ᱱᱤᱥᱟᱹ

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱟᱢᱟᱜ ᱫᱩᱞᱟᱹᱲ ᱛᱮ
ᱚᱱᱟ ᱛᱮ ᱟᱢ ᱥᱟᱶ ᱨᱚᱯᱚᱲ ᱥᱟᱹᱱᱟᱹᱧ
ᱫᱤᱱᱟᱹᱢ ᱟᱸᱜᱟ ᱟᱹᱭᱩᱵ ᱿

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱟᱢᱟᱜ ᱥᱮᱨᱮᱧ ᱨᱟᱦᱟ ᱛᱮ
ᱚᱱᱟ ᱛᱮ ᱟᱢᱟᱜ ᱥᱮᱨᱮᱧ ᱨᱟᱦᱟ
ᱞᱮᱛᱟᱲ ᱟᱸᱡᱚᱢ ᱥᱟᱹᱱᱟᱹᱧ ᱿

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱟᱢᱟᱜ ᱛᱩᱢᱫᱟᱜ ᱴᱟᱢᱟᱠ ᱨᱩᱻᱛᱮ
ᱚᱱᱟ ᱛᱮ ᱜᱷᱟᱱᱮ ᱞᱩᱦᱩᱠ ᱥᱟᱹᱱᱟᱹᱧ
ᱡᱟᱸᱜᱟ ᱪᱷᱤᱞᱠᱟᱹᱣ ᱜᱚᱫᱚᱜ ᱿

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱟᱢᱟᱜ ᱚᱞᱟᱜ ᱯᱩᱛᱷᱤ ᱛᱮ
ᱚᱱᱟ ᱛᱮ ᱜᱷᱟᱱᱮ ᱯᱟᱲᱦᱟᱣ ᱥᱟᱹᱱᱟᱹᱧ
ᱚᱠᱛᱚᱧ ᱧᱟᱢᱟ ᱩᱱ ᱨᱮ ᱿

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱟᱢᱟᱜ ᱥᱤᱠᱷᱟᱹᱣ ᱠᱟᱛᱷᱟ ᱛᱮ
ᱚᱱᱟᱛᱮ ᱜᱷᱟᱱᱮ ᱜᱟᱞᱚᱪ ᱥᱟᱹᱱᱟᱹᱧ
ᱜᱟᱛᱮ ᱠᱚ ᱛᱟᱞᱟ ᱨᱮ ᱿

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱟᱢᱟᱜ ᱵᱟᱱᱟᱢ ᱨᱟᱦᱟ ᱨᱮ
ᱚᱱᱟ ᱛᱮ ᱞᱮᱛᱟᱲ ᱟᱸᱡᱚᱢ ᱥᱟᱹᱱᱟᱹᱧ
ᱟᱢᱟ ᱛᱤᱨᱭᱚ ᱵᱟᱱᱟᱢ ᱿

ᱤᱧ ᱫᱩᱧ ᱱᱤᱥᱟᱹ ᱟᱠᱟᱱ
ᱥᱟᱶᱛᱟ ᱥᱮᱵᱟ ᱨᱮ
ᱚᱱᱟ ᱛᱮ ᱜᱷᱟᱱᱮ ᱢᱤᱫᱩᱱ ᱠᱚᱨᱮ
ᱫᱤᱱᱟᱹᱢ ᱥᱮᱞᱮᱫᱚᱜ ᱥᱟᱹᱱᱟᱹᱧ ᱿

ᱦᱟᱺᱰᱤ ᱯᱟᱹᱨᱣᱟᱹ ᱧᱩ ᱛᱮ ᱫᱚ ᱵᱟᱝ
ᱫᱚᱠᱛᱟ ᱯᱩᱸᱜᱤ ᱛᱮ ᱦᱚᱸ
ᱮᱱ ᱦᱩᱧ ᱱᱤᱥᱟᱹ ᱟᱠᱟᱱ
ᱟᱪᱟᱨ ᱵᱷᱮᱵᱷᱟᱨ ᱛᱮ ᱿

***