ᱨᱮᱸᱜᱮᱡ ᱛᱮᱛᱟᱝ ᱢᱟᱴᱟᱜ ᱢᱟᱴᱟᱜ
ᱠᱟᱛᱷᱟ ᱦᱟᱴᱟᱜ ᱦᱟᱴᱟᱜ
ᱡᱚᱢ ᱨᱮᱫᱚᱢ ᱢᱟᱛᱠᱚᱢ ᱞᱟᱴᱷᱮ
ᱛᱟᱦᱩᱸ ᱞᱟᱴᱟᱜ ᱞᱟᱴᱟᱜ ᱿
ᱢᱮᱱᱟᱜ ᱛᱟᱞᱮ ᱵᱟᱲᱜᱮ ᱡᱷᱟᱴᱟ
ᱠᱟᱨᱞᱟ ᱠᱩᱸᱫᱽᱨᱤ ᱞᱟᱴᱟ
ᱞᱮᱸᱡᱮᱫ ᱤᱱᱟᱹᱧ ᱵᱟᱱᱟᱨ ᱠᱟᱴᱟ
ᱯᱩᱪᱩᱡ ᱠᱤᱫᱟᱹᱧ ᱞᱚᱴᱟ ᱿
ᱢᱮᱱᱟᱭ ᱛᱟᱞᱮ ᱟᱹᱰᱤ ᱢᱚᱴᱟ
ᱤᱧ ᱫᱟᱫᱟ ᱨᱮᱱᱴᱟ
ᱮᱜᱮᱨ ᱢᱮᱭᱟᱭ ᱛᱚᱜᱚᱡ ᱰᱟᱴᱟ
ᱟᱹᱰᱤ ᱡᱩᱻᱨᱮ ᱴᱷᱮᱱᱴᱟ ᱿
ᱩᱛᱩᱭᱟᱞᱮ ᱵᱚᱦᱚᱜ ᱪᱚᱴ ᱠᱟᱴᱟ
ᱞᱩᱸᱫᱟᱹ ᱵᱟᱵᱩᱭ ᱜᱷᱟᱸᱴᱟᱭ
ᱡᱷᱟᱱᱴᱤ ᱟᱲᱮ ᱨᱟᱴᱟ ᱯᱟᱴᱟ
ᱥᱟᱦᱟᱱ ᱛᱟᱞᱮ ᱜᱚᱴᱟ ᱿
ᱢᱟᱜᱟᱞᱮ ᱨᱚᱦᱚᱲ ᱠᱟᱴ
ᱜᱮᱫᱽ ᱟᱞᱮ ᱯᱟᱴᱟ
ᱵᱮᱱᱟᱣ ᱟᱞᱮ ᱢᱟᱨᱟᱝ ᱵᱮᱴᱟ
ᱵᱷᱤᱛᱤᱨ ᱚᱲᱟᱜ ᱠᱚᱴᱷᱟ ᱿
ᱜᱟᱰᱟ ᱯᱟᱨᱚᱢ ᱪᱤᱢᱱᱤ ᱵᱷᱟᱴᱟ
ᱫᱤᱯᱤᱞ ᱟᱞᱮ ᱤᱴᱟᱹ
ᱠᱤᱨᱤᱧ ᱢᱮᱥᱮ ᱵᱟᱹᱵᱩ ᱞᱤᱴᱟᱹ
ᱜᱩᱦᱩᱢ ᱨᱤᱱᱟᱜ ᱟᱴᱟ ᱿
ᱯᱤᱴᱷᱟᱹ ᱭᱟᱞᱮ ᱫᱤᱱᱟᱹᱢ ᱟᱴᱟ
ᱡᱚᱢ ᱫᱚ ᱵᱟᱞᱮ ᱥᱟᱴᱟᱜ
ᱱᱟᱞᱦᱟ ᱞᱟᱸᱜᱟ ᱨᱮᱸᱜᱮᱡ ᱢᱮᱴᱟᱜ
ᱢᱮᱫ ᱫᱚ ᱛᱟᱞᱮ ᱞᱟᱴᱷᱟᱜ ᱿
***
