ᱥᱟ.ᱜᱟ.ᱭ

ᱱᱚᱣᱟ ᱫᱷᱟᱹᱨᱛᱤ ᱯᱩᱨᱤ ᱥᱟᱡᱟᱣ ᱟᱠᱟᱱ
ᱱᱟᱱᱟ ᱦᱩᱱᱟ.ᱨ ᱥᱟ.ᱜᱟ.ᱭ ᱛᱮ,
ᱵᱤᱨ – ᱵᱩᱨᱩ ᱥᱟᱶ ᱫᱟᱨᱮ ᱱᱟᱲᱤ,
ᱱᱟ.ᱭ ᱜᱟᱰᱟ ᱥᱟᱶ ᱚᱜᱚᱢ ᱫᱚᱨᱭᱟ ᱾

ᱡᱤᱵᱽ – ᱡᱤᱭᱟ.ᱞᱤ ᱥᱟᱶᱛᱮ
ᱪᱮᱬᱮ ᱠᱚ ᱠᱚ ᱪᱮᱨᱚᱵᱮᱨᱚᱜ ᱠᱟᱱ,
ᱥᱤᱨᱡᱟ.ᱱᱤᱭᱟ. ᱟᱜ ᱥᱤᱨᱤᱡᱽ ᱞᱮᱠᱟᱛᱮ ᱾

ᱚᱱᱠᱟ ᱜᱮ ᱥᱟ.ᱜᱟ.ᱭ ᱢᱟ ᱢᱮᱱᱟᱜ ᱛᱟᱵᱚᱱ
ᱱᱚᱶᱟ ᱫᱤᱥᱚᱢ ᱠᱷᱚᱱ ᱦᱟᱱᱟ ᱫᱤᱥᱚᱢ,
ᱥᱤᱠᱲᱤ ᱞᱮᱠᱟ ᱛᱚᱞ ᱟᱠᱟᱱ
ᱱᱟᱱᱟ ᱦᱩᱱᱟ.ᱨ ᱯᱟᱹᱨᱥᱤ ᱥᱟᱞᱟᱜ ᱛᱮ ᱾

ᱨᱤᱞᱟ.ᱢᱟᱞᱟ ᱞᱤᱞ
ᱥᱮᱨᱢᱟ ᱥᱟᱶ ᱡᱚᱲᱟᱣ ᱟᱠᱟᱱ,
ᱦᱟ.ᱞᱤ – ᱦᱟ.ᱨᱤᱟ.ᱲ ᱛᱮ
ᱟᱴᱮᱫ ᱢᱮᱱᱟᱜ ᱫᱷᱟᱹᱨᱛᱤ ᱯᱩᱨᱤ ᱾

ᱟᱨ ᱦᱚᱸ ᱱᱚᱛᱮ ᱫᱮᱵᱽ – ᱫᱮᱵᱟᱞᱳᱠ ᱠᱚ
ᱛᱚᱲᱮ ᱥᱩᱛᱟ.ᱢ ᱛᱮ ᱯᱮ ᱟᱸᱬᱜᱳ ᱦᱮᱡ ᱮᱱ,
ᱢᱟᱱᱣᱟ ᱥᱟᱞᱟᱜ
ᱱᱤᱨᱞᱟ. ᱥᱟ.ᱜᱟ.ᱭ ᱫᱚᱦᱚ ᱞᱟᱹᱜᱤᱫ ᱾

ᱵᱤᱫᱩ – ᱪᱟᱸᱫᱟᱱ, ᱱᱚᱭᱚᱱ – ᱠᱟᱡᱚᱞ
ᱥᱚᱱᱮᱨ ᱥᱤᱠᱲᱤ ᱛᱮ ᱯᱮ ᱛᱚᱞ ᱮᱱ,
ᱥᱮᱵᱟᱫᱮᱵᱟ ᱛᱟᱞᱟᱛᱮ ᱡᱤᱣᱤ ᱡᱟᱹᱛᱤ ᱥᱟᱶ
ᱥᱟ.ᱜᱟ.ᱭ ᱢᱟ ᱛᱚᱯᱚᱞ ᱮᱱ ᱾

