ᱯᱷᱩᱴᱟᱹᱣ ᱵᱩᱥᱟᱹᱲ ᱵᱟᱦᱟ ᱠᱷᱚᱱ
ᱫᱮᱵᱚᱱ ᱪᱮᱫᱚᱜ ᱞᱟᱸᱫᱟ,
ᱨᱟᱹᱥᱠᱟᱹ ᱨᱮ ᱛᱟᱦᱮᱸᱱ ᱞᱟᱹᱜᱤᱫ ᱫᱚ
ᱵᱷᱟᱶᱟᱨ ᱴᱷᱮᱱ ᱠᱷᱚᱱ ᱥᱮᱨᱮᱧ ᱨᱟᱦᱟ ᱾
ᱥᱤᱧ ᱪᱟᱸᱫᱚ ᱴᱷᱮᱱ ᱠᱷᱚᱱ ᱵᱚ
ᱪᱮᱫᱚᱜ ᱜᱟᱹᱲᱤᱭᱟᱹ ᱵᱟᱹᱜᱤ ᱠᱟᱛᱮ ᱞᱟᱦᱟᱜ,
ᱱᱚᱨᱚᱢ ᱱᱟᱯᱟᱭ ᱵᱮᱵᱷᱟᱨ ᱫᱚ
ᱡᱚ ᱯᱮᱨᱮᱡ ᱞᱤᱰᱩᱨ ᱰᱟᱹᱨ ᱠᱷᱚᱱᱟᱜ ᱾
ᱩᱥᱩᱞ ᱵᱩᱨᱩ ᱴᱷᱮᱱ ᱠᱷᱚᱱ
ᱥᱟᱦᱟᱣ ᱫᱟᱲᱮ ᱫᱮᱵᱚ ᱪᱮᱫᱚᱜ,
ᱵᱚᱦᱮᱞ ᱪᱟᱞᱟᱜ ᱡᱷᱟᱨᱱᱟ ᱠᱷᱚᱱᱟᱜ
ᱫᱩᱠ ᱠᱚᱥᱴᱚ ᱥᱟᱸᱜᱷᱟᱨ ᱯᱟᱨᱚᱢᱚᱜ ᱾
ᱫᱤᱭᱟᱹᱲᱟ ᱟᱨᱥᱟᱞ ᱠᱷᱚᱱ ᱵᱚ ᱪᱮᱫᱚᱜ
ᱡᱤᱵᱚᱱ ᱰᱟᱦᱟᱨ ᱢᱟᱨᱥᱟᱞ ᱞᱟᱹᱜᱤᱫ,
ᱱᱟᱺᱬᱤ ᱞᱟᱴᱟ ᱴᱷᱮᱱ ᱠᱷᱚᱱ ᱫᱚ
ᱟᱯᱱᱟᱨ ᱱᱤᱡᱚᱨ ᱦᱟᱺᱵᱩᱫ ᱜᱩᱸᱜᱼᱜᱩᱫ ᱾
ᱨᱤᱢᱤᱞ ᱨᱮ ᱩᱠᱩ ᱵᱤᱡᱽᱞᱤ ᱠᱷᱚᱱ
ᱦᱩᱱᱟᱹᱨ ᱥᱚᱫᱚᱨ ᱵᱚ ᱪᱮᱫᱚᱜ,
ᱥᱮᱸᱜᱮᱞ ᱠᱷᱚᱱ ᱨᱟᱠᱟᱵ ᱫᱷᱩᱶᱟ. ᱠᱷᱚᱱ
ᱡᱤᱵᱚᱱ ᱨᱮ ᱥᱮᱬᱟ ᱩᱥᱩᱞᱚᱜ ᱾
***
