ᱡᱷᱟᱨᱱᱟ ᱫᱟᱜ ᱢᱟ ᱥᱮᱛᱮᱧᱚᱜ ᱜᱮᱭᱟ,
ᱦᱩᱰᱩᱨ ᱵᱤᱡᱽᱞᱤ ᱦᱚᱭ ᱫᱟᱜ ᱦᱚᱸ ᱫᱟᱨᱟᱭ ᱜᱮᱭᱟ ᱾
ᱟᱭᱳ ᱼᱵᱟᱵᱟ ᱥᱤᱨᱡᱚᱱ ᱥᱟ.ᱜᱟ.ᱭ ᱥᱟᱶᱛᱟ ᱨᱮ ᱛᱟᱦᱮᱸᱱ ᱜᱮᱭᱟ,
ᱥᱤᱧᱼᱧᱤᱫᱟ. ᱪᱟᱸᱫᱚ ᱞᱟᱯᱠᱟᱜ ᱨᱟᱭ ᱦᱚᱸ ᱛᱚᱝᱜᱮ ᱛᱟᱦᱮᱸᱱ ᱜᱮᱭᱟ ᱾
ᱡᱷᱟᱨᱱᱟ ᱫᱟᱜ ᱢᱟ ᱡᱷᱚᱨᱚᱱᱚᱜ ᱞᱮᱛᱟᱲ ᱜᱮ,
ᱞᱤᱸᱜᱤ ᱚᱰᱚᱠᱚᱜ ᱵᱟᱝ ᱛᱟᱦᱮᱸᱱ ᱛᱚᱸᱵᱟ ᱜᱮ ᱾
ᱛᱟᱲᱟᱢ ᱟᱵᱚᱱ ᱴᱷᱤᱠᱟ.ᱱᱟ ᱦᱟ.ᱨᱤᱡ ᱥᱟᱱᱟᱢ ᱜᱮ,
ᱦᱤᱡᱩᱜ ᱥᱮᱱᱚᱜ ᱦᱚᱨ ᱢᱟ ᱛᱷᱩᱠᱟ.ᱢ ᱛᱟᱦᱮᱸᱱ ᱜᱮ ᱾
ᱡᱷᱟᱨᱱᱟ ᱫᱟᱜ ᱢᱟ ᱧᱮᱞᱚᱜ ᱦᱮᱸᱫᱮ ᱦᱟ.ᱨᱭᱟ.ᱲ ᱜᱮ,
ᱥᱤᱵᱤᱞ ᱥᱚᱲᱚᱢ ᱜᱩᱱ ᱦᱚᱸ ᱡᱤᱭᱟ.ᱲ ᱛᱟᱦᱮᱸᱱ ᱜᱮ ᱾
ᱢᱟ.ᱞᱤ ᱵᱟᱦᱟ ᱥᱚᱸᱫᱷᱟᱸᱬ ᱥᱚᱻ ᱢᱟ ᱛᱟᱨᱥᱮᱜ ᱜᱮ,
ᱵᱟᱦᱟ ᱯᱤᱪᱷᱤ ᱨᱚᱝ ᱦᱚᱸ ᱡᱟᱴᱟᱜ ᱛᱟᱦᱮᱸᱱ ᱜᱮ ᱾
ᱨᱮᱴᱚ ᱠᱚ ᱪᱟᱯᱮ ᱠᱚᱜ ᱜᱩᱨᱤᱡ ᱜᱚᱸᱭᱴᱷᱟ ᱞᱮᱠᱟ,
ᱦᱟ.ᱠᱩ ᱠᱚ ᱵᱤᱭᱚᱞ ᱵᱚᱭᱚᱞᱚᱜ ᱨᱩᱯᱟ. ᱪᱟᱺᱫᱤ ᱞᱮᱠᱟ ᱾
ᱥᱮᱬᱟ ᱦᱚᱲᱟᱜ ᱜᱩᱱ ᱢᱟ ᱵᱟ.ᱛᱤ ᱢᱟᱨᱥᱟᱞ ᱞᱮᱠᱟ,