ᱦᱟᱱᱮ ᱩᱱ ᱥᱮᱫᱟᱭ ᱨᱮ
ᱯᱤᱞᱪᱩ ᱦᱟᱲᱟᱢ – ᱯᱤᱞᱪᱩ ᱵᱩᱰᱷᱤ
ᱥᱟ.ᱜᱟ.ᱭ ᱵᱤᱱ ᱛᱚᱞ ᱞᱮᱫ,
ᱚᱱᱟ ᱠᱷᱟᱹᱛᱤᱨ ᱥᱚᱦᱟᱜᱽ ᱥᱟᱫᱷᱮᱨ
ᱯᱤᱞᱪᱩ ᱜᱟᱬᱟ ᱵᱤᱱ ᱡᱟᱱᱟᱢ ᱞᱮᱫ ᱾

ᱡᱷᱚᱛᱚ ᱟᱜ ᱥᱟᱞᱟᱜ ᱥᱟ.ᱜᱟ.ᱭ ᱛᱮ ᱛᱚᱞ ᱮᱱ
ᱞᱤᱞᱤᱵᱤᱪᱷᱤ ᱫᱷᱟᱹᱨᱛᱤ ᱯᱩᱨᱤ ᱢᱟ ᱢᱮᱱᱟᱜ,
ᱥᱩᱠ – ᱫᱩᱠᱷ ᱨᱮ ᱥᱟ.ᱜᱟ.ᱭ ᱯᱮᱲᱟ ᱥᱟᱶᱛᱮ
ᱛᱟᱸᱦᱮᱱ ᱨᱮ ᱥᱮ ᱠᱚ ᱢᱟᱱᱟᱜ ᱾

ᱡᱚᱢ – ᱧᱩ ᱠᱷᱚᱱ ᱮᱦᱚᱵ ᱠᱟᱛᱮ,
ᱚᱞᱚᱜ – ᱯᱟᱲᱦᱟᱣ, ᱞᱟᱭ ᱞᱟᱠᱪᱟᱨ ᱞᱮᱠᱟ
ᱥᱟᱱᱟᱢᱟᱜ ᱡᱚᱲᱟᱣ ᱢᱤᱫ ᱟᱠᱟᱱᱟ,
ᱚᱱᱠᱟ ᱜᱮ ᱱᱚᱶᱟ ᱵᱤᱥᱥᱚᱵᱨᱚᱢᱢᱷᱟᱱᱰᱚ ᱨᱮ
ᱜᱟᱞᱟᱝ ᱢᱟᱞᱟ ᱞᱮᱠᱟ
ᱡᱷᱚᱛᱚ ᱜᱮ ᱜᱟᱞᱟᱝ ᱴᱷᱤᱠ ᱟᱠᱟᱱᱟ ᱾

ᱢᱚᱱᱮ ᱥᱟᱶ ᱢᱚᱱᱮ,
ᱡᱤᱣᱤ ᱥᱟᱶ ᱡᱤᱣᱤ ᱥᱟ.ᱜᱟ.ᱭ ᱢᱟ ᱛᱚᱞᱚᱜ,
ᱚᱱᱛᱚᱨ ᱛᱟᱞᱟ ᱠᱷᱚᱱᱟᱜ
ᱢᱚᱱ ᱢᱟᱭᱟ ᱥᱩᱛᱟ.ᱢ ᱪᱚ ᱜᱟᱞᱟᱝ – ᱚᱜ ᱾

ᱥᱟ.ᱜᱟ.ᱭ ᱛᱮ ᱪᱚ ᱵᱚᱱ ᱡᱚᱲᱟᱣ ᱟᱠᱟᱱ,
ᱚᱠᱟ ᱱᱟ.ᱨ ᱛᱮ ᱪᱚ ᱵᱚᱱ ᱛᱚᱞ ᱟᱠᱟᱱ ᱾
ᱦᱟᱦᱟᱲᱟ ᱜᱮ ᱱᱚᱶᱟ ᱫᱷᱟᱹᱨᱛᱤ ᱯᱩᱨᱤ,
ᱦᱟᱦᱟᱲᱟ ᱜᱮ ᱥᱟᱹᱨᱤ ᱢᱟᱱᱣᱟ ᱡᱟ.ᱛᱤ ᱿

***