ᱥᱮᱜᱟ ᱠᱩᱞ ᱛᱮᱠᱚᱣᱟᱜ ᱵᱟᱲᱜᱮ ᱦᱚᱨ ᱨᱮ ᱛᱤᱸᱜᱩ ᱠᱟᱛᱮ ᱞᱮᱪᱮ ᱜᱚᱲᱚᱢ ᱚᱠᱚᱭ ᱥᱟᱞᱟᱜ ᱪᱚᱭ ᱨᱚᱲ ᱠᱟᱱ ! ᱦᱤᱸᱥᱤ ᱪᱮᱛᱟᱱ ᱠᱩᱞᱦᱤ ᱥᱮᱫ ᱥᱮᱱᱚᱜ ᱡᱚᱦᱚᱜ ᱮ ᱧᱮᱞ ᱞᱮᱫᱮᱭᱟ ᱾ ᱨᱩᱥᱟ.ᱲ ᱡᱚᱦᱚᱜ ᱦᱚᱸ ᱚᱱᱠᱟ ᱜᱮ ᱞᱟ.ᱴᱤᱡ ᱟᱛᱮᱭ ᱜᱟᱞᱢᱟᱨᱟᱣ ᱠᱟᱱᱟ ᱾ ᱵᱚᱦᱚᱜ ᱨᱮ ᱫᱚ ᱴᱷᱮᱠᱟᱭ ᱫᱤᱯᱤᱞ ᱟᱠᱟᱫ-ᱟ ᱾ ᱵᱟᱝ ᱫᱚ ᱪᱮᱫ ᱢᱮᱱᱟᱜ ᱥᱮ ᱵᱟᱝ ᱾ ᱛᱚᱵᱮ ᱫᱤᱯᱤᱞ ᱠᱟᱛᱮ ᱜᱮ ᱦᱟᱱᱮ ᱮᱱᱟᱝ ᱠᱷᱚᱱᱮ ᱜᱟᱞᱢᱟᱨᱟᱣ ᱠᱟᱱᱟ ᱾
ᱛᱟᱨᱮᱥᱤᱧ ᱦᱤᱸᱥᱤ ᱛᱤᱠᱤᱱ ᱠᱤᱱ ᱧᱟᱯᱟᱢ ᱮᱱᱟ ᱫᱟᱜ ᱞᱩ ᱜᱷᱟᱴ ᱨᱮ ᱾ ᱦᱤᱸᱥᱤ ᱜᱮᱭ ᱢᱮᱱ ᱜᱚᱫ ᱠᱮᱫ-ᱟ, ᱮᱱᱟ ᱜᱚᱲᱚᱢ ᱪᱮᱫ ᱫᱚ ᱥᱮᱜᱟ ᱠᱩᱞ ᱥᱟᱞᱟᱜ ᱩᱱᱟ.ᱜ ᱞᱟ.ᱴᱤᱡ ᱟᱛᱮᱢ ᱨᱚᱯᱚᱲ ᱠᱟᱱ ᱛᱟᱸᱦᱮᱱ ᱾
ᱧᱩᱛᱩᱢ ᱟᱠᱟᱫ ᱫᱮᱭᱟ ᱠᱚ ᱩᱠᱩ ᱩᱠᱩ ᱛᱮ ᱥᱮᱜᱟ ᱠᱩᱞ ᱾ ᱪᱮᱫᱟᱜ ᱥᱮ ᱩᱱᱟ.ᱜ ᱮ ᱥᱮᱜᱟ ᱜᱮᱭᱟ ᱚᱠᱚᱭ ᱦᱚ ᱸ ᱵᱟᱠᱚ ᱠᱩᱥᱤ ᱟᱭᱟ ᱾ ᱟᱡ ᱨᱤᱱ ᱵᱟ.ᱦᱩ ᱜᱤᱫᱽᱨᱟ. ᱪᱷᱟᱰᱟ ᱚᱠᱚᱭ ᱦᱚᱸ ᱱᱚᱣᱟ ᱫᱩᱱᱤᱭᱟ. ᱨᱮ ᱟᱡ ᱴᱷᱮᱱ ᱵᱟᱠᱚ ᱵᱮᱥᱟ ᱾
