ᱵᱚᱸᱜᱟ ᱵᱳᱨᱳ ᱥᱟ.ᱠᱷᱤ ᱠᱟᱛᱮ
ᱵᱮᱨᱮᱫ ᱞᱮᱱᱟ ᱡᱟᱱᱟᱢ ᱫᱤᱥᱚᱢ ᱾
ᱛᱮᱦᱮᱸᱧ ᱚᱱᱟ ᱨᱟ.ᱯᱩᱫ ᱠᱟᱛᱮ
ᱵᱮᱱᱟᱣᱜ ᱠᱟᱱᱟ ᱠᱚᱢᱯᱟᱱᱤ, ᱯᱷᱮᱠᱴᱨᱤ
ᱰᱮᱢ, ᱦᱚᱨ, ᱮᱢᱟᱱ ᱮᱢᱟᱱ ᱾
ᱫᱟᱭᱟ ᱜᱮ ᱡᱟᱱᱟᱢ ᱫᱤᱥᱚᱢ ᱛᱮᱦᱮᱧ
ᱟᱢ ᱢᱟ ᱢᱮᱱᱟᱢ ᱾
ᱜᱚᱴᱟ ᱜᱮ ᱟᱢ ᱪᱮᱛᱟᱱ
ᱱᱟᱦᱟᱪᱟᱨ ᱦᱩᱭᱩᱜ ᱠᱟᱱᱟ ᱾
ᱛᱮᱦᱮᱧ ᱚᱠᱚᱭ ᱟᱢ ᱮ ᱥᱟᱶᱦᱟ ᱨᱩᱣᱟ.ᱲ ᱢᱮ
ᱡᱟᱱᱟᱢ ᱫᱤᱥᱚᱢ ᱨᱤᱱ ᱦᱚᱲ ᱜᱮᱪᱚ ᱛᱮᱦᱮᱧ
ᱟᱢ ᱢᱟ ᱟ.ᱲᱤᱥ ᱠᱚ ᱧᱮᱞᱮᱫ ᱢᱮ ᱾
ᱡᱟᱱᱟᱢ ᱫᱤᱥᱚᱢ ᱪᱮᱛᱟᱱ ᱢᱟᱱᱶᱟ
ᱜᱚᱨᱚᱡᱽ ᱫᱩᱞᱟᱹᱲ ᱜᱮᱪᱚ ᱪᱟᱵᱟᱜ ᱠᱟᱱ
ᱡᱟᱱᱟᱢ ᱫᱤᱥᱚᱢ ᱨᱮᱱᱟᱝ ᱥᱚᱱᱮᱨ ᱜᱷᱟᱸᱨᱚᱡᱽ
ᱛᱮᱦᱮᱧ ᱚᱠᱚᱭ ᱟᱫᱚ ᱨᱟᱠᱷᱟ ᱫᱚᱦᱚᱭᱟ ᱾
ᱡᱟᱱᱟᱢ ᱫᱤᱥᱚᱢ ᱜᱮ ᱥᱚᱨᱮᱥ ᱫᱤᱥᱚᱢ
ᱛᱮᱦᱮᱧ ᱚᱱᱟ ᱜᱤᱛᱤᱞ ᱚᱲᱟᱜ ᱞᱮᱠᱟ ᱞᱮ
ᱵᱚᱦᱮᱞ ᱚᱜ ᱠᱟᱱᱟ
ᱛᱮᱦᱮᱧ ᱚᱠᱚᱭ ᱚᱱᱟ ᱥᱟᱶᱦᱟ ᱨᱩᱣᱟ.ᱲᱟ ᱾
ᱡᱟᱱᱟᱢ ᱫᱤᱥᱚᱢ ᱦᱚᱲ ᱜᱮᱪᱚ ᱛᱮᱦᱮᱧ
ᱟ.ᱲᱤᱥ ᱠᱚ ᱧᱮᱞ ᱮᱫᱼᱟ ᱾
ᱡᱟᱱᱟᱢ ᱫᱤᱥᱚᱢ ᱠᱮᱴᱮᱡ ᱞᱟᱜᱟᱱ
