ᱤᱧᱟᱜ ᱡᱟᱱᱟᱢ ᱨᱚᱲ
ᱟᱹᱰᱤ ᱥᱤᱵᱤᱞ ᱨᱚᱲ
ᱡᱟᱱᱟᱢ ᱟᱭᱳ ᱴᱷᱮᱱ ᱪᱮᱫ ᱨᱚᱲ
ᱱᱚᱶᱟ ᱤᱧᱟᱜ ᱡᱟᱱᱟᱢ ᱨᱚᱲ
ᱡᱟᱦᱟᱸ ᱥᱮᱱᱤᱧ ᱥᱮᱱᱚᱜ ᱨᱮ
ᱡᱟᱦᱟᱸᱭ ᱥᱟᱝ ᱤᱧ ᱧᱟᱯᱟᱢ ᱨᱮ
ᱨᱚᱲᱟᱹᱧ ᱡᱟᱱᱟᱢ ᱨᱚᱲᱛᱮ
ᱟᱹᱰᱤ ᱢᱚᱡᱽ ᱜᱮ ᱵᱩᱡᱷᱟᱹᱣᱜ ᱮᱱᱛᱮ
ᱮᱴᱟᱜ ᱡᱟᱹᱛᱤ ᱠᱚ ᱛᱟᱞᱟ ᱨᱮᱦᱚᱸ
ᱜᱟᱛᱮ ᱠᱚ ᱥᱟᱶ ᱡᱟᱱᱟᱢ ᱨᱚᱲ ᱛᱮᱜᱤᱧ ᱨᱚᱲ ᱮᱱᱦᱚᱸ
ᱵᱟᱹᱱᱩᱜ ᱛᱤᱧᱟ ᱵᱚᱛᱚᱨ ᱞᱟᱡᱟᱣ
ᱡᱟᱱᱟᱢ ᱟᱭᱳ ᱟᱜ ᱥᱤᱨᱟᱹᱣ ᱾
ᱵᱟᱹᱧ ᱦᱤᱲᱤᱧᱟ ᱛᱤᱥ ᱨᱮᱦᱚᱸ
ᱱᱚᱶᱟ ᱫᱚ ᱤᱧᱟᱜ ᱜᱚᱨᱚᱵᱽ ᱛᱤᱧ ᱦᱚᱸ
ᱡᱟᱱᱟᱢ ᱟᱭᱳᱭ ᱪᱮᱨᱮᱡ ᱞᱤᱫᱤᱧ
ᱡᱟᱱᱟᱢ ᱨᱚᱲ ᱛᱮᱜᱮᱭ ᱨᱚᱲ ᱦᱮᱣᱟ ᱠᱟᱹᱫᱤᱧ
ᱚᱞᱚᱜ ᱯᱟᱲᱦᱟᱣ ᱥᱮᱸᱲᱟᱭ ᱨᱮ
ᱮᱴᱟᱜ ᱯᱟᱹᱨᱥᱤ ᱛᱮᱜᱮ ᱢᱟᱲᱟᱝ ᱨᱮ
ᱡᱟᱱᱟᱢ ᱟᱭᱳᱭ ᱥᱤᱠᱟᱹᱣ ᱞᱤᱫᱤᱧ
ᱡᱟᱱᱟᱢ ᱨᱚᱲ ᱫᱚ ᱛᱤᱥ ᱦᱚᱸ ᱟᱞᱚᱢ ᱦᱤᱲᱤᱧ
ᱩᱫᱩᱜ ᱟᱫᱤᱧᱟᱭ ᱛᱟᱲᱟᱢ ᱰᱟᱦᱟᱨ
ᱞᱟᱯᱷᱟᱝ ᱥᱮᱪᱮᱫ ᱥᱤᱠᱷᱱᱟᱹᱛ ᱦᱚᱨ ᱰᱟᱦᱟᱨ
ᱚᱱᱟ ᱛᱮᱜᱮ ᱱᱤᱛᱚᱜ ᱤᱧ ᱫᱚ
ᱵᱮᱱᱟᱣ ᱤᱱᱟᱹᱧ ᱢᱟᱨᱟᱝ ᱦᱚᱲ ᱫᱚ
ᱮᱱᱦᱚᱸ ᱤᱧ ᱴᱷᱮᱱ ᱫᱚ ᱡᱷᱚᱛᱚ ᱠᱷᱚᱱᱟᱜ ᱢᱟᱨᱟᱝ
ᱥᱚᱨᱮᱥ ᱤᱧᱟᱜ ᱡᱟᱱᱟᱢ ᱨᱚᱲ ᱜᱮ ᱢᱟᱲᱟᱝ ᱾
***
