱨᱚᱢ ᱮᱱᱟ ᱢᱮᱱᱛᱮ ᱾ ᱜᱤᱛᱤᱡ ᱠᱷᱚᱱ ᱵᱮᱨᱮᱫ ᱮ ᱨᱤᱠᱟ. ᱞᱮᱫᱟ ᱢᱮᱱᱠᱷᱟᱱ ᱵᱟᱭ ᱵᱮᱨᱮᱫ ᱫᱟᱲᱮ ᱟᱠᱟᱫᱟ ᱠᱷᱟᱱ ᱥᱟᱺᱜᱤᱧ ᱧᱚᱜ ᱨᱮ ᱢᱤᱫ ᱫᱤᱠᱩ ᱦᱚᱲ ᱪᱟᱸᱫᱚ ᱞᱮᱠᱟᱭ ᱧᱮᱞ ᱧᱟᱢ ᱠᱮᱫᱮᱭᱟ ᱠᱷᱟᱱ ᱛᱤ ᱛᱩᱞ ᱠᱟᱛᱮᱫ ᱮ ᱜᱟᱹᱫᱩᱡ ᱟᱫᱮᱭᱟ ᱾ ᱩᱱᱤ ᱦᱚᱲ ᱦᱚᱸ ᱥᱤᱫᱩ ᱧᱮᱞ ᱧᱟᱢ ᱠᱟᱛᱮᱫ ᱮ ᱫᱟ.ᱲ ᱦᱮᱡ ᱮᱱᱟ ᱟᱨ ᱮ ᱠᱚᱠᱮ ᱵᱮᱨᱮᱫ ᱠᱮᱫᱮᱭᱟ ᱾ ᱥᱚᱸᱜᱮ ᱛᱮ ᱟᱨ ᱯᱤ ᱮᱯᱷ ᱯᱩᱞᱤᱥ ᱮ ᱯᱷᱳᱱ ᱟᱫ ᱠᱚᱣᱟ ᱾ᱛᱩᱨᱟᱺᱛ ᱯᱩᱞᱤᱥ ᱠᱚ ᱦᱮᱡ ᱮᱱᱟ ᱾ ᱚᱱᱛᱮ ᱜᱟᱹᱰᱤ ᱠᱚᱷᱱ ᱢᱤᱫ ᱦᱚᱲ ᱮ ᱧᱩᱨ ᱟᱠᱟᱱ ᱟᱸᱡᱚᱢ ᱛᱮ ᱟᱨ ᱱᱚᱛᱮ ᱥᱤᱫᱩ ᱵᱟᱹᱦᱩ ᱫᱚ ᱟᱡ ᱨᱮᱱ ᱦᱚᱲ ᱵᱟᱭ ᱧᱮᱞ ᱧᱟᱢᱮ ᱠᱟᱱᱛᱮ ᱟᱹᱰᱤ ᱡᱳᱨ ᱛᱮᱭ ᱠᱟ.ᱶᱢᱟ.ᱶ ᱠᱮᱫᱟ ᱥᱟᱶᱛᱮ ᱜᱟᱹᱰᱤ ᱨᱮᱱ ᱦᱚᱲ ᱦᱚᱸ ᱠᱚ ᱠᱟ.ᱶᱢᱟ.ᱶ ᱠᱮᱫᱟ ᱩᱱᱛᱮ ᱜᱟᱹᱰᱤ ᱫᱚ ᱜᱷᱚᱴᱚᱱᱟ ᱜᱷᱚᱴᱟᱣ ᱟᱠᱟᱱ ᱴᱷᱟᱱ ᱠᱷᱚᱱ ᱫᱚ ᱢᱚᱲᱮ ᱢᱟᱹᱭᱤᱞ ᱮ ᱫᱟ.ᱲ ᱤᱫᱤ ᱜᱚᱫ ᱟᱠᱟᱫᱟ ᱾ ᱟᱨ ᱯᱤ ᱮᱯᱷ ᱯᱩᱞᱤᱥ ᱠᱚ ᱯᱷᱳᱱ ᱠᱮᱫ ᱠᱷᱟᱱ ᱜᱟᱹᱰᱤ ᱫᱚᱠᱚ ᱯᱟ.ᱪᱷ ᱨᱩᱣᱟ.ᱲ ᱟᱹᱜᱩ ᱠᱮᱫᱟ ᱟᱨ ᱠᱚ ᱞᱟᱫᱮ ᱟᱹᱜᱩ ᱠᱮᱫᱮᱭᱟ ᱥᱚᱱᱟᱢᱩᱠᱷᱤ ᱦᱟᱥᱯᱟᱛᱟᱞ ᱾

ᱚᱸᱰᱮ ᱜᱮ ᱯᱳᱭᱞᱳ ᱦᱮᱯᱟᱡᱚᱛ ᱮ ᱧᱟᱢ ᱠᱮᱫᱟ ᱾ ᱚᱸᱰᱮ ᱠᱚᱷᱱ ᱠᱚ ᱵᱷᱮᱡᱟ ᱠᱮᱫᱮᱭᱟ ᱵᱟᱸᱠᱩᱲᱟ ᱢᱟᱨᱟᱝ ᱦᱟᱥᱯᱟᱛᱟᱞ ᱚᱸᱰᱮ ᱥᱟᱱᱟᱢᱟᱜ ᱟᱜᱷᱟᱛ ᱟᱠᱟᱱ ᱡᱟᱭᱜᱟ ᱠᱚ ᱯᱷᱚᱴᱳ ᱚᱪᱚ ᱠᱮᱫᱟ ᱾ ᱪᱚᱴ ᱪᱟᱸᱫᱚ ᱟᱜ ᱚᱥᱟᱢᱵᱷᱮᱲ ᱫᱟᱭᱟ ᱛᱮ ᱥᱤᱫᱩ ᱡᱚᱢ ᱨᱟᱡᱟ ᱟᱜ ᱢᱚᱪᱟ ᱠᱷᱚᱱ ᱮ ᱨᱩᱣᱟᱹᱲ ᱦᱮᱡ ᱮᱱᱟ ᱾ ᱥᱤᱫᱩ ᱢᱚᱞᱚᱝ ᱨᱮᱱᱟᱜ ᱡᱳᱨ ᱛᱮ ᱱᱟᱣᱟ ᱡᱤᱭᱚᱱ ᱮ ᱧᱟᱢ ᱨᱩᱣᱟᱹᱲ ᱠᱮᱫᱟ ᱾ ᱚᱱᱛᱮ ᱚᱲᱟᱜ ᱦᱚᱲ ᱠᱚ ᱯᱷᱳᱱ ᱟᱠᱟᱫ ᱠᱚᱣᱟ, ᱥᱤᱫᱩ ᱛᱟᱹᱠᱤᱱ ᱦᱟᱥᱯᱟᱛᱟᱞ ᱠᱷᱚᱱ ᱚᱰᱚᱠ ᱠᱟᱛᱮᱫ ᱠᱚᱭᱚᱜ ᱦᱚᱨ ᱨᱮ ᱢᱮᱱᱟᱜ ᱠᱤᱱᱟ ᱚᱲᱟᱜ ᱦᱚᱲ ᱫᱚ ᱛᱤᱱ ᱨᱮᱠᱚ ᱥᱮᱴᱮᱨᱚᱜ ᱠᱟᱱᱟ ᱾

***