ᱛᱟᱲᱟᱢ ᱜᱟᱸᱰᱮ

ᱠᱩᱱᱟ.ᱢᱤ ᱪᱟᱸᱫᱳ ᱠᱩᱱᱟ.ᱢᱤ ᱪᱟᱸᱫᱳ
ᱦᱟᱯᱮ ᱛᱤᱸᱜᱩᱱ ᱢᱮ ᱱᱟᱞᱚᱢ ᱦᱟᱹᱥᱩᱨᱚᱜ-ᱟ,
ᱢᱚᱱᱮᱨᱮ ᱥᱤᱨᱡᱟᱹᱣ ᱟᱠᱟᱱ ᱠᱩᱠᱞᱤ ᱨᱮᱭᱟᱜ
ᱛᱮᱞᱟ ᱫᱚᱢ ᱞᱟ.ᱭ ᱚᱴᱚ ᱠᱟᱜ-ᱟ

ᱢᱟᱥᱮ ᱠᱩᱱᱟ.ᱢᱤ ᱪᱟᱸᱫᱳ ᱞᱟ.ᱭ ᱟ.ᱧ ᱢᱮ
ᱨᱩᱯᱛᱟᱢ ᱧᱮᱞᱛᱮ ᱪᱮᱫᱟᱜ ᱦᱚᱲ ᱠᱚ ᱞᱳᱵᱷᱟᱜ-ᱟ,
ᱟᱢᱟᱜ ᱢᱩᱴᱷᱟ.ᱱ ᱨᱮ ᱦᱮᱸᱫᱮ ᱫᱟᱜᱽ
ᱛᱟᱸᱦᱮᱱ ᱛᱩᱞᱩᱡ ᱦᱚᱸ ᱪᱮᱫᱟᱜ ᱟᱢ ᱠᱚ ᱠᱩᱥᱤᱭᱟᱢᱟ ᱾

ᱚᱠᱚᱭ ᱦᱚᱸ ᱵᱟᱝᱠᱚ ᱢᱮᱛᱟᱢᱟ ᱪᱮᱫᱟᱜ
ᱢᱮᱫᱦᱟᱨᱮ ᱠᱩᱭᱟ.ᱢ ᱞᱟᱥᱨᱟᱣ ᱠᱟᱣᱱᱟ,
ᱥᱟᱱᱟᱢ ᱦᱚᱲ ᱜᱮᱠᱚ ᱠᱷᱚᱡᱚᱜ ᱟᱠᱚ
ᱠᱩᱱᱟ.ᱢᱤ ᱪᱟᱸᱫᱳ ᱞᱮᱠᱟ ᱢᱩᱴᱷᱟ.ᱱ
ᱟ.ᱰᱤ ᱪᱚᱨᱚᱠ ᱥᱟᱡᱟᱣ ᱟᱠᱟᱱᱟ ᱾

ᱢᱮᱱᱠᱷᱟᱱ ᱤᱧ ᱫᱚ ᱪᱮᱫ ᱤᱧ ᱠᱟ.ᱭ ᱟᱠᱟᱫ ᱛᱮ
ᱥᱟᱱᱟᱢ ᱦᱚᱲ ᱜᱮᱠᱚ ᱨᱚᱲᱤᱧ ᱠᱟᱱᱟ
ᱵᱟᱝ ᱢᱟ ᱧᱩᱛ ᱧᱤᱫᱟ. ᱵᱟᱦᱨᱮ ᱠᱷᱚᱱ
ᱚᱲᱟᱜ ᱛᱮᱧ ᱨᱩᱣᱟ.ᱲ ᱠᱟᱱᱟ ᱾

ᱚᱠᱚᱭ ᱦᱚᱸ ᱵᱟᱰᱟᱭ ᱞᱟᱹᱜᱤᱫ ᱵᱟᱝ ᱠᱚ
ᱨᱤᱠᱟ. ᱞᱮᱫᱟ ᱪᱮᱫᱟᱜ ᱤᱧ ᱵᱤᱞᱚᱢᱚᱜ ᱠᱟᱱᱟ,
ᱚᱠᱚᱭ ᱦᱚᱸ ᱵᱟᱝ ᱠᱚ ᱵᱩᱡᱷᱟᱹᱣ ᱞᱮᱫᱟ
ᱚᱠᱟᱨᱮ ᱪᱮᱫ ᱤᱧ ᱪᱤᱠᱟ.ᱭᱮᱫ ᱠᱟᱱᱟ ᱾

