ᱥᱮᱛᱟᱜ ᱠᱷᱚᱱᱟᱜ ᱟᱹᱭᱩᱵ ᱦᱟᱹᱵᱤᱡ
ᱱᱮᱦᱚᱨᱚᱜ ᱟᱹᱧ ᱟᱵᱮᱱ ᱞᱟᱹᱜᱤᱫ ᱾
ᱥᱩᱠ ᱱᱤᱨᱟᱹᱭ ᱛᱤᱧ ᱫᱚᱦᱚ ᱵᱮᱱ ᱢᱟ
ᱪᱟᱸᱫᱳ ᱴᱷᱮᱱ ᱱᱤᱭᱟᱹ ᱜᱤᱧ ᱠᱷᱚᱡᱽ ᱤᱧ ᱢᱟ ᱾
ᱟᱵᱮᱱ ᱛᱟᱞᱟ ᱯᱟᱨᱚᱢ ᱟᱠᱟᱱ ᱛᱤᱱᱟᱹᱜ
ᱦᱚᱭᱼᱦᱤᱸᱥᱤᱫ ᱡᱟᱨᱜᱮ ᱡᱟᱹᱯᱩᱫ ᱞᱚᱞᱚ ᱥᱤᱛᱩᱝ ᱾
ᱥᱟᱱᱟᱢ ᱟᱜ ᱜᱮ ᱥᱟᱦᱟᱣ ᱠᱟᱛᱮᱫ
ᱞᱟᱦᱟ ᱟᱠᱟᱱ ᱟᱵᱮᱱ ᱢᱤᱫ ᱠᱟᱛᱮᱫ ᱾
ᱟᱵᱮᱱ ᱟᱜ ᱢᱚᱱᱮ ᱨᱮᱱᱟᱜ ᱡᱳᱨᱛᱮ
ᱦᱚᱲᱢᱚ ᱨᱮᱱᱟᱜ ᱫᱟᱲᱮᱛᱮ ᱾
ᱠᱷᱟᱴᱟᱣ ᱠᱟᱛᱮᱜ ᱵᱮᱱ ᱦᱟᱨᱟ ᱠᱮᱫ ᱞᱮ
ᱢᱟᱨᱥᱟᱞ ᱰᱟᱦᱟᱨ ᱛᱮᱵᱮᱱ ᱟᱹᱭᱩᱨ ᱠᱮᱫ ᱞᱮ ᱾
ᱟᱵᱮᱱ ᱞᱮᱠᱟ ᱠᱷᱟᱴᱚ ᱟᱞᱚ ᱞᱮ ᱦᱩᱭᱩᱜ,
ᱚᱱᱟᱛᱮ ᱱᱟᱯᱟᱭ ᱰᱟᱦᱟᱨ ᱵᱮᱱ ᱩᱫᱩᱜᱽ ᱾
ᱟᱵᱤᱱ ᱞᱮᱠᱟᱱ ᱟᱹᱭᱩᱼᱵᱟᱵᱟ
ᱥᱟᱱᱟᱢ ᱠᱚᱨᱮᱱ ᱠᱚ ᱦᱩᱭᱩᱜ ᱾
ᱫᱷᱟᱹᱨᱛᱤ ᱨᱮ ᱵᱟᱧᱪᱟᱣ ᱞᱟᱹᱜᱤᱫ
ᱥᱮᱪᱮᱫ ᱫᱳ ᱱᱤᱦᱟᱹᱛ ᱞᱟᱹᱠᱛᱤ ᱾
ᱱᱚᱣᱟ ᱠᱟᱛᱷᱟ ᱠᱳ ᱩᱭᱦᱟᱹᱨ ᱠᱟᱛᱮᱫ
ᱞᱟᱦᱟ ᱠᱟᱫ ᱞᱮᱭᱟᱵᱮᱱ ᱥᱮᱪᱮᱫ ᱥᱮᱫ ᱾
ᱟᱵᱤᱱᱟᱜ ᱱᱟᱯᱟᱭ ᱩᱭᱦᱟᱹᱨ ᱛᱮ
ᱟᱞᱮ ᱦᱚᱞᱮ ᱛᱟᱲᱟᱢ ᱠᱮᱫ ᱢᱤᱫ ᱢᱤᱫ ᱛᱮ ᱾
ᱵᱟᱝ ᱞᱮ ᱠᱚᱭᱚᱜᱽ ᱛᱟᱭᱚᱢ ᱥᱮᱫ
ᱢᱚᱦᱰᱟᱜ ᱟᱞᱮ ᱢᱟᱲᱟᱝ ᱥᱮᱫ ᱾
ᱟᱞᱮ ᱞᱟᱹᱜᱤᱫ ᱟᱵᱮᱱᱟᱜ ᱱᱟᱯᱟᱭ ᱩᱭᱦᱟᱹᱨ
ᱫᱤᱥᱟᱹ ᱫᱚᱦᱚᱭᱟᱹᱧ ᱡᱤᱭᱚᱱ ᱵᱷᱳᱨ ᱾
ᱥᱩᱠ ᱱᱤᱨᱟᱹᱭ ᱛᱤᱧ ᱫᱚᱦᱚ ᱵᱮᱱ ᱢᱟ
ᱱᱚᱣᱟ ᱜᱮ ᱤᱧᱟᱜ ᱱᱮᱦᱚᱨ ᱛᱤᱧ ᱢᱟ ᱾
***
