ᱟᱢ ᱫᱚ ᱵᱚᱸᱜᱟ ᱠᱩᱲᱤ ᱨᱩᱯ ᱨᱟᱱᱤ
ᱡᱩᱣᱟᱹᱱ ᱵᱟᱲᱜᱮ ᱨᱤᱱᱤᱡ ᱠᱟᱹᱯᱩᱨᱢᱩᱞᱤ ᱾
ᱚᱛ ᱯᱟᱛᱟᱞ ᱳᱛᱳᱲ ᱠᱟᱛᱮ,
ᱪᱟᱴᱟᱱᱤ ᱫᱷᱤᱨᱤᱭᱟᱜ ᱠᱚᱲᱟᱢ
ᱠᱮᱪᱟᱜ ᱠᱟᱛᱮᱢ ᱳᱯᱷᱮᱞ ᱮᱱᱟ
ᱯᱟᱛᱟᱞ ᱨᱟᱱᱤ ᱞᱮᱠᱟ ᱾
ᱢᱟᱞᱠᱟᱣ ᱮᱱᱟᱢ ᱮᱛᱚᱢ ᱠᱚᱸᱭᱮ,
ᱪᱷᱮᱢᱮᱠ ᱪᱷᱮᱢᱮᱠ ᱛᱟᱲᱟᱢ ᱯᱟᱹᱣᱲᱤ,
ᱨᱚᱢ ᱡᱷᱚᱢ ᱥᱟᱰᱮᱭᱟ ᱡᱷᱚᱢᱚᱨ ᱡᱷᱚᱢᱚᱨ ᱾
ᱮᱛᱟᱝ ᱥᱟᱥᱟᱝ ᱞᱚᱵᱚᱭ ᱢᱟᱨᱟᱜ ᱥᱟᱹᱲᱤ
ᱛᱟᱲᱟᱢ ᱯᱤᱪᱷᱤ ᱜᱷᱟᱱᱮ ᱜᱟᱹᱣᱩᱡ ᱞᱮᱠᱟ ᱾
ᱫᱟᱹᱫᱷᱤ ᱥᱩᱫ ᱨᱮ ᱠᱤᱭᱟᱹ ᱠᱟᱫᱟᱢ
ᱡᱩᱣᱟᱹᱱ ᱢᱚᱱᱮ ᱵᱩᱞᱩᱜ ᱛᱷᱟᱠᱟᱲ ᱛᱷᱩᱠᱩᱲ ᱾
ᱛᱮᱛᱟᱝ ᱢᱚᱱᱮ ᱡᱤᱣᱤ ᱨᱮ
ᱥᱩᱫᱷᱟ ᱨᱟᱥᱟᱢ ᱥᱮᱛᱮᱧ ᱾
ᱨᱩᱠᱷᱟᱹ ᱥᱩᱠᱷᱟᱹ ᱦᱚᱲᱢᱚᱢ ᱞᱟᱞᱮᱼᱪᱟᱯᱮ ᱾
ᱟᱢᱟᱜ ᱫᱩᱞᱟᱹᱲ ᱛᱮ ᱦᱟᱨᱟ ᱡᱩᱣᱟᱹᱱᱚᱜ
ᱠᱤᱭᱟᱹ ᱠᱟᱫᱟᱢ ᱾
ᱪᱮᱸᱬᱮ ᱪᱤᱯᱨᱩ ᱠᱚ ᱜᱚᱞ ᱥᱮᱨᱮᱧ
ᱡᱤᱣᱤ ᱞᱟᱲᱮᱡᱚᱜ ᱾
ᱥᱟᱹᱨᱤ ᱜᱮ ᱨᱟᱱᱤ ᱟᱢ ᱫᱚ ᱵᱚᱸᱜᱟ ᱠᱩᱲᱤ
ᱨᱩᱯ ᱢᱚᱦᱚᱨ ᱛᱮᱢ ᱢᱩᱦᱱᱤ ᱟᱠᱟᱫ
ᱱᱚᱣᱟ ᱢᱚᱱᱪᱚ ᱯᱩᱨᱤ ᱾
ᱞᱟᱥᱟᱲᱦᱮᱫ ᱜᱮ ᱟᱢᱟᱜ ᱡᱤᱣᱤ ᱱᱟᱹᱲᱤ
ᱥᱮᱛᱮᱧ ᱟᱠᱟ ᱜᱮ ᱢᱮᱱᱟᱜ
ᱟᱢᱟᱜ ᱫᱩᱞᱟᱹᱲ ᱫᱟᱨᱦᱟ ᱾
***
