ᱡᱤᱞ ᱡᱚᱢ

ᱡᱟᱦᱮᱨ ᱰᱟᱺᱜᱽᱨᱤ ᱥᱮ ᱫᱚᱥᱚᱱ ᱦᱩᱭᱩᱜ
ᱢᱚᱬᱮ ᱥᱮᱨᱢᱟ ᱵᱟᱫᱽ ᱨᱮ
ᱥᱮᱸᱫᱽᱨᱟ ᱫᱟᱨᱮ ᱵᱚᱸᱜᱟᱭᱟᱵᱚ
ᱡᱟᱦᱮᱨ ᱟᱭᱳ ᱴᱷᱮᱱ ᱵᱚ ᱱᱮᱦᱚᱸᱨᱟ ᱾

ᱱᱟᱭ ᱱᱟᱯᱟᱭ ᱛᱮᱵᱚ ᱛᱟᱦᱮᱸᱱ ᱢᱟ
ᱟᱹᱛᱩ ᱚᱲᱟᱜ ᱨᱮ ᱡᱚᱛᱚ ᱠᱚᱜᱮ
ᱨᱩᱣᱟᱹ ᱦᱟᱹᱥᱩ ᱟᱞᱚ ᱦᱩᱭᱩᱜ
ᱨᱟᱹᱥᱠᱟᱹ ᱨᱮᱜᱮ ᱵᱚ ᱛᱟᱦᱮᱸᱱ ᱢᱟ ᱾

ᱯᱚᱞᱚᱢ ᱮᱱᱟ ᱢᱚᱬᱮ ᱥᱮᱨᱢᱟ ᱛᱟᱞᱟ ᱨᱮ
ᱥᱩᱠ ᱫᱩᱠ ᱵᱮᱥ ᱵᱟᱹᱲᱤᱡ
ᱥᱟᱱᱟᱢᱟᱜ ᱜᱮ ᱫᱮᱭᱟ ᱠᱟᱛᱮ
ᱞᱟᱦᱟ ᱥᱮᱫ ᱵᱚᱱ ᱛᱟᱲᱟᱢᱟ ᱾

ᱢᱚᱱᱮ ᱨᱮᱢᱟ ᱨᱟᱹᱥᱠᱟᱹ ᱪᱟᱯᱮᱜ
ᱟᱭᱳᱭ ᱢᱮᱱᱟ ᱦᱟᱯᱮ ᱦᱟᱯᱮ
ᱞᱩᱸᱰᱟᱹ ᱯᱚᱛᱟᱣ ᱜᱮᱡ ᱜᱩᱨᱤᱡ
ᱚᱲᱟᱜ ᱫᱩᱣᱟᱹᱨ ᱯᱩᱨᱪᱷᱟᱹᱭᱟᱵᱚ ᱾

ᱦᱤᱞᱤ ᱫᱟᱫᱟ ᱟᱭᱳ ᱵᱟᱵᱟ
ᱫᱟᱨᱟᱢ ᱠᱚᱣᱟ ᱠᱤᱱ ᱱᱮᱶᱛᱟ ᱯᱮᱲᱟ
ᱤᱱᱟᱹ ᱦᱤᱞᱚᱜ ᱡᱚᱢ ᱢᱤᱫ ᱠᱟᱛᱮ
ᱥᱩᱞᱩᱠ ᱥᱟᱹᱜᱟᱹᱭ ᱛᱚᱞ ᱩᱨᱤᱡᱟᱵᱚ
ᱢᱚᱬᱮ ᱥᱮᱨᱢᱟ ᱵᱟᱫᱽ ᱨᱮ
ᱡᱤᱞ ᱡᱚᱢ ᱦᱩᱭ ᱮᱱᱟ ᱟᱞᱮ ᱟᱹᱛᱩ ᱨᱮ ᱾

***