ᱟᱵᱚ ᱜᱮᱛᱚ ᱟᱹᱫᱤᱢ ᱜᱤᱨᱟᱹᱵᱟᱹᱥᱤ
ᱡᱷᱚᱛᱚ ᱠᱷᱚᱱ ᱢᱟᱨᱮᱱ ᱢᱤᱫ ᱢᱟᱹᱛᱤ ᱾
ᱫᱮᱥ ᱫᱤᱥᱚᱢ ᱨᱮᱱᱟᱜ ᱠᱚᱸᱲᱮ ᱠᱚᱸᱲ
ᱢᱮᱱᱟᱜ ᱵᱚᱱᱟ ᱟᱹᱰᱤ ᱥᱟᱸᱜᱮ ᱦᱚᱲ ᱿
ᱵᱷᱟᱨᱚᱛ ᱵᱟᱝᱜᱟᱞ ᱟᱥᱟᱢ ᱠᱚᱛᱮ
ᱱᱮᱯᱟᱞ ᱵᱷᱩᱴᱟᱱ ᱥᱮᱫ ᱛᱮ ᱾
ᱥᱟᱸᱜᱮ ᱵᱚᱭᱦᱟ ᱛᱤᱱᱟᱹᱜ ᱯᱨᱚᱡᱟᱛᱤ
ᱟᱵᱚ ᱜᱮᱛᱚ ᱟᱹᱫᱤᱢ ᱜᱤᱨᱟᱹ ᱵᱟᱹᱥᱤ ᱿
ᱠᱳᱞ ᱢᱩᱱᱰᱟ ᱥᱟᱱᱛᱟᱞ ᱢᱟᱦᱟᱞᱤ
ᱟᱨᱦᱚᱸ ᱞᱳᱫᱷᱟ ᱦᱳ ᱥᱚᱵᱚᱨ ᱠᱚᱨᱢᱟᱞᱤ ᱾
ᱯᱟᱹᱨᱥᱤ ᱛᱟᱵᱚ ᱱᱟᱱᱟ ᱦᱩᱱᱟᱹᱨ
ᱨᱚᱲ ᱡᱚᱝᱨᱮ ᱟᱹᱰᱤ ᱥᱚᱜᱳᱲ ᱿
ᱳᱨᱟᱶ, ᱦᱳ, ᱠᱷᱟᱲᱤᱭᱟ, ᱢᱩᱱᱰᱟᱨᱤ ᱥᱟᱱᱛᱟᱲᱤ
ᱠᱚᱨᱢᱟᱞᱤ ᱠᱳᱨᱴᱷᱟ ᱟᱨ ᱱᱟᱜᱽᱯᱩᱨᱤ ᱾
ᱥᱟᱱᱟᱢ ᱯᱟᱹᱨᱥᱤ ᱟᱲᱟᱝ ᱢᱤᱫ ᱠᱳᱞᱮᱨᱮ
ᱛᱤᱱᱟᱹᱜ ᱞᱟᱥᱟᱲᱦᱮᱫ ᱨᱟᱹᱥᱠᱟᱹ ᱡᱤᱣᱤ ᱨᱮ ᱿
ᱠᱳᱞ ᱠᱚ ᱞᱟᱹᱭᱚᱜ ᱢᱟᱥᱮ
ᱞᱩᱠᱩ ᱦᱟᱲᱟᱢ ᱞᱩᱠᱩ ᱵᱩᱰᱷᱤ ᱾
ᱥᱟᱱᱛᱟᱲ ᱫᱚ ᱨᱟᱹᱥᱠᱟᱹ ᱥᱟᱞᱟᱜ ᱟᱞᱮ ᱨᱮᱱ ᱫᱚ
ᱯᱤᱞᱪᱩ ᱦᱟᱲᱟᱢ, ᱯᱤᱞᱪᱩ ᱵᱩᱰᱷᱤ ᱿
ᱵᱤᱨ ᱵᱩᱨᱩ ᱴᱟᱺᱰᱤ ᱠᱟᱛᱮᱫ
ᱵᱤᱦᱟᱨ ᱵᱮᱝᱜᱚᱞ ᱥᱮᱫᱛᱮ ᱾
ᱡᱤᱭᱚᱱ ᱠᱚ ᱵᱤᱛᱟᱹᱣ ᱮᱫᱟ
ᱨᱟᱹᱥᱠᱟᱹ ᱨᱚᱢᱚᱡᱽ ᱟᱛᱮᱫ ᱿
ᱥᱤᱧ ᱵᱚᱸᱜᱟ ᱟᱸᱫᱮᱛᱮ
ᱥᱚᱛ ᱟᱨ ᱫᱷᱚᱨᱚᱢ ᱰᱟᱦᱟᱨ ᱛᱮ ᱾
ᱥᱮᱸᱫᱽᱨᱟ ᱠᱟᱨᱠᱟ ᱢᱮᱲᱦᱮᱫ ᱨᱮᱭᱟᱜ ᱠᱟᱹᱢᱤ
ᱚᱠᱚᱭ ᱡᱟᱫᱚᱵᱽ ᱯᱟᱹᱴᱠᱟᱹᱨ ᱟᱨ ᱪᱟᱥ ᱠᱟᱹᱢᱤ ᱿
ᱢᱮᱱᱟᱜ ᱛᱟᱠᱚ ᱢᱟᱜᱷᱮ ᱥᱚᱦᱨᱟᱭ
ᱥᱚᱨᱦᱩᱞ ᱟᱨ ᱠᱟᱨᱟᱢ ᱾
ᱚᱠᱚᱭ ᱠᱚᱫᱚ ᱵᱤᱥᱦᱚᱨᱤ
ᱱᱚᱵᱟᱱᱱᱚ ᱟᱨ ᱜᱚᱨᱟᱢ ᱿
ᱟᱵᱚᱱ ᱜᱮᱛᱚ ᱢᱟᱨᱮᱱ ᱢᱤᱫ ᱢᱟᱹᱛᱤ
ᱜᱚᱨᱚᱵᱽ ᱠᱟᱛᱮᱫ ᱞᱟᱹᱭᱚᱜ ᱟᱵᱚ ᱾
ᱟᱞᱮ ᱥᱟᱱᱟᱞᱮ ᱥᱟᱱᱟᱢ ᱠᱚᱜᱮ ᱟᱹᱫᱤᱢ ᱜᱤᱨᱟᱹ ