ᱠᱩᱸᱫᱤ ᱫᱚ ᱡᱟᱱᱟᱢ ᱛᱚᱨᱟ ᱠᱷᱚᱱ ᱜᱮ ᱟᱡ ᱟᱭᱳ ᱥᱟᱞᱟᱜ ᱢᱟᱢᱚ ᱚᱲᱟᱜ ᱨᱮᱜᱮᱭ ᱦᱟᱨᱟ ᱟᱠᱟᱱᱟ ᱨᱚᱲ ᱠᱚᱫᱚᱭ ᱨᱚᱲ ᱫᱟᱲᱮᱭᱟᱜ ᱨᱮᱦᱚᱸ ᱪᱮᱫᱟᱜ ᱪᱚ ᱮᱱᱛᱮ ᱦᱚᱲ ᱠᱩᱸᱫᱤ ᱜᱮᱠᱚ ᱦᱚ ᱦᱚ ᱟᱭᱟ ᱾ ᱩᱱᱟ.ᱜ ᱫᱤᱱ ᱨᱮᱦᱚᱸ ᱠᱩᱸᱫᱤ ᱫᱚ ᱟᱡ ᱵᱟᱵᱟ ᱫᱚ ᱚᱠᱚᱭ ᱵᱟᱭ ᱵᱟᱰᱟᱭᱟ ᱪᱮ ᱵᱟᱭ ᱧᱮᱞ ᱟᱠᱟᱫ ᱫᱮᱭᱟ ᱾ ᱟᱠᱚᱣᱟᱜ ᱚᱲᱟᱜ ᱦᱚᱸ ᱵᱟᱭ ᱧᱮᱞ ᱟᱠᱟᱫ-ᱟ ᱵᱟᱭ ᱵᱟᱰᱟᱭᱟ ᱚᱠᱟᱨᱮ ᱢᱮᱱᱛᱮ ᱾ ᱪᱮᱫᱟᱜ ᱪᱮ ᱠᱩᱸᱫᱤ ᱟᱡ ᱵᱟᱵᱟ ᱚᱠᱚᱭ ᱦᱚᱸ ᱵᱟᱠᱚ ᱵᱟᱰᱟᱭᱮᱭᱟ ᱚᱠᱚᱭ ᱠᱟᱱᱟᱭ ᱢᱮᱱᱛᱮ ᱾
ᱚᱠᱚᱭ ᱠᱚᱫᱚ ᱩᱠᱩ ᱛᱮᱠᱚ ᱢᱮᱱᱟ ᱠᱩᱸᱫᱤ ᱫᱚ ᱵᱤᱫᱽᱣᱟ. ᱜᱤᱫᱽᱨᱟ. ᱠᱟᱱᱟᱭ ᱾ ᱦᱟᱨᱟ ᱧᱚᱜ ᱮᱱ ᱠᱷᱟᱱᱮ ᱢᱟᱢᱚ ᱚᱲᱟᱜ ᱥᱩᱨ ᱟ.ᱛᱩ ᱨᱮ ᱠᱟ.ᱢᱤ ᱜᱚᱲᱚ ᱞᱮᱠᱟ ᱠᱚ ᱤᱫᱤ ᱠᱮᱫᱮᱭᱟ ᱨᱚᱯᱚᱲ ᱠᱟᱛᱮ ᱜᱮ ᱾ ᱢᱟᱢᱟ ᱚᱲᱟᱜ ᱨᱮ ᱩᱱᱟ.ᱜ ᱫᱚ ᱵᱟᱠᱚ ᱠᱮᱴᱮᱡ-ᱟ, ᱟᱨ ᱢᱟᱢᱚ ᱨᱤᱱ ᱜᱤᱫᱽᱨᱟ. ᱠᱚ ᱢᱮᱱᱟᱜ ᱠᱚᱣᱟ ᱯᱟᱞᱮᱱ ᱡᱟᱸᱦᱟ ᱛᱤᱥ ᱢᱟ.ᱢᱤᱛ ᱛᱮᱫ ᱪᱮᱫ ᱠᱚᱭ ᱢᱮᱱ ᱚᱱᱟ ᱠᱚ ᱩᱭᱦᱟ.ᱨ ᱠᱟᱛᱮ ᱜᱮ ᱟᱡ ᱟᱭᱳ ᱟᱨ ᱢᱟᱢᱚ ᱟᱭᱳ ᱫᱚ ᱠᱤᱱ ᱨᱮᱵᱮᱱ ᱮᱱᱟ, ᱤᱱᱠᱟ. ᱤᱱᱠᱟ. ᱛᱮ ᱠᱟ.ᱢᱤ ᱠᱚᱭ ᱪᱮᱫ ᱡᱚᱝ-ᱟ ᱢᱮᱱᱛᱮ ᱾
