ᱤᱧ ᱫᱚ ᱠᱟᱹᱱᱟᱹᱧ ᱩᱰᱟᱹᱜ ᱪᱮᱬᱮ
ᱩᱰᱟᱹᱣᱜ ᱠᱟᱹᱱᱟᱹᱧ ᱯᱷᱟᱹᱠᱬᱟᱹᱜ ᱛᱤᱛᱮ,
ᱥᱮᱨᱢᱟ ᱞᱟᱛᱟᱨ ᱦᱮᱸᱫᱮ ᱨᱤᱢᱤᱞ ᱫᱟᱨᱮ ᱪᱮᱛᱟᱱ ᱛᱮ ᱾
ᱡᱤᱣᱤ ᱟᱥᱨᱟᱜ ᱞᱟᱹᱜᱤᱫ ᱪᱮᱬᱮ ᱟᱬᱜᱚ ᱞᱮᱱᱟᱭ ᱵᱩᱴᱟᱹ ᱫᱟᱨᱮ,
ᱛᱮᱦᱮᱧ ᱪᱮᱬᱮ ᱩᱰᱟᱹᱜ ᱠᱟᱱᱟᱭ ᱫᱟᱨᱮ ᱪᱮᱛᱟᱱ ᱫᱟᱨᱮ ᱾
ᱦᱚᱲ ᱠᱚ ᱢᱮᱱᱮᱫ ᱱᱩᱭ ᱪᱮᱬᱮ ᱵᱟᱹᱲᱤᱡ ᱜᱮᱭᱟᱭ ᱟᱹᱰᱤ ᱜᱮ ᱦᱟᱞᱮ,
ᱫᱟᱨᱮ ᱠᱳᱣᱟᱜ ᱢᱳᱱᱮᱭ ᱵᱟᱹᱲᱤᱡ ᱩᱰᱟᱹᱜ ᱠᱟᱱᱟᱭ ᱟᱡ ᱫᱚ ᱦᱟᱹᱱᱤ ᱾
ᱦᱟᱱᱟ ᱫᱟᱨᱮ ᱱᱳᱣᱟ ᱫᱟᱨᱮ ᱩᱰᱟᱹᱣ ᱟᱠᱟ ᱨᱮᱜᱮ ᱢᱮᱱᱟᱭ,
ᱡᱤᱣᱤ ᱟᱥᱨᱟᱜ ᱫᱟᱨᱮ ᱵᱩᱴᱟᱹ ᱵᱟᱜᱤ ᱟᱫᱟᱭ ᱦᱟᱱᱮ ᱾
ᱪᱮᱬᱮ ᱪᱮᱫᱟᱜ ᱩᱰᱟᱹᱜ ᱠᱟᱱᱟᱭ ᱠᱩᱠᱞᱤ ᱫᱚᱨᱮ ᱚᱠᱚᱭ ᱫᱚᱦᱚᱭ,
ᱪᱮᱬᱮ ᱪᱤᱯᱨᱩᱫ ᱫᱩᱠᱷᱟᱹᱞᱤ ᱡᱤᱭᱚᱱ ᱛᱚᱞᱟᱥ ᱚᱠᱚᱭ ᱫᱚᱦᱚᱭ ᱾
ᱪᱮᱬᱮ ᱪᱤᱯᱨᱩᱛ ᱡᱤᱭᱚᱱ ᱫᱚᱨᱮ ᱱᱚᱝᱠᱟ ᱱᱟᱨᱮ ᱪᱮᱫᱟᱜ ᱚᱦᱟᱭ,
ᱛᱚᱞᱟᱥ ᱠᱟᱛᱮᱫ ᱯᱟᱸᱡᱟᱭ ᱢᱮᱥᱮ ᱟᱢ ᱦᱚᱸ ᱠᱟᱹᱴᱤᱡ ᱫᱮᱞᱟᱝ ᱾
