ᱧᱤᱫᱟᱹ ᱪᱟᱸᱫᱳ ᱟᱜ ᱧᱩᱛᱟᱹᱛ ᱥᱟᱦᱟ ᱠᱟᱛᱮᱫ
ᱥᱤᱧ ᱪᱟᱸᱫᱳᱭ ᱫᱟᱨᱟᱭ ᱢᱟᱨᱥᱟᱞ ᱠᱟᱛᱮᱫ ᱾
ᱥᱟᱱᱟᱢ ᱠᱚ ᱡᱟᱹᱯᱤᱫ ᱠᱷᱚᱱ ᱠᱚ ᱵᱮᱨᱮᱫ
ᱟᱯᱟᱱ ᱟᱯᱤᱱ ᱠᱟᱹᱢᱤ ᱞᱟᱹᱜᱤᱫ ᱾
ᱥᱮᱛᱟᱜ ᱞᱟᱹᱜᱤᱫ ᱛᱟᱦᱮᱱ ᱟᱠᱚ ᱛᱟᱺᱜᱤ ᱛᱟᱬᱟᱜ
ᱛᱤᱨᱮ ᱧᱤᱫᱟᱹ ᱪᱟᱸᱫᱳᱭ ᱥᱟᱦᱟᱜ ᱾
ᱥᱮᱛᱟᱜ ᱞᱮᱱᱠᱷᱟᱱ ᱠᱟᱹᱢᱤ ᱠᱟᱹᱢᱤ ᱨᱮᱠᱚ ᱫᱷᱩᱨᱟᱹᱜ
ᱚᱱᱟᱛᱮ ᱥᱮᱛᱟᱜ ᱜᱮᱠᱚ ᱠᱚᱭᱚᱜ ᱠᱟᱜ ᱾
ᱚᱠᱚᱭ ᱠᱚᱫᱚ ᱡᱚᱢᱟᱜ ᱛᱩᱢᱟᱹᱞ
ᱚᱠᱚᱭ ᱠᱚᱫᱚ ᱱᱟᱞᱦᱟ ᱛᱩᱢᱟᱹᱞ ᱾
ᱥᱟᱱᱟᱢ ᱜᱮ ᱥᱮᱛᱟᱜ ᱜᱮᱠᱚ ᱠᱚᱭᱚᱜᱽ
ᱥᱟᱱᱟᱢ ᱠᱟᱹᱢᱤ ᱛᱟᱠᱚ ᱯᱩᱨᱟᱹᱣᱜ ᱾
ᱡᱤᱵᱽᱼᱡᱤᱭᱟᱹᱞᱤ ᱪᱮᱬᱮ ᱪᱤᱯᱨᱩᱫ
ᱥᱮᱛᱟᱜ ᱠᱚ ᱪᱟᱞᱟᱜ ᱡᱚᱢᱟᱜ ᱥᱮᱸᱫᱽᱨᱟ ᱞᱟᱹᱜᱤᱫ ᱾
ᱜᱤᱫᱽᱨᱟᱹ ᱯᱤᱫᱽᱨᱟᱹ ᱥᱟᱱᱟᱢ ᱠᱚ
ᱡᱚᱢᱟᱜ ᱠᱚ ᱟᱹᱜᱩ ᱟᱠᱚ ᱛᱟᱠᱳ ᱾
ᱥᱮᱛᱟᱜ ᱵᱮᱲᱟ ᱱᱟᱱᱟ ᱦᱩᱱᱟᱹᱨ ᱵᱟᱦᱟ ᱯᱷᱩᱴᱟᱹᱜ
ᱢᱚᱦᱚᱠ ᱥᱚ ᱛᱮ ᱜᱳᱴᱟ ᱯᱟᱲᱟᱭ ᱟᱸᱫᱳᱲ ᱠᱟᱜ ᱾
ᱵᱤᱨ ᱜᱟᱡᱟᱲ ᱟᱹᱛᱩ ᱯᱟᱲᱟ
ᱜᱳᱴᱟᱭ ᱥᱟᱡᱟᱣᱟ ᱾
ᱫᱷᱟᱹᱨᱛᱤ ᱨᱮᱱ ᱥᱟᱱᱟᱢ ᱠᱚᱜᱮ
ᱥᱮᱛᱟᱜ ᱞᱟᱹᱜᱤᱫ ᱠᱚ ᱛᱟᱦᱮᱱ ᱛᱟᱺᱜᱤᱨᱮ ᱾
ᱛᱤᱨᱮ ᱥᱤᱧ ᱪᱟᱸᱫᱳᱭ ᱨᱟᱠᱟᱵ
ᱟᱠᱳᱣᱟᱜ ᱠᱟᱹᱢᱤ ᱛᱤᱨᱮ ᱠᱚ ᱥᱟᱵᱽ ᱾
***