ᱡᱟᱸᱦᱟ ᱛᱤᱱᱟ.ᱜ ᱫᱤᱱ ᱢᱟᱢᱚ ᱟᱭᱳ ᱵᱷᱩᱨ ᱜᱮ ᱠᱩᱸᱫᱤ ᱟᱡ ᱟᱭᱳ ᱟᱜ ᱦᱚᱸ ᱡᱩᱨ ᱢᱮᱱᱟᱜ-ᱟ ᱾ ᱛᱟᱭᱚᱢ ᱵᱚᱭᱦᱟ ᱯᱟᱞᱮᱱ ᱵᱟᱭ ᱜᱟᱱᱚᱜ! ᱟᱡ ᱮᱠᱞᱟ ᱫᱚ ᱠᱟ.ᱢᱤ ᱠᱟᱛᱮᱭ ᱡᱚᱢ-ᱟ ᱾ ᱟᱨ ᱵᱟᱝᱠᱷᱟᱱ ᱱᱟᱢᱟᱞ ᱡᱷᱟᱢᱟᱞ ᱦᱚᱸᱭ ᱥᱮᱱ ᱫᱟᱲᱮᱭᱟᱜ-ᱟ ᱾ ᱢᱮᱱᱠᱷᱟᱱ ᱜᱤᱫᱽᱨᱟ. ᱟᱛᱮ ᱫᱚ ᱢᱩᱥᱠᱤᱞ ᱜᱮᱭᱟ ᱚᱱᱟ ᱦᱚᱸ ᱠᱩᱲᱤ ᱜᱤᱫᱽᱨᱟ. ᱾ ᱚᱱᱟ ᱠᱚ ᱩᱭᱦᱟ.ᱨ ᱠᱟᱛᱮ ᱜᱮ ᱚᱸᱰᱮ ᱫᱚᱭ ᱨᱮᱵᱮᱱ ᱮᱱᱟ ᱾ ᱡᱚᱢ ᱧᱩ ᱦᱚᱨᱚᱜ ᱠᱚᱛᱮ ᱫᱚ ᱵᱟᱭ ᱦᱟᱨᱠᱮᱛᱚᱜ-ᱟ ᱾
ᱥᱩᱨ ᱨᱮ ᱟᱦᱟᱨ ᱦᱟᱱᱟ ᱥᱟᱦᱟ ᱡᱟᱸᱦᱟ ᱛᱤᱱ ᱨᱮᱜᱮ ᱠᱤᱱ ᱧᱮᱞ ᱟ.ᱜᱩ ᱮᱭᱟ ᱾ ᱚᱸᱰᱮ ᱛᱟᱸᱦᱮ ᱛᱟᱸᱦᱮ ᱛᱮ ᱠᱩᱸᱫᱤ ᱫᱚᱭ ᱦᱟᱨᱟ ᱤᱫᱤᱭᱮᱱᱟ ᱡᱚᱛᱚ ᱞᱮᱠᱟᱱ ᱠᱟ.ᱢᱤ ᱜᱮᱭ ᱪᱮᱫ ᱠᱮᱫ-ᱟ ᱟᱡ ᱠᱟᱨ ᱞᱮᱠᱟ ᱾ ᱠᱩᱸᱫᱤ ᱡᱟᱸᱦᱟ ᱨᱮ ᱢᱮᱱᱟᱭᱟ ᱚᱱᱟ ᱚᱲᱟᱜ ᱨᱤᱱᱤᱡ ᱟᱭᱳ ᱫᱚᱭ ᱢᱟ.