ᱵᱟ.ᱭ ᱵᱟ.ᱭ ᱛᱮ ᱯᱟᱥᱱᱟᱣᱜ ᱥᱟ.ᱨᱤ ᱦᱤᱨᱟ. ᱢᱚᱛᱤ ᱞᱮᱠᱟ ᱾
ᱡᱷᱟᱨᱱᱟ ᱥᱮᱭᱟᱞᱚᱢ ᱢᱟ ᱵᱟᱸᱫᱮ ᱞᱩᱜᱽᱲᱤ ᱞᱮᱠᱟ,
ᱫᱟᱜ ᱩᱨᱩ ᱢᱟ ᱡᱷᱟᱨᱱᱟ ᱫᱟᱨᱣᱟᱱ ᱞᱮᱠᱟ ᱾
ᱯᱮᱨᱮᱡ ᱥᱩᱯᱟ.ᱲᱤ ᱢᱟ ᱥᱟ.ᱜᱩᱱ ᱪᱤᱛᱟ.ᱨ ᱜᱮ ᱠᱟᱱ,
ᱵᱟᱨ ᱚᱲᱟᱜ ᱢᱤᱫ ᱠᱟ.ᱢᱤ ᱫᱚ ᱨᱟᱭᱵᱟᱨᱟᱜ ᱟ.ᱝᱜᱤᱵᱷᱟᱨ ᱜᱮ ᱠᱟᱱ ᱾
ᱡᱷᱟᱨᱱᱟ ᱫᱟᱜ ᱥᱮᱛᱮᱧᱚᱜ ᱥᱩᱫᱟ.ᱭ ᱡᱟ.ᱯᱩᱫ ᱥᱤᱛᱩᱝ,
ᱴᱷᱮᱞᱟᱣ ᱯᱟᱨᱚᱢ ᱵᱚᱱᱟᱭ ᱪᱟᱥᱼᱵᱟᱥ ᱨᱮᱸᱜᱮᱡ ᱛᱮᱛᱟᱝ ᱾
ᱮᱭᱟᱭ ᱢᱟᱦᱟᱸ ᱢᱟ ᱦᱟᱯᱛᱟ ᱢᱤᱫᱴᱟ.ᱝ,
ᱜᱮᱞᱵᱟᱨ ᱪᱟᱸᱫᱚ ᱢᱟ ᱥᱮᱨᱢᱟ ᱢᱤᱫᱴᱟ.ᱝ ᱾
ᱦᱤᱥᱤᱫ ᱦᱚᱭ ᱛᱮ ᱪᱟᱸᱫᱚ ᱥᱮᱨᱢᱟ ᱫᱟᱜᱼᱮ ᱡᱟ.ᱲᱤᱭᱟ,
ᱜᱟᱰᱟ ᱢᱩᱰᱩ ᱡᱷᱟᱨᱱᱟ ᱫᱟᱜ ᱛᱮ ᱞᱟᱞᱮ ᱪᱟᱯᱮᱭᱟ ᱾
ᱞᱮᱛᱟᱲ ᱠᱚᱜ ᱜᱮ ᱞᱤᱧᱡᱤ ᱡᱷᱟᱨᱱᱟ ᱫᱤᱱᱟ.ᱢ ᱫᱤᱱ ᱜᱮ ,
ᱵᱷᱟᱛᱟᱣ ᱜᱚᱫᱚᱜ ᱨᱮᱦᱚᱸ ᱫᱟᱜ ᱫᱚ ᱥᱮᱛᱮᱧᱚᱜ ᱜᱮ ᱾
ᱡᱚᱱᱚᱢᱼᱜᱩᱡᱩᱜ ᱨᱟᱭ ᱫᱚ ᱵᱷᱩᱸᱡᱟ.ᱣ ᱦᱩᱭᱩᱜ ᱜᱮ,
ᱥᱩᱠᱷᱼᱫᱩᱠᱷ ᱟ.ᱪᱩᱨᱼᱵᱤᱦᱩᱨ ᱫᱷᱟ.ᱨᱛᱤ ᱨᱮ ᱢᱮᱱᱟᱜ ᱜᱮ ᱾
***