ᱨᱩᱥᱨᱩᱥᱩᱭ ᱠᱚᱭᱚᱜ ᱵᱟᱲᱟᱭᱟ ᱜᱚᱸᱫᱚᱨ ᱜᱚᱸᱫᱚᱨ ᱪᱮᱫ ᱮ ᱢᱮᱱᱟ ᱵᱟᱢ ᱴᱷᱤᱠᱟᱹᱭᱟ ᱾ ᱛᱚᱵᱮ ᱢᱮᱫᱦᱟ ᱧᱮᱞ ᱛᱮ ᱵᱩᱡᱷᱟ.ᱣ ᱡᱚᱝ ᱢᱮ ᱾ ᱚᱱᱟᱛᱮ ᱴᱚᱞᱟ ᱨᱮᱫᱚ ᱚᱱᱠᱟ ᱠᱚ ᱧᱩᱛᱩᱢ ᱟᱠᱟᱫ ᱫᱮᱭᱟ, ᱟᱡ ᱥᱮᱜᱟ ᱠᱩᱞ ᱠᱚ ᱧᱩᱛᱩᱢ ᱟᱠᱟᱫ ᱫᱮᱭᱟ ᱚᱱᱟ ᱫᱚ ᱵᱟᱭ ᱵᱟᱰᱟᱭᱟ ᱾
ᱞᱮᱪᱮ ᱜᱚᱲᱚᱢ ᱮ ᱢᱮᱱ ᱠᱮᱫ-ᱟ, ᱪᱮᱫ ᱦᱚᱸ ᱵᱟᱝ ᱚᱱᱠᱟ ᱫᱚ, ᱦᱟᱱᱮ ᱩᱱᱠᱩᱣᱟᱜ ᱤᱛᱟ. ᱦᱳᱲᱳ ᱜᱮᱧ ᱤᱫᱤ ᱚᱴᱚ ᱠᱟᱫ ᱛᱟᱠᱚᱣᱟ ᱾ ᱟᱫᱚ ᱵᱟᱲᱜᱮ ᱦᱚᱨ ᱛᱮ ᱞᱚᱜᱚᱱ ᱫᱷᱟᱨᱟᱧ ᱦᱤᱡᱩᱜ ᱠᱟᱱᱟ ᱵᱟᱝ ᱢᱟ ᱾ ᱧᱮᱞ ᱠᱟᱛᱮ ᱪᱮᱫ ᱞᱮᱠᱟ ᱫᱚᱹᱧ ᱯᱟᱨᱚᱢᱚᱜ-ᱟ ! ᱚᱱᱟᱛᱮᱧ ᱨᱚᱲ ᱥᱟᱰᱮ ᱟᱫ ᱠᱤᱱᱟ ᱾
ᱥᱮᱜᱟ ᱠᱩᱞ ᱫᱚ ᱫᱟᱠᱟ ᱴᱩᱠᱩᱡ ᱮ ᱜᱟᱥᱟᱣ ᱠᱟᱱ ᱧᱮᱞ ᱛᱮᱧ ᱢᱮᱛᱟᱭ ᱠᱟᱱᱟ ᱮ ᱡᱟ ᱟ.ᱰᱤ ᱡᱩᱨ ᱠᱚ ᱴᱤᱨᱱᱤᱝ ᱟᱠᱟᱫ ᱢᱮᱫᱚ ᱾ᱦᱤᱥᱤ ᱩᱱ ᱨᱮᱭ ᱢᱮᱱ ᱜᱚᱫ ᱠᱮᱫ-ᱟ, ᱟᱫᱚ ᱠᱩᱲᱤ ᱴᱟᱜ ᱫᱚᱭ ᱚᱠᱟᱭᱮᱱ ᱛᱮ ?