ᱢᱤ ᱟᱠᱟᱫ ᱫᱮᱭᱟ ᱾ ᱩᱱᱤ ᱢᱟ.ᱢᱤ ᱜᱮ ᱪᱟᱸᱫᱽᱱᱤ ᱫᱚᱭ ᱧᱩᱛᱩᱢ ᱟᱫᱮᱭᱟ ᱾ ᱩᱱ ᱠᱷᱚᱱ ᱜᱮ ᱡᱚᱛᱚ ᱟᱫ ᱪᱟᱸᱫᱽᱱᱤ ᱜᱮᱠᱚ ᱢᱮᱛᱟᱭᱟ ᱾ ᱚᱲᱟᱜ ᱜᱤᱫᱽᱨᱟ. ᱞᱮᱠᱟᱭ ᱛᱟᱸᱦᱮᱭᱮᱱᱟ ᱾
ᱚᱱᱠᱟ ᱜᱮ ᱢᱤᱫ ᱦᱚᱲ ᱪᱟᱸᱫᱽᱱᱤ ᱟᱡ ᱟᱭᱳ ᱵᱟᱠᱷᱨᱟ ᱢᱤᱫ ᱨᱟᱸᱰᱟ ᱦᱚᱲ ᱞᱟ.ᱜᱤᱫ ᱨᱟᱭᱵᱟᱨ ᱠᱟᱛᱷᱟᱭ ᱟ.ᱜᱩ ᱠᱮᱫᱟ ᱦᱟᱱᱮ ᱵᱤᱨ ᱫᱤᱥᱚᱢ ᱥᱮᱫ ᱠᱷᱚᱱ ᱾ ᱩᱱᱤ ᱦᱚᱲ ᱦᱚᱸ ᱡᱚᱛᱚ ᱵᱟᱰᱟᱭ ᱠᱟᱛᱮ ᱜᱮᱭ ᱠᱩᱥᱤ ᱮᱱᱟ ᱪᱮᱫᱟᱜ ᱥᱮ ᱚᱱᱠᱟ ᱵᱟᱪᱷᱟᱣ ᱞᱮᱠᱟᱱ ᱠᱤᱸᱥᱟᱬ ᱟᱱ ᱦᱚᱲ ᱫᱚᱭ ᱵᱟᱝ ᱠᱟᱱᱟ ᱾ ᱯᱮᱲᱟ ᱞᱮᱠᱟ ᱛᱮᱜᱮ ᱠᱚ ᱤᱫᱤ ᱠᱮᱫᱮᱭᱟ ᱪᱟᱸᱫᱽᱱᱤ ᱟᱡ ᱟᱭᱳ ᱾ ᱯᱟᱞᱮᱱ ᱪᱟᱸᱫᱽᱱᱤ ᱫᱚ ᱵᱟᱠᱚ ᱞᱟᱹᱭ ᱟᱠᱟᱫᱮ ᱛᱟᱸᱦᱮᱱ ᱾ᱱᱚᱝᱠᱟ ᱠᱚ ᱢᱮᱛᱟᱫ ᱫᱮᱭᱟ ᱟᱢ ᱵᱟᱵᱟᱭ ᱦᱮᱡ ᱞᱮᱱᱟ ᱦᱟᱱᱮ ᱛᱤᱥ ᱨᱮᱭ ᱵᱟ.ᱜᱤ ᱜᱤᱰᱤ ᱟᱫ ᱵᱤᱱ ᱛᱟᱸᱦᱮᱱ ᱱᱮᱛᱟᱨ ᱦᱮᱡ ᱠᱟᱛᱮ ᱟᱢ ᱟᱭᱳᱭ ᱤᱫᱤ ᱠᱮᱫᱮᱭᱟ ᱟᱯᱮ ᱚᱲᱟᱜ ᱪᱤᱨᱩ ᱜᱚᱰᱟ ᱾ ᱚᱱᱟ ᱜᱮᱭ ᱵᱟᱰᱟᱭᱟ ᱪᱸᱟᱫᱽᱱᱤ ᱟᱠᱚ ᱚᱲᱟᱜ ᱫᱚ ᱪᱤᱨᱩᱜᱚᱰᱟ ᱾ ᱪᱮᱫᱟᱜ ᱥᱮ ᱪᱟᱫᱽᱱᱤ ᱩᱱᱟ.ᱜ ᱫᱚ ᱵᱟᱭ ᱥᱮᱭᱟᱱᱟ ᱚᱱᱟ ᱠᱚ ᱵᱩᱡᱷᱟ.ᱣ ᱞᱮᱠᱟ ᱫᱚ ᱾
