ᱢᱟᱜᱽ ᱵᱚᱸᱜᱟ ᱢᱩᱞᱩᱜ ᱮᱱ
ᱱᱤᱭᱟ. ᱪᱟᱸᱫᱚ ᱠᱷᱚᱱ ᱜᱮ
ᱵᱩᱨᱩ ᱨᱮ ᱫᱟᱨᱮ ᱥᱟᱠᱟᱢ
ᱧᱩᱨᱩᱜ ᱮᱦᱚᱵ ᱮᱱ ᱾
ᱱᱤᱭᱟᱹ ᱪᱟᱸᱫᱚ ᱜᱮᱛᱚ ᱟᱵᱚᱣᱟᱜ
ᱱᱟᱣᱟ ᱥᱮᱨᱢᱟ ᱫᱚ
ᱱᱟᱣᱟ ᱥᱟᱠᱟᱢ ᱵᱟᱦᱟ
ᱵᱟᱲᱤ ᱥᱟᱹᱜᱩᱱ ᱮᱱ !
ᱢᱟᱜᱽ ᱵᱚᱸᱜᱟ ᱪᱟᱵᱟ ᱮᱱᱟ
ᱯᱷᱟᱹᱜᱩᱱ ᱵᱚᱸᱜᱟ ᱵᱚᱞᱚ ᱮᱱᱟ
ᱦᱮᱥᱮᱡ ᱥᱮᱠᱮᱡ ᱨᱟᱹᱥᱠᱟᱹ ᱨᱚᱢᱚᱡᱽ
ᱵᱟᱦᱟ ᱥᱮᱴᱮᱨᱮᱱᱟ ᱾
ᱵᱟᱦᱟ ᱨᱮᱜᱮ ᱡᱚᱱᱚᱢ ᱛᱟᱵᱚᱱ
ᱵᱟᱦᱟ ᱜᱮᱵᱚᱱ ᱵᱚᱸᱜᱟᱭᱟ
ᱥᱟᱹᱨᱤ ᱜᱮ ᱥᱟᱹᱨᱤ ᱥᱟᱨᱡᱚᱢ ᱵᱩᱴᱟᱹ ᱨᱮ
ᱧᱩᱢᱮᱭᱟᱵᱚ ᱢᱟᱨᱟᱝ ᱵᱳᱨᱳ ᱾
ᱡᱟᱦᱮᱨ ᱟᱭᱳ ᱟᱵᱚ ᱛᱟᱞᱟ ᱨᱮ
ᱩᱱᱠᱤᱱ ᱜᱮᱛᱚ ᱠᱤᱱ ᱟᱹᱭᱩᱨ ᱵᱚᱱᱟ
ᱩᱱᱠᱤᱱ ᱜᱮᱛᱚ ᱠᱤᱱ ᱥᱩᱛᱩᱜ ᱵᱚᱱᱟ
ᱵᱩᱜᱤᱱ ᱰᱟᱦᱟᱨ ᱛᱮ ᱾
ᱵᱟᱦᱟ ᱥᱚᱦᱨᱟᱭ ᱵᱚᱸᱜᱟ ᱵᱩᱨᱩ
ᱵᱟᱦᱟ ᱫᱚᱵᱚᱱ ᱵᱟᱹᱜᱤ ᱮᱫᱟ
ᱵᱚᱸᱜᱟ ᱵᱩᱨᱩ ᱵᱟᱹᱜᱤ ᱞᱮᱠᱷᱟᱱ
ᱫᱩᱠᱷ ᱫᱚ ᱫᱟᱹᱨᱭᱟ.ᱜ-ᱟ ᱾
ᱵᱚᱸᱜᱟ ᱵᱩᱨᱩ ᱦᱤᱲᱤᱧ ᱞᱮᱠᱷᱟᱱ
ᱢᱟᱞᱚᱴ ᱦᱤᱡᱩᱜ-ᱟ
ᱟᱭᱳ ᱟᱧᱪᱟᱨ ᱫᱷᱟᱹᱨᱛᱤ ᱦᱟᱥᱟ
ᱥᱚᱱᱚᱛ ᱜᱚᱢᱦᱮᱲ ᱩᱢᱩᱞ ᱾
ᱡᱟᱱᱟᱢ ᱱᱟᱭᱳ ᱛᱳᱣᱟ ᱥᱚᱢᱟᱱ
ᱡᱟᱱᱟᱢ ᱯᱟᱹᱨᱥᱤ ᱥᱚᱱᱚᱛ
ᱡᱟᱱᱟᱢ ᱯᱟᱹᱨᱥᱤ ᱵᱟᱹᱜᱤ ᱠᱟᱛᱮ
ᱟᱞᱚᱢ ᱵᱷᱮᱜᱟᱨᱚᱜ-ᱟ ᱾
***
