ᱫᱟᱞᱟᱭ ᱫᱟᱭᱟᱞ ᱦᱚᱭ ᱦᱤᱥᱤᱫ
ᱟᱹᱰᱤ ᱱᱟᱯᱟᱭ ᱟᱹᱭᱠᱟᱹᱣᱜ ᱠᱟᱱ,
ᱫᱟᱨᱮ ᱵᱩᱴᱟᱹ ᱨᱮᱭᱟᱲ ᱦᱚᱭ
ᱟᱹᱰᱤ ᱜᱚᱢᱦᱮᱲ ᱵᱩᱡᱷᱟᱹᱣᱜ ᱠᱟᱱ ᱾
ᱯᱩᱸᱰ ᱢᱮᱥᱟ ᱦᱟᱹᱨᱭᱟᱹᱲ ᱵᱟᱦᱟ ᱥᱟᱶ
ᱥᱟᱠᱟᱢ ᱟᱹᱰᱤ ᱢᱚᱡᱽ ᱧᱮᱞᱚᱜ ᱠᱟᱱ,
ᱧᱮᱞ ᱧᱟᱢ ᱞᱮᱱᱠᱷᱟᱱ ᱢᱚᱱᱮ ᱵᱟᱭ ᱟᱠᱚᱴᱚᱜ
ᱛᱤᱭᱩᱜ ᱥᱟᱹᱱᱟᱹᱧ ᱜᱚᱫ ᱥᱟᱹᱱᱟᱹᱧ ᱾
ᱜᱚᱪᱷᱟ ᱯᱮᱨᱮᱡ ᱟᱹᱜᱩ ᱥᱟᱹᱱᱟᱹᱧ
ᱫᱮᱞᱟ ᱥᱮᱜᱳ ᱦᱤᱡᱩᱜ ᱢᱮ
ᱜᱚᱪᱷᱟ ᱯᱮᱨᱮᱡ ᱢᱤᱫ ᱜᱚᱪᱷᱟ
ᱛᱤᱭᱩᱜ ᱟᱹᱧ ᱢᱮ ᱾
ᱟᱞᱚ ᱥᱮ ᱜᱳᱢ ᱵᱤᱞᱚᱢᱟ
ᱠᱟᱛᱷᱟ ᱤᱧᱟᱜ ᱟᱸᱡᱚᱢ ᱢᱮ
ᱦᱚᱲ ᱫᱚᱠᱚ ᱠᱩᱥᱤᱭᱟᱜ ᱪᱚ ᱵᱟᱝ ᱪᱚ
ᱤᱧ ᱫᱚ ᱟᱹᱰᱤᱧ ᱠᱩᱥᱤᱭᱟᱜ ᱾
ᱢᱟᱡᱟᱱ ᱵᱮᱲᱟ ᱵᱟᱥᱠᱮ ᱫᱟᱠᱟ
ᱢᱤᱫ ᱨᱮᱫ ᱱᱤᱢ ᱵᱟᱦᱟ ᱟᱼᱦᱟᱼᱦᱟᱼᱨᱮ
ᱪᱷᱩᱛ ᱪᱷᱟᱹᱴᱭᱟᱹᱨ ᱱᱤᱢ ᱵᱟᱦᱟ
ᱡᱚᱛᱚ ᱜᱮᱵᱚᱱ ᱡᱚᱢᱟ
ᱵᱟᱯᱞᱟ ᱵᱷᱟᱸᱰᱟᱱ ᱯᱟᱛᱲᱟ ᱯᱟᱹᱴᱤ
ᱱᱤᱢ ᱪᱟᱨᱮᱡ ᱫᱚ ᱞᱮᱠᱚᱜ ᱜᱮ ᱾
ᱥᱟᱠᱟᱢ ᱦᱚᱸ ᱵᱚᱱ ᱡᱚᱢ ᱵᱟᱦᱟ ᱦᱚᱸ ᱵᱚᱱ ᱡᱚᱢ,
ᱱᱤᱢ ᱰᱟᱹᱨ ᱛᱮ ᱵᱚᱱ ᱫᱟᱹᱛᱟᱹᱣᱱᱤᱜ
ᱡᱚ ᱦᱚᱸ ᱵᱚᱱ ᱥᱩᱱᱩᱢ
ᱚᱱᱟᱛᱮ ᱱᱤᱢ ᱫᱟᱨᱮ ᱫᱚ ᱠᱷᱮᱨᱣᱟᱲ ᱠᱚᱣᱟᱜ
ᱟᱹᱰᱤ ᱞᱟᱹᱠᱛᱤᱭᱟᱱ ᱫᱟᱨᱮ ᱠᱟᱱᱟ ᱾
***