ᱦᱚᱲ ᱫᱚᱵᱚᱱ ᱚᱱᱠᱟᱱ ᱜᱮᱭᱟ ᱵᱟᱰᱟᱭ ᱠᱟᱛᱮ ᱟᱨ ᱦᱚᱸ ᱦᱚᱴᱚᱨ ᱠᱚᱫᱚ ᱟ.ᱰᱤ ᱵᱚᱱ ᱜᱟᱱ ᱜᱮᱭᱟ ᱾ ᱡᱟᱸᱦᱟ ᱛᱤᱥ ᱠᱚᱨᱮ ᱫᱚ ᱠᱤᱱ ᱤᱫᱤᱭᱮ ᱜᱮᱭᱟ ᱪᱤᱨᱩᱜᱚᱰᱟ ᱯᱟᱨᱟᱵᱽ ᱠᱚᱨᱮ ᱟᱨ ᱵᱟᱝ ᱠᱷᱟᱱ ᱟᱡ ᱢᱟᱢᱚ ᱟᱭᱳ ᱛᱤᱠᱤᱱ ᱦᱤᱨᱤ ᱞᱮᱠᱟ ᱠᱤᱱ ᱥᱮᱱᱚᱜ ᱜᱮᱭᱟ ᱾ ᱚᱱᱠᱟ ᱜᱮ ᱪᱤᱨᱩᱜᱚᱰᱟ ᱠᱷᱚᱱ ᱪᱸᱟᱫᱽᱱᱤ ᱨᱩᱣᱟ.ᱲ ᱦᱮᱡ ᱠᱟᱛᱮ ᱠᱚ ᱠᱩᱞᱤ ᱮ ᱠᱟᱱᱟ ᱚᱠᱟᱛᱮᱢ ᱥᱮᱱ ᱞᱮᱱᱟ ?
ᱪᱸᱟᱫᱽᱱᱤᱭ ᱢᱮᱱ ᱠᱮᱫ-ᱟ,ᱟᱞᱮ ᱚᱲᱟᱜ ᱾
ᱟᱫᱚ ᱠᱚ ᱢᱮᱛᱟᱭ ᱠᱟᱱᱟ ᱚᱸᱰᱮ ᱫᱚ ᱟᱢᱟᱜ ᱚᱲᱟᱜ ᱛᱮ? ᱩᱱᱤ ᱫᱚᱭ ᱟᱢ ᱵᱟᱵᱟ ᱠᱟᱱ ᱛᱮ? ᱪᱟᱸᱫᱽᱱᱤ ᱪᱮᱫ ᱦᱚᱸ ᱵᱟᱭ ᱢᱮᱱ ᱞᱮᱫ-ᱟ ᱾ ᱦᱟᱨᱟ ᱤᱫᱤᱭᱮᱱ ᱠᱷᱟᱱᱮ ᱯᱟᱞᱮᱱ ᱱᱟᱥᱮ ᱫᱚᱭ ᱟᱭ ᱩᱢᱟ.ᱱ ᱠᱮᱫ ᱜᱮᱭᱟ ᱤᱠᱷᱟ.ᱱ ᱱᱚᱣᱟ ᱱᱚᱝᱠᱟᱱ ᱠᱟᱛᱷᱟ ᱡᱟᱸᱦᱟ ᱠᱤ ᱚᱠᱚᱭ ᱮ ᱠᱩᱞᱤ ᱮᱭᱟ? ᱚᱠᱟ ᱞᱮᱠᱟᱨᱮᱭ ᱮᱦᱚᱵᱟ? ᱥᱟ.ᱨᱤ ᱥᱟ.ᱨᱤ ᱱᱩᱭ ᱜᱮ ᱠᱟᱱᱟᱭ ᱤᱧ ᱵᱟᱵᱟ ᱫᱚ?
