ᱚᱛᱦᱟᱥᱟ
ᱼᱼᱼ ᱥᱳᱠᱚᱞᱢᱚᱱᱤ ᱥᱚᱨᱮᱱ
ᱱᱟᱱᱟ ᱦᱩᱱᱟᱹᱨ ᱦᱳᱲᱳ ᱪᱟᱣᱞᱮᱹ
ᱮᱹᱣᱮᱹᱨ ᱥᱟᱯᱷᱟ ᱯᱮᱴᱮᱡ
ᱫᱤᱯᱤᱞ ᱟᱠᱟᱫ ᱫᱷᱟᱹᱨᱛᱤ ᱟᱭᱳ
ᱢᱚᱱᱮ ᱡᱤᱣᱤ ᱠᱮᱴᱮᱡ
ᱵᱤᱨ ᱵᱩᱨᱩ ᱫᱟᱨᱮᱹ ᱱᱟᱲᱤ
ᱛᱟᱥᱟᱫ ᱫᱷᱩᱵᱤ ᱜᱷᱟᱸᱥ
ᱡᱚᱢᱟᱜ ᱧᱩᱣᱟᱜ ᱯᱩᱨᱟᱹᱣ ᱞᱟᱹᱜᱤᱫ
ᱚᱛ ᱦᱟᱥᱟ ᱨᱮ ᱪᱟᱥ
ᱱᱟᱦᱮᱞ ᱫᱚ ᱡᱩᱛᱢ ᱮᱥᱮ
ᱠᱩᱰᱤ ᱫᱚ ᱞᱟᱥᱮᱨ ᱢᱮ
ᱪᱟᱥ ᱵᱟᱥ ᱫᱤᱱ ᱫᱚ
ᱥᱮᱴᱮᱨ ᱦᱤᱡᱩᱜ ᱠᱟᱱ
ᱟᱵᱚ ᱫᱚ ᱪᱟᱥᱤ ᱦᱚᱯᱚᱱ
ᱪᱟᱥ ᱨᱮᱜᱮ ᱡᱤᱭᱚᱱ ᱫᱚ
ᱪᱟᱥ ᱵᱟᱥ ᱨᱮᱜᱮ
ᱡᱤᱣᱤ ᱫᱚ ᱢᱮᱱᱟᱜ ᱛᱟᱵᱚ
ᱵᱟᱵᱚᱱ ᱟᱥᱠᱮᱹᱛᱚᱜᱼᱟ
ᱵᱟᱵᱚᱱ ᱩᱫᱟᱹᱥ ᱚᱜᱼᱟ
ᱚᱛ ᱞᱟᱛᱟᱨ ᱛᱚᱯᱟ ᱢᱮᱱᱟᱜ
ᱟᱹᱛᱷᱟᱹᱱ ᱫᱷᱚᱱ ᱫᱚᱨᱤᱵᱽ
ᱟᱯᱟᱱ ᱟᱹᱯᱤᱱ ᱠᱟᱹᱢᱤ ᱵᱷᱮᱫᱽᱨᱮ
ᱥᱟᱱᱟᱢ ᱜᱩᱱᱤ ᱜᱩᱨᱤᱵᱽ ᱾᱾
***
