ᱥᱮᱴᱮᱨᱮᱱᱟ ᱥᱮᱴᱨ ᱮᱱᱟ
ᱵᱷᱳᱴ ᱥᱮᱴᱮᱨᱮᱱᱟ
ᱦᱤᱥᱤᱫ ᱦᱮᱢᱟᱞ
A. C. Room ᱠᱷᱚᱱ
ᱱᱮᱛᱟ ᱠᱚ ᱚᱰᱚᱠᱮᱱᱟ ᱾
ᱡᱚᱲ ᱛᱤ ᱡᱚᱦᱟᱨ ᱰᱚᱵᱚᱜ ᱟᱛᱮ
ᱟᱢᱟᱜ ᱫᱩᱣᱟᱹᱨ ᱨᱮᱭ ᱛᱤᱸᱜᱩ ᱮᱱᱟ
ᱥᱤᱵᱤᱞ ᱥᱚᱲᱚᱢ ᱠᱟᱛᱷᱟ ᱟᱛᱮ
ᱟᱢᱮ ᱵᱩᱡᱷᱟᱹᱣ ᱢᱮᱭᱟ ᱾
ᱦᱟᱱᱟ ᱱᱷᱟᱣᱟ ᱯᱟᱱᱛᱷᱟ ᱟᱛᱮ
ᱟᱢᱮ ᱨᱤᱡᱷᱟᱹᱣ ᱢᱮᱭᱟ
ᱵᱤᱱ ᱯᱩᱭᱥᱟᱹ ᱛᱮᱭ ᱥᱚᱝ ᱟᱢᱟ
ᱟᱨᱦᱚᱸ ᱢᱩᱲᱤ ᱪᱟᱣᱞᱮ ᱾
ᱥᱤᱵᱤᱞ ᱥᱚᱲᱚᱢ ᱠᱟᱛᱷᱟ ᱛᱮ
ᱟᱞᱚᱢ ᱨᱤᱡᱷᱟᱹᱜ ᱞᱚᱜᱚᱱ
ᱛᱟᱭᱚᱢ ᱢᱟᱲᱟᱝ ᱩᱭᱦᱟᱹᱨ ᱠᱟᱛᱮ
ᱵᱷᱳᱴ ᱫᱚᱢ ᱮᱢᱟ ᱟᱢ ᱾
ᱨᱮᱸᱜᱮᱡ ᱠᱤᱥᱟᱹᱲ ᱡᱚᱛᱚ ᱦᱚᱲᱟᱜ ᱜᱮ
ᱵᱷᱳᱴ ᱮᱢᱚᱜ ᱨᱮ ᱢᱮᱱᱟᱜ
ᱥᱚᱢᱟᱱ ᱥᱚᱢᱟᱱ ᱫᱟᱲᱮ
ᱟᱹᱠᱷᱤᱨ ᱩᱭᱦᱟᱹᱨ ᱠᱟᱛᱮ
ᱵᱷᱳᱴ ᱫᱚᱢ ᱮᱢᱟ ᱟᱢ ᱾
ᱡᱩᱫᱟᱹ ᱡᱩᱫᱟᱹ ᱯᱟᱹᱴᱤ ᱨᱮᱱ
ᱡᱩᱫᱟᱹ ᱡᱩᱫᱟ ᱱᱮᱛᱟ
ᱜᱟᱹᱰᱤ ᱢᱚᱴᱚᱨ ᱟᱱᱟᱜᱚᱱᱟ
ᱟᱛᱳ ᱠᱚ ᱦᱤᱨᱤ ᱫᱤᱱᱟᱹᱢ ᱾
ᱯᱟᱹᱴᱤ ᱨᱮᱱᱟᱜ ᱨᱟᱭᱨᱤᱛ
ᱛᱚᱞᱟᱥ ᱛᱩᱱᱠᱷᱤ ᱭᱟᱢ
ᱦᱟᱯᱮᱱ ᱫᱤᱱᱨᱮ ᱱᱩᱭ ᱜᱮ ᱯᱟᱞᱮᱱ
ᱚᱛ ᱦᱟᱥᱟ ᱵᱤᱨ ᱵᱩᱨᱩ
ᱡᱚᱛᱚᱭ ᱦᱟᱢᱮᱴ ᱛᱟᱢ ᱾
ᱢᱤᱫ ᱢᱤᱫ ᱵᱷᱳᱴ ᱨᱮᱱᱟᱜ
ᱢᱚᱦᱚᱛ ᱢᱮᱱᱟᱜ ᱟᱹᱰᱤ
ᱜᱩᱱᱤᱵᱷᱟᱹᱵᱤ ᱠᱟᱛᱮ ᱮᱱᱟᱝ
ᱵᱷᱳᱴ ᱫᱚᱢ ᱮᱢᱟ ᱟᱢ ᱾
***
