ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮᱦᱚᱸ,
ᱩᱯᱨᱩᱢ ᱛᱟᱢ ᱩᱠᱩᱨ?
ᱱᱤᱛ ᱦᱚᱸ ᱠᱚ ᱠᱩᱞᱤᱭᱮᱫ ᱢᱮ,
ᱟᱢ ᱫᱚ ᱚᱠᱚᱭ?
ᱟᱢ ᱫᱚ ᱟᱹᱫᱤᱢ,
ᱟᱢᱟᱜ ᱫᱤᱥᱚᱢ ᱨᱮᱦᱚᱸ,
ᱟᱢ ᱞᱟᱹᱜᱤᱫ ᱛᱮ
ᱟᱹᱭᱫᱟᱹᱨᱤᱢ ᱠᱚᱠᱚᱭ ᱾
ᱟᱢᱟᱜ ᱡᱟᱹᱛᱤ ᱞᱟᱹᱜᱤᱫ,
ᱱᱤᱛ ᱦᱚᱸᱢ ᱞᱟᱹᱲᱦᱟᱹᱭ ᱠᱟᱱᱟ,
ᱟᱢᱟᱜ ᱫᱷᱚᱨᱚᱢ ᱞᱟᱹᱜᱤᱫ,
ᱠᱚᱰ ᱮᱢ ᱠᱚᱭ ᱡᱚᱝ ᱠᱟᱱᱟ ᱾
ᱟᱢᱟᱜ ᱯᱟᱹᱨᱥᱤ ᱞᱟᱜᱤᱫ,
ᱫᱟᱹᱵᱤᱢ ᱫᱚᱦᱚ ᱭᱮᱫᱟ ᱾
ᱟᱢᱟᱜ ᱪᱤᱠᱤ ᱞᱟᱹᱜᱤᱫ,
ᱮᱯᱮᱨᱦᱮᱸᱰᱮ ᱱᱤᱛ ᱦᱚᱸ ᱢᱮᱱᱟᱜ ᱜᱮᱭᱟ᱾
ᱟᱢᱟᱜ ᱦᱟᱥᱟ ᱡᱚᱛᱚᱢ,
ᱮᱲᱮ ᱦᱚᱪᱚᱜ ᱠᱟᱱᱟ ᱾
ᱵᱤᱨ ᱵᱩᱨᱩ ᱡᱚᱛᱚ,
ᱢᱟᱜ ᱴᱟᱺᱰᱤᱜ ᱠᱟᱱᱟ ᱾
ᱪᱮᱴᱠᱟᱨᱚᱜ ᱢᱮ ᱟᱹᱫᱤᱢ,
ᱠᱚᱭᱚᱜ ᱢᱟᱨᱥᱟᱞ ᱢᱮ,
ᱟᱢᱟᱜ ᱦᱟᱥᱟ ᱵᱷᱟᱥᱟ,
ᱟᱢ ᱜᱮ ᱨᱚᱯᱷᱟᱭ ᱢᱮ ᱾
ᱟᱹᱠᱤᱞ ᱜᱮᱭᱟᱱ ᱵᱟᱹᱛᱤ,
ᱜᱚᱴᱟ ᱡᱮᱨᱮᱫ ᱢᱮ᱾
ᱫᱤᱥᱣᱟᱹ ᱛᱟᱞᱟ ᱨᱮ,
ᱦᱩᱞᱥᱟᱹᱭ ᱟᱸᱫᱚᱲ ᱢᱮ ᱾
ᱡᱟᱹᱛᱤ ᱫᱷᱚᱨᱚᱢ, ᱪᱤᱠᱤ ᱯᱟᱹᱨᱥᱤ,
ᱱᱚᱝᱠᱟ ᱯᱟᱥᱱᱟᱣ ᱛᱟᱢ ᱾
ᱯᱷᱩᱨᱜᱟᱹᱞ ᱫᱤᱥᱚᱢ ᱨᱮ ᱟᱢᱟᱜ
ᱩᱯᱨᱩᱢ, ᱨᱟᱠᱟᱵ ᱫᱚᱦᱚᱭ ᱛᱟᱢ ᱾
***
