ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱵᱟᱦᱟ ᱞᱮᱠᱟᱢ ᱪᱚᱨᱚᱠᱟ
ᱩᱱᱤ ᱞᱮᱠᱟᱢ ᱥᱚᱵᱷᱟᱭᱟ
ᱜᱷᱟᱨᱚᱸᱡᱽ ᱫᱷᱟᱹᱨᱛᱤ ᱯᱩᱨᱤ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱚᱲᱟᱜ ᱠᱟ.ᱢᱤ ᱨᱮ
ᱟᱢ ᱜᱮᱢ ᱢᱟᱬᱟᱝ-ᱟ
ᱟᱢ ᱧᱮᱞ ᱛᱮ ᱡᱚᱛᱚ ᱠᱟ.ᱢᱤ ᱫᱟ.ᱲᱟ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱛᱚᱨᱟᱣ ᱟᱢ ᱡᱚᱛᱚ ᱞᱮᱠᱟᱱ ᱠᱟ.ᱢᱤ
ᱵᱟᱢ ᱵᱟᱰᱟᱭ ᱩᱱ ᱫᱚ ᱛᱤᱨᱩᱵ
ᱡᱚᱥ ᱴᱷᱟᱶ ᱨᱮ ᱥᱮᱴᱮᱨ ᱠᱟᱛᱮ ᱜᱮᱢ ᱛᱷᱤᱨᱩᱜᱼᱟ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱟᱢ ᱪᱮᱛᱟᱱ ᱦᱤᱡᱩᱜ ᱟᱱᱟᱴ ᱮᱴᱠᱮᱴᱚᱬᱮ ᱠᱚ
ᱩᱱ ᱫᱚ ᱵᱟᱢ ᱵᱟᱰᱟᱭᱟ ᱨᱟ.ᱜᱤ ᱟ.ᱲᱤᱥ
ᱱᱤᱨᱟ.ᱭ ᱢᱚᱱᱮ ᱛᱮ ᱡᱚᱛᱚᱢ ᱥᱟᱦᱟᱭᱟ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱟᱢ ᱜᱮ ᱡᱟᱦᱮᱨ ᱟᱭᱳ
ᱟᱢ ᱜᱮ ᱫᱷᱟ.ᱨᱛᱤ ᱟᱭᱳ
ᱡᱚᱛᱚ ᱠᱷᱚᱱ ᱟᱢ ᱜᱮ ᱱᱤᱨᱞᱟᱹ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱦᱩᱭᱩᱜ ᱟᱢ ᱚᱠᱚᱭᱤᱡ ᱫᱚ
ᱟᱭᱳ ᱵᱤᱴᱤ ᱵᱚᱭᱦᱟ ᱵᱟ.ᱦᱩ
ᱩᱱ ᱫᱚ ᱟᱢᱟᱜ ᱠᱟ.ᱢᱤ ᱮᱢ ᱠᱟ.ᱢᱤᱭᱟ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱟᱢ ᱜᱮ ᱞᱩᱠᱷᱤ ᱟᱢ ᱜᱮ ᱜᱷᱟ.ᱨᱱᱤ
ᱟᱢ ᱜᱮ ᱚᱲᱟᱜ ᱫᱩᱣᱟᱹᱨ ᱮᱢ ᱥᱩᱥᱟ.ᱨᱟ
ᱟᱢ ᱜᱮ ᱚᱲᱟᱜ ᱮᱢ ᱯᱮᱨᱮᱡᱟ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱡᱟᱦᱟᱸ ᱜᱷᱟᱨᱚᱸᱡᱽ ᱨᱮ ᱢᱟ.ᱱ ᱮᱢ ᱧᱟᱢᱟ
ᱚᱱᱟ ᱜᱷᱟᱨᱚᱸᱡᱽ ᱫᱚᱢ ᱥᱩᱞᱩᱠᱟᱜ
ᱡᱟᱦᱟᱸ ᱜᱷᱟᱨᱚᱸᱡᱽ ᱨᱮ ᱢᱟ.ᱱ ᱛᱟᱢ ᱵᱟ.ᱱᱩᱜ
ᱚᱱᱟ ᱫᱚ ᱚᱥᱩᱞᱩᱠ ᱠᱚᱜᱼᱟ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱨᱟᱭ ᱠᱟᱠᱟᱲᱵᱮᱫ ᱞᱮᱠᱟ ᱟᱢ ᱫᱚ
ᱨᱩᱯ ᱛᱟᱢ ᱮᱢ ᱵᱚᱫᱚᱞ ᱫᱟᱲᱮᱭᱟᱜ
ᱚᱱᱟ ᱛᱮ ᱡᱚᱛᱚ ᱞᱮᱠᱟᱱᱟᱜ ᱜᱮᱢ ᱠᱟ.ᱢᱤ ᱫᱟᱲᱮᱭᱟᱜ ᱾
ᱟᱢ ᱜᱮ ᱟᱭᱳ ᱟᱢ ᱜᱮ ᱛᱤᱨᱞᱟ.
ᱵᱟᱦᱟ ᱞᱮᱠᱟᱢ ᱪᱚᱨᱚᱠᱟ
ᱩᱱᱤ ᱞᱮᱠᱟᱢ ᱥᱟᱡᱟᱣ ᱵᱚᱵᱷᱟᱭᱟ
ᱜᱷᱟᱨᱚᱸᱡᱽ ᱫᱷᱟᱹᱨᱛᱤ ᱯᱩᱨᱤ ᱾
***
