ᱚᱠᱚᱭ ᱟᱢ ᱫᱚ
ᱚᱠᱚᱭ ᱟᱢ ᱫᱚ ?
ᱞᱚᱞᱚ ᱥᱤᱛᱩᱝᱨᱮᱱ ᱦᱮᱢᱟᱞ ᱩᱢᱩᱞ
ᱥᱮᱨᱢᱟ ᱡᱟ.ᱲᱤ ᱨᱮ ᱪᱟᱛᱚᱢ ᱩᱢᱩᱞ
ᱱᱚᱝᱠᱟᱧ ᱟ.ᱭᱠᱟᱣ ᱟᱢᱟᱜ ᱠᱚᱲᱟᱢ
ᱞᱟᱛᱟᱨ ᱨᱮ, ᱡᱮᱢᱚᱱ ᱡᱩᱨᱤ ᱩᱢᱩᱞ ᱿
ᱚᱠᱚᱭ ᱟᱢ ᱫᱚ ?
ᱤᱧᱟ.ᱜ ᱢᱚᱱᱮ ᱠᱟ.ᱦᱤᱥᱚᱜ ᱨᱮ,
ᱧᱚᱦᱚᱲ ᱧᱚᱦᱚᱲ ᱛᱤᱨᱭᱳ ᱨᱟᱦᱟᱛᱮ
ᱠᱟ.ᱦᱤᱥ ᱟᱠᱟᱱ ᱢᱚᱱᱮ ᱛᱤᱧ ᱫᱚ
ᱡᱤᱭᱟ.ᱲ ᱨᱩᱣᱟ.ᱲᱚᱜ ᱛᱤᱧ ᱚᱱᱟ ᱟᱡᱚᱢ ᱛᱮ ᱿
ᱚᱠᱚᱭ ᱟᱢ ᱫᱚ ?
ᱵᱩᱨᱩ ᱡᱷᱟᱨᱱᱟ ᱟᱲᱮ ᱠᱟᱫᱟᱢ ᱵᱩᱴᱟ.ᱨᱮ
ᱵᱟᱱᱟᱢ ᱨᱮᱛᱟ ᱟᱛᱮᱜ ᱥᱮᱨᱮᱧ ᱡᱚᱝ ᱟᱢ
ᱞᱩᱛᱩᱨ ᱯᱮᱨᱮᱡ ᱟᱡᱚᱢ ᱠᱟᱛᱮᱜ
ᱵᱤᱪᱷᱚᱠ ᱟᱠᱟᱱ ᱡᱤᱣᱤ ᱛᱤᱧᱮᱢ ᱨᱟᱲᱮᱡᱟ ᱿
ᱚᱠᱚᱭ ᱠᱟᱱᱟᱢ ᱟᱢ ᱫᱚ ?
ᱧᱩᱛ-ᱧᱤᱫᱟ. , ᱮᱠᱞᱟ ᱱᱤᱪᱚᱞ ᱨᱮ
ᱠᱩᱱᱟ.ᱢᱤ ᱪᱟᱸᱫᱳ ᱞᱮᱠᱟ ᱛᱮᱨᱫᱮᱡ ᱟᱛᱮ
ᱢᱟᱨᱥᱟᱞ ᱟ.ᱫᱤᱧᱟᱢ ᱤᱧᱟᱜ ᱡᱤᱭᱚᱱ ᱨᱮ
ᱨᱩᱯ ᱛᱤᱧᱮᱢ ᱡᱷᱟᱞᱠᱟᱣ ᱛᱤᱧᱟ
ᱟᱢᱟᱜ ᱢᱚᱱᱮ ᱨᱮᱱᱟᱜ ᱟ.ᱨᱥᱤ ᱨᱮ ᱿
ᱚᱠᱚᱭ ᱟᱢ ᱫᱚ ?
ᱯᱩᱥ ᱵᱚᱸᱜᱟ ᱨᱟᱵᱟᱝ ᱫᱤᱱ ᱠᱚᱨᱮ
ᱜᱩᱸᱜᱩᱫ ᱠᱟ.ᱧᱟ.ᱢ ᱩᱨᱜᱩᱢ ᱠᱚᱲᱟᱢ ᱨᱮ
ᱦᱚᱲᱢᱚ ᱤᱧᱟᱹᱜ ᱩᱨᱜᱩᱢᱚᱜ-ᱟ
ᱟᱢᱟᱜ ᱩᱨᱜᱩᱢ ᱥᱤᱵᱤᱞ ᱫᱩᱞᱟ.ᱲ ᱛᱮ ᱿
ᱚᱠᱚᱭ ᱟᱢ ᱫᱚ ?