ᱢᱮᱱᱟᱜ ᱛᱟᱢᱟ ᱢᱟ.ᱡᱷᱤ ᱯᱟᱨᱜᱟᱱᱟ ᱵᱮᱵᱚᱥᱛᱷᱟ
ᱛᱮᱦᱮᱧ ᱚᱱᱟ ᱦᱚᱸ ᱛᱟᱢ ᱦᱟᱞᱮ ᱰᱟᱞᱮ
ᱚᱱᱟ ᱞᱟᱜᱟᱱ ᱜᱮᱪᱚ ᱛᱮᱦᱮᱧ
ᱡᱟᱱᱟᱢ ᱫᱤᱥᱚᱢ ᱴᱚᱞᱚ ᱢᱚᱞᱚᱜ ᱠᱟᱱᱟ ᱾
ᱵᱮᱵᱚᱥᱛᱷᱟ ᱠᱮᱴᱮᱡ ᱵᱟᱝ ᱛᱟᱦᱮᱸᱱ ᱠᱷᱟᱱ
ᱡᱟᱱᱟᱢ ᱫᱤᱥᱚᱢ ᱪᱮᱠᱟ ᱠᱟᱛᱮ ᱠᱮᱴᱮᱡ ᱛᱟᱦᱮᱸᱱᱟ
ᱡᱟᱱᱟᱢ ᱫᱤᱥᱚᱢ ᱠᱮᱴᱮᱡ ᱵᱟᱝ ᱠᱷᱟᱱ
ᱢᱟᱱᱶᱟ ᱪᱮᱠᱟ ᱠᱟᱛᱮ ᱠᱚ ᱛᱟᱦᱮᱸᱱᱟ ᱾
ᱛᱮᱦᱮᱧ ᱡᱟᱱᱟᱢ ᱫᱤᱥᱚᱢ ᱠᱮᱴᱮᱡ ᱵᱟᱝ ᱛᱮ
ᱢᱟᱱᱣᱟ ᱵᱟ.ᱱᱩᱜ ᱠᱚ ᱡᱩᱢᱤᱫᱽ ᱾
ᱚᱱᱟ ᱠᱚ ᱧᱮᱞ ᱛᱮᱜᱮ ᱪᱚᱝ ᱛᱮᱦᱮᱧ
ᱫᱤᱥᱚᱢ ᱯᱚᱨᱡᱟᱛ ᱠᱚ ᱢᱮᱞᱮ ᱢᱮᱞᱮᱜ ᱠᱟᱱ ᱾
ᱢᱟᱱᱣᱟ ᱡᱩᱢᱤᱫᱽ ᱵᱟᱝ ᱛᱮ ᱛᱮᱦᱮᱧ
ᱡᱟᱱᱟᱢ ᱫᱤᱥᱚᱢ ᱦᱟᱞᱮ ᱰᱟᱞᱮᱜ ᱠᱟᱱᱟ ᱾
ᱛᱮᱦᱮᱧ ᱚᱠᱚᱭ ᱚᱱᱟ ᱥᱟᱶᱦᱟ ᱨᱩᱣᱟ.ᱲᱟ
ᱡᱟᱱᱟᱢ ᱫᱤᱥᱚᱢ ᱦᱚᱲ ᱜᱮᱪᱚ ᱛᱮᱦᱮᱸᱧ
ᱟ.ᱲᱤᱥ ᱠᱚ ᱧᱮᱞᱮᱫᱼᱟ ᱾
ᱫᱟᱨᱮ ᱜᱩᱡᱩᱜ ᱠᱟᱱ ᱧᱮᱞ ᱛᱮ
ᱢᱤᱨᱩ ᱪᱮᱬᱮ ᱠᱚ ᱨᱟᱜᱽ ᱫᱟᱭᱟ ᱦᱟᱭᱟ ᱜᱮ
ᱡᱟᱱᱟᱢ ᱫᱤᱥᱚᱢ ᱦᱟᱞᱮ ᱰᱟᱞᱮ ᱧᱮᱞ ᱛᱮ
ᱢᱟᱱᱣᱟ ᱪᱮᱫᱟᱜ ᱵᱟᱵᱚᱱ ᱨᱟᱜᱽ ᱜᱮ ᱾
***