ᱪᱟᱸᱫᱽᱱᱤ ᱟᱡ ᱟᱭᱳ ᱱᱟᱣᱟ ᱜᱷᱟᱨᱚᱸᱡᱽ ᱨᱮ ᱟᱨ ᱪᱟᱸᱫᱽᱱᱤ ᱦᱚᱲᱟᱜ ᱚᱲᱟᱜ ᱨᱮᱭ ᱦᱟᱨᱟ ᱤᱫᱤᱭᱤᱱᱟ ᱚᱱᱟ ᱚᱲᱟᱜ ᱨᱮ ᱠᱤᱢᱤᱱ ᱦᱚᱸ ᱠᱤᱱ ᱦᱮᱡ ᱮᱱᱟ ᱜᱤᱫᱽᱨᱟ. ᱠᱚᱭ ᱦᱮᱵᱮ ᱦᱟᱨᱟ ᱠᱮᱫ ᱠᱚᱣᱟ ᱾ ᱟᱡ ᱦᱚᱸᱭ ᱵᱷᱟ.ᱵᱤ ᱠᱮᱫ-ᱟ ᱦᱚᱲ ᱚᱲᱟᱜ ᱨᱮ ᱛᱤᱱᱟ.ᱜ ᱫᱤᱱ? ᱡᱟᱸᱦᱟ ᱨᱮ ᱥᱚᱝᱥᱟᱨ ᱤᱧ ᱧᱟᱢ ᱞᱮᱠᱷᱟᱱ ᱤᱧᱟᱜ ᱚᱲᱟᱜ ᱫᱩᱣᱟ.ᱨ ᱤᱧ ᱛᱮᱭᱟᱨᱟ ᱾ ᱚᱱᱟᱜᱮ ᱯᱟᱞᱮᱱ ᱩᱭᱦᱟ.ᱨ ᱠᱟᱛᱮ ᱟᱫᱚ ᱵᱟᱭ ᱛᱟᱸᱦᱮ ᱞᱮᱱᱟ ᱾ ᱢᱟᱢᱚ ᱚᱲᱟᱜ ᱨᱮ ᱛᱤᱱᱟ. ᱜ ᱫᱤᱱ ᱛᱟᱸᱦᱮ ᱠᱟᱛᱮ ᱟᱡ ᱛᱮᱜᱮᱭ ᱴᱷᱟᱶ ᱮᱱᱟ ᱾ ᱯᱩᱭᱞᱩ ᱠᱩᱲᱤ ᱜᱤᱫᱽᱨᱟ.ᱭ ᱦᱩᱭ ᱮᱱᱟ ᱩᱱᱤ ᱢᱤᱫ ᱥᱮᱨᱢᱟ ᱟ.ᱣᱨᱤ ᱨᱮᱜᱮ ᱟᱨ ᱦᱚᱸ ᱫᱚᱥᱟᱨ ᱜᱤᱫᱽᱨᱟ. ᱦᱩᱭ ᱥᱚᱢᱚᱭ ᱜᱮ ᱪᱟᱸᱫᱽᱱᱤ ᱫᱚ ᱢᱤᱫ ᱥᱮᱨᱢᱟ ᱛᱟᱨᱟ ᱩᱢᱮᱨ ᱜᱤᱫᱽᱨᱟ. ᱵᱟ.ᱜᱤ ᱠᱟᱛᱮ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱠᱷᱚᱱᱮ ᱫᱟᱱᱟᱝ ᱮᱱᱟ ᱾
***