ᱞᱮᱪᱮ ᱜᱚᱲᱚᱢ ᱮ ᱢᱮᱱ ᱜᱚᱫ ᱠᱮᱫ, ᱢᱮᱱᱟᱭ ᱜᱮᱭᱟ ᱫᱩᱣᱟ.ᱨ ᱜᱟᱱᱟᱰᱤ ᱨᱮ ᱫᱩᱲᱩᱵ ᱠᱟᱛᱮ ᱩᱱᱤ ᱫᱚᱭ ᱯᱷᱳ ᱯᱷᱳᱱ ᱠᱟᱱ ᱾ ᱟᱯᱱᱟᱨ ᱜᱮ ᱞᱟᱡᱟᱣ ᱮᱢ ᱵᱩᱡᱷᱟ.ᱣ-ᱟ᱾ ᱥᱮᱜᱟ ᱠᱩᱞ ᱥᱟᱞᱟᱜ ᱨᱚᱯᱚᱲ ᱨᱚᱯᱚᱲ ᱛᱮ ᱮᱨᱟ ᱛᱟᱭᱟᱜ ᱠᱟᱛᱷᱟᱧ ᱟᱸᱡᱚᱢ ᱮᱫ ᱛᱟᱭᱟ ᱾ ᱦᱚᱞᱟ ᱵᱟᱝ ᱢᱟ ᱩᱛᱩ ᱨᱮᱭ ᱵᱩᱞᱩᱝ ᱵᱟᱹᱲᱛᱤᱭᱟᱫᱼᱟ, ᱚᱱᱟ ᱜᱮ ᱚᱠᱚᱭ ᱠᱟ.ᱠᱤᱫ ᱛᱟᱭ ᱮ ᱞᱟᱹᱭᱟᱭ ᱠᱟᱱᱟ ᱾ ᱪᱮᱫ ᱠᱚᱪᱚ ᱦᱟᱱᱟ ᱱᱟᱣᱟ ᱟᱨ ᱠᱷᱟᱫᱽ ᱠᱷᱟᱫᱽ ᱮ ᱞᱟᱸᱫᱟᱭᱮᱫ ᱾
ᱦᱤᱸᱥᱤ ᱩᱱ ᱨᱮᱭ ᱢᱮᱱ ᱠᱮᱫ-ᱟ, ᱦᱮ ᱱᱟ ᱩᱱᱟ.ᱜ ᱜᱷᱟ.ᱲᱤ ᱟᱫᱚ ᱟᱢ ᱦᱚᱸ ᱩᱱᱠᱤᱱᱟᱜ ᱡᱟᱛᱨᱟᱢ ᱧᱮᱞ ᱡᱚᱝ ᱠᱟᱱᱟ !
ᱦᱤᱸᱥᱤ ᱢᱮᱱ ᱜᱚᱫ ᱠᱮᱫᱟᱭ ᱩᱱᱤ ᱥᱟᱞᱟᱜ ᱢᱟ ᱤᱧ ᱫᱚ ᱢᱚᱴᱷᱮ ᱜᱮ ᱵᱟᱝ ᱨᱚᱲ ᱥᱟᱱᱟᱧᱟ ᱾ ᱠᱟᱛᱷᱟ ᱠᱟᱛᱷᱟ ᱛᱮ ᱟᱡᱟᱜ ᱟᱯᱟ ᱵᱟᱨᱮ ᱚᱲᱟᱜ ᱨᱮᱱᱟᱜ ᱜᱮᱭ ᱠᱟᱛᱷᱟᱭᱟ, ᱵᱟᱝ ᱵᱟᱰᱟᱭ ᱞᱮᱠᱟ ᱟ.ᱰᱤ ᱢᱟᱨᱟᱝ ᱢᱟᱨᱟᱝ ᱮ ᱠᱟᱛᱷᱟᱭᱟ ᱾ ᱪᱮᱫ ᱡᱮ ᱛᱟᱨ ᱮ ᱵᱷᱟ.ᱵᱤᱜ !
