ᱪᱟᱹᱛ ᱵᱟᱹᱭᱥᱟᱹᱠ ᱥᱤᱛᱩᱝ ᱞᱚᱞᱚ
ᱜᱟᱰᱟ ᱢᱩᱰᱩ ᱟᱸᱡᱮᱫᱚᱜ
ᱟᱦᱟᱨ ᱯᱩᱠᱨᱤ ᱨᱚᱦᱚᱲ ᱪᱟᱵᱟᱜ
ᱜᱚᱴᱟ ᱯᱟᱲᱟ ᱟᱱᱟᱴ ᱾
ᱧᱩ ᱫᱟᱜ ᱵᱟᱹᱱᱩᱜ ᱟᱹᱛᱩ ᱴᱚᱞᱟ ᱨᱮ
ᱛᱩᱯᱩᱱ ᱫᱟᱜ ᱦᱚᱸ ᱵᱟᱹᱱᱩᱜ
ᱠᱟᱰᱟ ᱰᱟᱺᱜᱽᱨᱤ ᱟᱹᱨᱩᱵ ᱞᱟᱹᱜᱤᱫ
ᱫᱟᱜ ᱜᱮ ᱚᱠᱟ ᱨᱮ ᱵᱟᱹᱱᱩᱜ ᱾
ᱥᱚᱨᱠᱟᱨᱤ ᱠᱚᱞ ᱢᱮᱱᱟᱜ ᱨᱮᱦᱚᱸ
ᱚᱱᱟ ᱦᱚᱸ ᱨᱟᱹᱯᱩᱫ ᱜᱮᱭᱟ
ᱢᱮᱱᱟᱜ ᱥᱚᱨᱠᱟᱨᱤ ᱠᱩᱧ ᱢᱤᱫ ᱵᱟᱨ
ᱫᱟᱜ ᱫᱚ ᱵᱟᱹᱱᱩᱜ ᱟᱱᱟᱝ ᱾
ᱠᱤᱥᱟᱹᱬ ᱚᱲᱟᱜ ᱨᱮ ᱢᱮᱱᱟᱜ ᱠᱚᱞ
ᱫᱟᱜ ᱫᱚ ᱵᱟᱠᱚ ᱮᱢᱚᱜ
ᱜᱤᱨᱤᱞ ᱥᱤᱞᱯᱤᱧ ᱯᱟᱹᱪᱨᱤ ᱵᱮᱲᱦᱟᱭ
ᱦᱚᱲ ᱧᱮᱞ ᱛᱮ ᱠᱚ ᱥᱤᱧ ᱾
ᱴᱩᱠᱩᱡ ᱴᱷᱤᱞᱤ ᱥᱟᱵ ᱠᱟᱛᱮ
ᱪᱟᱞᱟᱜ ᱞᱮ ᱮᱴᱟᱜ ᱴᱚᱞᱟ ᱫᱟᱜ ᱞᱩ
ᱥᱮᱛᱟᱜ ᱠᱷᱚᱱᱟᱜ ᱟᱹᱭᱩᱵ ᱦᱟᱹᱵᱤᱡ
ᱫᱟᱜ ᱜᱮ ᱞᱮ ᱦᱚᱨᱦᱚ ᱠᱟᱜᱼᱟ ᱾
ᱥᱚᱨᱠᱟᱨ ᱦᱚᱸ ᱞᱮ ᱠᱚᱭ ᱠᱮᱫᱮ
ᱥᱤᱭᱚ ᱵᱤᱰᱤᱭᱚ ᱦᱚᱸ ᱞᱮ ᱠᱚᱭ ᱠᱮᱫ ᱠᱚ
ᱢᱮᱫ ᱞᱩᱛᱩᱨ ᱵᱟᱹᱱᱩᱜ ᱛᱟᱠᱚ
ᱟᱞᱮ ᱪᱮᱛᱟᱱ ᱨᱮ ᱾
ᱵᱷᱚᱴ ᱵᱮᱲᱟ ᱫᱚᱠᱚ ᱦᱤᱡᱩᱜ
ᱱᱮᱛᱟ ᱢᱚᱱᱛᱨᱤ ᱠᱚ
ᱢᱟᱨᱟᱝᱻᱢᱟᱨᱟᱝ ᱠᱟᱛᱷᱟ ᱠᱚ ᱨᱚᱻᱲᱟ
ᱟᱨ ᱠᱚ ᱮᱲᱮ ᱞᱮᱭᱟ ᱾
ᱫᱟᱜ ᱵᱮᱜᱚᱨ ᱱᱚᱣᱟ ᱡᱤᱣᱤ
ᱠᱷᱟᱸᱰᱟᱣᱟᱞᱮ ᱪᱤᱠᱟᱹᱛᱮ
ᱥᱮᱨᱢᱟ ᱪᱟᱸᱫᱚ ᱦᱚᱸᱭ ᱪᱚᱴᱚᱜ ᱠᱟᱱᱟ
ᱥᱮᱨᱢᱟ ᱡᱟᱹᱲᱤ ᱦᱚᱸ ᱥᱟᱹᱜᱤᱧᱚᱜ ᱠᱟᱱᱟ ᱾
***