ᱛᱩᱱᱩᱢ ᱧᱟᱢᱟᱢ ᱚᱸᱰᱮ ᱜᱮᱱᱟᱜ ᱩᱰᱟᱹᱜ ᱪᱮᱬᱮ ᱫᱩᱠᱷᱟᱹᱞᱤ ᱢᱳᱱᱮ,
ᱛᱮᱦᱮᱧ ᱪᱮᱫᱟᱜ ᱱᱩᱭ ᱪᱮᱬᱮ ᱩᱰᱟᱹᱜ ᱠᱟᱱᱟᱭ ᱱᱚᱝᱠᱟ ᱫᱚᱨᱮ ᱾
ᱦᱚᱢᱚᱨ ᱦᱟᱞᱟᱝ ᱟᱛᱮᱜ ᱪᱮᱲᱮ ᱢᱮᱢᱮᱱ ᱠᱟᱱᱟᱭ ᱛᱮᱦᱮᱧ ᱫᱚᱨᱮ,
ᱩᱰᱟᱹᱜ ᱠᱟᱹᱱᱟᱹᱧ ᱱᱚᱝᱠᱟ ᱪᱮᱫᱟᱜ ᱵᱟᱝᱠᱚ ᱠᱩᱞᱤᱧ ᱠᱟᱱᱟ ᱫᱚᱨᱮ ᱾
ᱦᱟᱱᱟ ᱫᱟᱨᱮ ᱱᱚᱣᱟ ᱫᱟᱨᱮ ᱩᱰᱟᱹᱣ ᱵᱟᱲᱟᱭ ᱩᱰᱟᱹᱜ ᱪᱮᱲᱮ,
ᱩᱰᱟᱹᱣ ᱵᱟᱲᱟᱭ ᱱᱚᱝᱠᱟ ᱫᱚᱨᱮ ᱵᱟᱹᱱᱩᱜ ᱛᱟᱭᱟ ᱢᱚᱱᱮ ᱾
ᱩᱰᱟᱹᱣᱜ ᱠᱟᱱᱟᱭ ᱡᱚᱠᱷᱚᱱ ᱪᱮᱬᱮ ᱵᱟᱠᱚ ᱢᱮᱛᱟᱭ ᱠᱟᱱ ᱚᱠᱚᱭ ᱦᱚᱨᱮ,
ᱟᱞᱚᱢ ᱩᱰᱟᱹᱜ ᱟᱢ ᱫᱳ ᱪᱮᱬᱮ ᱫᱟᱨᱮ ᱵᱩᱴᱟᱹ ᱵᱟᱹᱜᱤ ᱠᱟᱛᱮᱫ ᱫᱚᱨᱮ ᱾
ᱩᱰᱟᱹᱜ ᱛᱮᱨᱮᱢ ᱵᱚᱲᱦᱮ ᱞᱤᱫᱤᱧ ᱟᱥᱨᱟ ᱡᱚᱠᱷᱚᱱ ᱵᱟᱹᱱᱩᱜ ᱟᱢ ᱨᱮ,
ᱟᱞᱚᱢ ᱫᱳᱥᱤᱧ ᱤᱧ ᱫᱚ ᱥᱟᱨᱤ ᱟᱢᱟᱜ ᱢᱚᱱᱮ ᱫᱩᱠᱷᱟᱹᱞᱤ ᱠᱷᱟᱞᱤ ᱾
ᱢᱟ ᱛᱚᱵᱤᱧ ᱩᱰᱟᱹᱣ ᱮᱱᱟ ᱟᱞᱳᱢ ᱯᱟᱸᱡᱟᱧ ᱛᱟᱭᱳᱢ ᱛᱮ ᱱᱷᱟᱜ,
ᱩᱰᱟᱹᱣ ᱤᱱᱟᱹᱧ ᱧᱟᱞᱟᱫ ᱥᱮᱨᱢᱟ ᱨᱤᱢᱤᱞ ᱫᱟᱱᱟᱝ ᱦᱟᱱᱮ ᱾᱾
***