ᱥᱮᱜᱟ ᱠᱩᱞ ᱢᱟ ᱦᱚᱲᱟᱜ ᱠᱟᱛᱷᱟ ᱯᱟ.ᱦᱤᱞ ᱪᱮᱫ ᱞᱮᱠᱟᱭ ᱢᱮᱱ ᱛᱟᱸᱦᱮᱱ, ᱱᱩᱭ ᱵᱟ.ᱦᱩ ᱱᱚᱝᱠᱟ ᱦᱟ.ᱱᱤ ᱵᱟ.ᱦᱩ ᱱᱚᱝᱠᱟ ᱱᱮᱛᱟᱨ ᱟᱡ ᱵᱟ.ᱦᱩ ᱫᱚ ᱥᱟᱡᱟᱣ ᱮᱢ ᱧᱮᱞ ᱛᱟᱭᱟ ᱵᱟᱯᱨᱮ ᱛᱤᱱᱟ.ᱜ ᱢᱟᱨᱟᱝ ᱢᱮᱰᱟᱢ ᱞᱮᱠᱟ ᱞᱟᱡᱟᱣ ᱜᱮᱭ ᱵᱩᱡᱷᱟ.ᱣ ᱯᱟᱞᱮᱱ ᱚᱱᱟᱛᱮ ᱡᱟᱶᱟᱭ ᱛᱟᱭ ᱢᱟ ᱚᱠᱟ ᱛᱮᱦᱚᱸ ᱵᱟᱭ ᱤᱫᱤᱭᱮ ᱾ ᱡᱟᱸᱦᱟ ᱞᱮᱠᱟᱱ ᱦᱚᱲ ᱚᱱᱟ ᱦᱤᱸᱥᱟ.ᱵᱽ ᱥᱟᱠᱟᱜ ᱢᱮ ᱾ ᱥᱟᱯᱷᱟ ᱥᱩᱛᱨᱟ.ᱢ ᱦᱚᱨᱚᱜ ᱞᱮᱠᱷᱟᱱ ᱜᱮ ᱾
ᱪᱟ.ᱠᱨᱤ ᱦᱚᱲ ᱨᱮᱱ ᱵᱟ.ᱦᱩ ᱞᱮᱠᱟ ᱛᱟᱸᱦᱮᱱ ᱥᱟᱱᱟᱭᱮᱭᱟ ᱾ ᱞᱮᱪᱮ ᱜᱚᱲᱚᱢ ᱮ ᱢᱮᱱ ᱜᱚᱫ ᱠᱮᱫ-ᱟ, ᱥᱮᱜᱟ ᱠᱩᱞ ᱢᱟ ᱧᱮᱞᱮ ᱫᱩᱧ ᱦᱟᱱᱮ ᱱᱟ ᱥᱮᱛᱟᱜ ᱨᱮ ᱫᱩᱣᱟ.ᱨ ᱮᱢ ᱪᱷᱚ ᱪᱷᱚᱸᱪ ᱠᱟᱱ ᱾ ᱪᱮᱫ ᱦᱚᱸ ᱵᱟ.ᱧ ᱢᱮᱛᱟᱫ ᱫᱮᱭᱟ ᱵᱟᱝ ᱧᱮᱞ ᱤᱡ ᱞᱮᱠᱟᱧ ᱯᱟᱨᱟᱢ ᱮᱱᱟ ᱾ ᱦᱟᱱᱦᱟᱨ ᱛᱮᱫ ᱢᱤᱫ ᱫᱤᱱ ᱮ ᱢᱮᱱ ᱮᱫᱟ ᱪᱮᱫ ᱵᱤᱱ ᱢᱮᱱᱟ ᱦᱩᱰᱤᱧ ᱟᱭᱳ,ᱤᱧ ᱢᱟ ᱚᱠᱟ ᱦᱤᱞᱚᱜ ᱠᱚᱨᱮ ᱫᱚ ᱵᱩᱞᱩᱝ ᱥᱟᱞᱟᱜ ᱫᱟᱠᱟ ᱞᱤᱧ ᱡᱚᱢᱟ ᱾ᱠᱤᱢᱤᱱᱤᱧ ᱦᱟᱱᱮ ᱯᱷᱳᱱ ᱧᱮᱞ ᱧᱮᱞᱛᱮ ᱪᱮᱫ ᱠᱚᱪᱚᱭ ᱩᱛᱩᱭ ᱠᱤᱭᱟ.