ᱥᱟᱺᱜᱤᱧ ᱠᱚᱞᱮᱡᱽ ᱦᱤᱡᱩᱜ ᱥᱮᱱᱚᱜ ᱨᱮ ᱛᱤᱱᱟ.ᱜ
ᱛᱟᱲᱟᱢ ᱰᱟᱦᱟᱨ ᱨᱮ ᱢᱮᱱᱟᱜ ᱜᱷᱩᱴᱩ ᱠᱷᱟᱨᱟᱝ
ᱚᱱᱟ ᱠᱚᱨᱮ ᱛᱚᱦᱚᱫ- ᱦᱟᱲᱟᱜ ᱛᱮᱧ
ᱵᱷᱤᱸᱫᱟ.ᱲ ᱟᱠᱟᱱᱟ ᱞᱤᱸᱡᱤ ᱟᱠᱟᱱ ᱛᱤᱧᱟ ᱢᱟᱭᱟᱢ ᱾

ᱞᱟ.ᱲᱦᱟ.ᱭ ᱠᱟ.ᱱᱟ.ᱧ ᱵᱟᱧᱪᱟᱣᱚᱜ ᱞᱟ.ᱜᱤᱫ
ᱥᱤᱠᱷᱱᱟ.ᱛ ᱵᱟ.ᱛᱤ ᱡᱮᱨᱮᱫ ᱞᱟ.ᱜᱤᱫ
ᱪᱷᱩᱴᱟᱹᱣ ᱢᱤᱱᱟ.ᱧᱟ. ᱦᱟᱸᱰᱮ-ᱱᱟᱰᱮ
ᱚᱞᱚᱜ-ᱯᱟᱲᱦᱟᱣ ᱨᱮᱭᱟᱜ ᱫᱤᱣᱦᱟ. ᱥᱟᱵ ᱠᱟᱛᱮ ᱥᱤᱠᱷᱱᱟ.ᱛ ᱰᱟᱦᱟᱨ ᱨᱮ ᱛᱟᱲᱟᱢ ᱛᱟᱲᱟᱢ ᱛᱮᱧ ᱛᱟᱦᱮᱭᱮᱱᱟ ᱛᱟᱲᱟᱢ ᱜᱟᱸᱰᱮ ᱾

ᱛᱟᱲᱟᱢ ᱜᱟᱸᱰᱮ ᱛᱤᱨᱞᱟ. ᱦᱚᱯᱚᱱ ᱫᱚ
ᱪᱮᱫᱟᱜ ᱵᱟ.ᱲᱤᱡ ᱜᱮᱠᱚ ᱨᱚᱲ ᱠᱚᱣᱟ
ᱪᱮᱫᱟᱜ ᱠᱚ ᱢᱮᱛᱟ ᱠᱚᱣᱟ ᱟᱭᱳ-ᱵᱟᱵᱟ,
ᱵᱚᱠᱚ-ᱵᱚᱭᱦᱟ ᱟᱜ ᱢᱮᱫᱦᱟ ᱨᱮ
ᱦᱮᱸᱫᱮ ᱠᱩᱭᱟ.ᱢ ᱡᱚᱫᱟᱜ ᱠᱚᱣᱟ ᱾

ᱦᱟᱯᱮᱢ ᱵᱩᱡᱷᱟ.ᱣᱟ ᱵᱩᱰᱷᱤ ᱞᱮᱱ ᱠᱷᱟᱱᱮᱢ
ᱚᱠᱚᱭ ᱦᱚᱸ ᱵᱟᱝ ᱠᱚ ᱠᱚᱭᱚᱜ ᱟᱢᱟ,
ᱵᱚᱠᱚ-ᱵᱚᱭᱦᱟ ᱴᱷᱮᱱ ᱥᱟᱦᱟᱱ ᱛᱟ.ᱲᱤ ᱞᱮᱠᱟ
ᱫᱤᱯᱤᱞ ᱠᱚᱜ-ᱟᱢ ᱞᱟᱡᱟᱣ ᱵᱟ.ᱱᱩᱜ ᱛᱟᱢᱟ ᱾

ᱚᱞ-ᱯᱟᱲᱦᱟᱣ ᱯᱩᱨᱟ.ᱣ ᱠᱟᱛᱮ
ᱛᱤᱸᱜᱩ ᱠᱮᱴᱮᱡ ᱟᱠᱟᱱᱟ.ᱧ ᱫᱩᱱᱤᱭᱟᱹ ᱛᱟᱞᱟᱨᱮ
ᱮᱱᱦᱚᱸ ᱦᱚᱲᱟᱜ ᱢᱚᱪᱟ ᱵᱟᱝᱜᱮ ᱵᱷᱤᱲᱟ.ᱜ
ᱨᱚᱲ ᱥᱤᱲᱤᱡ ᱟᱠᱚ ᱛᱟᱲᱟᱢ ᱜᱟᱸᱰᱮ ᱢᱮᱱᱛᱮ
ᱦᱚᱨ-ᱵᱤᱨ ᱨᱮ, ᱠᱩᱞᱦᱤ-ᱪᱷᱟᱴᱠᱟ ᱠᱚᱨᱮ ᱿

***