ᱢᱮᱫ

ᱦᱟᱹᱨᱩᱵᱚᱜ ᱠᱟᱱ
ᱢᱮᱫ ᱨᱮ
ᱡᱟᱦᱟᱸ ᱛᱤᱱᱟᱹᱜ
ᱞᱟᱸᱜᱟ ᱢᱮᱱᱟᱜ
ᱵᱤᱪᱠᱚᱢ ᱯᱮᱨᱮᱡ ᱠᱚᱜ ᱢᱟ
ᱤᱧᱟᱜ ᱢᱮᱫ ᱨᱮ
ᱫᱩᱱᱤᱭᱟᱹ ᱨᱮᱱᱟᱜ ᱢᱮᱫ ᱫᱚ
ᱵᱮᱸᱜᱮᱫ ᱜᱮ ᱛᱟᱦᱮᱸ ᱠᱚᱜ ᱢᱟ ᱾᱾

ᱡᱟᱦᱟᱸ ᱢᱮᱫ
ᱤᱧ ᱞᱟᱹᱜᱤᱫ
ᱞᱟᱪᱷᱟ ᱞᱟᱪᱷᱟ
ᱠᱩᱠᱢᱩᱭ ᱦᱟᱞᱟᱝ ᱟᱹᱧᱟ
ᱥᱟᱺᱜᱤᱧ ᱨᱮ ᱛᱟᱦᱮᱸ
ᱠᱟᱛᱮ ᱦᱚᱸᱭ ᱧᱮᱞᱤᱧᱟ
ᱤᱧ ᱫᱚ ᱚᱱᱟ ᱢᱮᱫ ᱨᱤᱱᱤᱡ
ᱢᱮᱫ ᱢᱟᱨᱥᱟᱞ ᱾᱾

ᱤᱧᱟᱜ ᱢᱮᱫ ᱠᱷᱚᱱ
ᱡᱚᱠᱷᱚᱱ ᱦᱤᱰᱤᱨ ᱦᱤᱰᱤᱨ
ᱢᱮᱫ ᱫᱟᱜ ᱡᱚᱨᱚᱜ
ᱚᱱᱟ ᱢᱮᱫ ᱠᱷᱚᱱ
ᱦᱤᱰᱤᱨ ᱦᱤᱰᱤᱨ
ᱢᱟᱭᱟᱢ ᱡᱚᱨᱚᱜ
ᱚᱱᱟ ᱢᱮᱫ ᱫᱚ
ᱛᱤᱥ ᱦᱚᱸ ᱟᱞᱚ
ᱡᱟᱹᱯᱤᱫᱚᱜ ᱢᱟ ᱾᱾

ᱜᱚᱨᱚᱵᱽ ᱨᱮᱱᱟᱜ
ᱠᱚᱭᱚᱜ ᱡᱟᱦᱟᱸ ᱢᱮᱫ ᱛᱮ
ᱧᱮᱞ ᱜᱚᱫᱚᱜ
ᱡᱤᱣᱤᱫᱚᱜ ᱨᱮᱱᱟᱜ
ᱰᱟᱦᱟᱨ ᱮ ᱧᱮᱞ
ᱟᱠᱟᱣᱟᱫᱮᱭᱟᱹ ᱤᱧᱟᱜ ᱢᱮᱫ
ᱥᱚᱛ ᱟᱪᱟᱨ ᱟᱨ ᱵᱤᱪᱟᱹᱨ
ᱧᱮᱞᱟᱭ ᱡᱟᱦᱟᱸ ᱢᱮᱫ ᱛᱮ
ᱚᱱᱟ ᱢᱮᱫ ᱫᱚ
ᱛᱤᱥ ᱦᱚᱸ ᱟᱞᱚ
ᱡᱟᱹᱯᱤᱫᱚᱜ ᱢᱟ ᱾᱾

***