ᱵᱟᱦᱟ ᱠᱤᱭᱟ. ᱵᱟᱦᱟ ᱜᱮ ᱥᱚ ᱫᱚ ᱚᱠᱟ ᱞᱮᱠᱟ ᱨᱮᱢ ᱡᱚᱢᱟ ᱾ ᱢᱤᱫ ᱛᱤ ᱛᱮ ᱯᱷᱳᱱ ᱢᱤᱫ ᱛᱤ ᱛᱮ ᱩᱛᱩᱭ ᱜᱷᱟᱱᱴᱟᱭᱟ ᱵᱮᱥ ᱵᱟᱝ ᱵᱩᱡᱷᱟᱹᱜ ᱜᱮᱭᱟ ᱾ ᱦᱚᱲ ᱠᱚ ᱦᱤᱡᱩᱜ ᱨᱮᱦᱚᱸ ᱨᱚᱲ ᱟᱠᱟᱭ ᱛᱟᱸᱦᱮᱱᱟ ᱢᱤᱫ ᱨᱟᱦᱟ ᱾ ᱫᱮ ᱠᱟᱛᱷᱟᱱ ᱛᱟᱭᱚᱢ ᱛᱮᱧ ᱠᱟᱛᱷᱟᱜ-ᱟ, ᱵᱟᱝ ᱢᱤᱫ ᱥᱟᱨᱟ ᱵᱚᱠᱚᱛ ᱛᱮᱫ ᱨᱤᱱ ᱜᱤᱫᱽᱨᱟ. ᱢᱟ ᱟᱸᱡᱚᱢ ᱠᱚᱣᱟᱢ ᱪᱮᱫ ᱩᱛᱩ ᱟᱨ ᱦᱚᱸ ᱧᱮᱯᱮᱞᱟ ᱠᱚ ᱨᱚᱲ ᱟᱠᱚ ᱠᱤᱢᱤᱱᱤᱧ ᱟᱜ ᱞᱟᱸᱫᱟ ᱢᱟᱯᱮ ᱵᱟᱰᱟᱭ ᱜᱮ ᱴᱚᱴᱟ ᱠᱩᱞᱦᱤ ᱦᱚᱲ ᱠᱚ ᱟᱸᱡᱚᱢᱟ ᱾
ᱚᱠᱟ ᱨᱮᱢ ᱞᱟᱹᱭᱟ ᱵᱟᱵᱟ! ᱦᱚᱯᱚᱱᱤᱧ ᱱᱮᱛᱟᱨ ᱢᱟ ᱵᱟ.ᱦᱩ ᱟᱜ ᱠᱟᱛᱷᱟ ᱛᱮᱜᱮᱭ ᱪᱟᱞᱟᱜ ᱠᱟᱱ ᱾ ᱱᱮᱛᱟᱨ ᱵᱟ.ᱦᱩ ᱠᱩᱲᱤ ᱯᱷᱳᱱ ᱢᱟ ᱜᱚᱪᱷᱟ ᱨᱮᱜᱮ ᱾ ᱚᱠᱚᱭ ᱠᱚ ᱥᱟᱞᱟᱜ ᱛᱟᱨ ᱩᱱᱟ.ᱜ ᱠᱚ ᱠᱟᱛᱷᱟᱜ ᱪᱮᱠᱟᱢ ᱵᱟᱰᱟᱭ ᱾ ᱟᱯᱱᱟᱨ ᱫᱚ ᱵᱟ.ᱴᱤ ᱫᱟᱠᱟ ᱢᱟ.ᱞᱤᱠ ᱾
***