ᱦᱟᱨᱟ ᱛᱚᱨᱟ ᱨᱮ, ᱦᱟ.ᱞᱤ ᱡᱩᱣᱟ.ᱱ ᱵᱮᱲᱟᱨᱮ
ᱟ.ᱠᱩᱞ-ᱵᱤᱠᱚᱞᱚᱜ ᱠᱟᱱ ᱠᱩᱶᱟᱨᱤ ᱢᱚᱱᱮ,
ᱯᱷᱟ.ᱜᱩᱱ ᱠᱩᱭᱞᱤᱭᱟᱜ ᱠᱩᱦᱩ ᱟᱲᱟᱝ ᱛᱮ
ᱫᱩᱞᱟ.ᱲ ᱟᱢᱮᱢ ᱥᱤᱨᱡᱟ.ᱣ ᱟ.ᱫᱤᱧ ᱡᱩᱣᱟ.ᱱ ᱢᱚᱱᱮᱨᱮ ᱿
ᱢᱟᱥᱮ ᱞᱟ.ᱭ ᱢᱮ ᱚᱠᱚᱭ ᱠᱟᱱᱟᱢ ᱟᱢ ᱫᱚ ?
ᱫᱩᱠ – ᱥᱩᱠ ᱨᱮ ᱥᱟᱶᱨᱮᱢ ᱥᱳᱛᱳᱜ ᱠᱟ.ᱧ ᱠᱟᱱ
ᱢᱚᱱᱮ-ᱡᱤᱣᱤ ᱨᱮ ᱵᱮᱥ ᱵᱟᱝ ᱤᱧ ᱟ.ᱭᱠᱟ.ᱣ ᱨᱮᱫᱚ
ᱫᱩᱞᱟ.ᱲ ᱡᱟ.ᱲᱤ ᱛᱮᱢ ᱡᱤᱭᱟ.ᱲᱤᱧ ᱠᱟᱱ,
ᱯᱟᱱᱛᱮ ᱢᱤᱭᱟ.ᱧ ᱜᱚᱴᱟ ᱵᱤᱨ- ᱵᱩᱨᱩ,
ᱡᱷᱟᱨᱱᱟ ᱰᱟ.ᱰᱤ ᱮᱠᱞᱟ ᱱᱤᱪᱚᱞ ᱠᱚᱨᱮ
ᱩᱭᱩᱝ ᱪᱩᱸᱰᱩᱜ ᱠᱟᱛᱮ ᱠᱚᱭᱚᱜ ᱵᱟᱲᱟᱭ ᱨᱮᱦᱚᱸ
ᱵᱟᱝ ᱮᱢ ᱧᱮᱞᱚᱜ ᱠᱟᱱ ᱢᱮᱱᱟᱢᱟ ᱚᱠᱟ ᱨᱮ ?
ᱚᱠᱚᱭ ᱠᱟᱱᱟᱢ ᱟᱢ ᱫᱚ ?
ᱢᱤᱫ ᱫᱷᱟᱣ ᱥᱟᱢᱟᱝ ᱨᱮ ᱦᱤᱡᱩᱜ ᱢᱮᱥᱮ
ᱟᱢ ᱧᱮᱞ ᱢᱮ ᱞᱟ.ᱜᱤᱫ ᱢᱚᱱᱮ ᱛᱤᱧ ᱢᱟ
ᱪᱷᱟᱴᱯᱟᱴᱟᱜ ᱠᱟᱱᱟ, ᱡᱤᱣᱤ ᱫᱚ ᱵᱤᱪᱷᱚᱠᱚᱜ ᱠᱟᱱ,
ᱞᱚᱴᱟ ᱫᱟᱜ ᱛᱤᱧ ᱟᱛᱟᱝ ᱫᱟᱨᱟᱢ ᱢᱮᱭᱟ
ᱤᱧᱟᱜ ᱢᱚᱱᱮ ᱨᱮᱱᱟᱜ ᱵᱟ.ᱠᱷᱩᱞ ᱚᱲᱟᱜ ᱨᱮ,
ᱛᱷᱟᱯᱚᱱ ᱫᱚᱦᱚ ᱠᱮᱢᱟ.ᱧ ᱡᱟᱭᱡᱩᱜᱽ ᱞᱟ.ᱜᱤᱫ
ᱱᱚᱣᱟ ᱤᱧᱟᱜ ᱚᱱᱛᱚᱨ ᱢᱟ.ᱪᱤᱨᱮ ᱿
***
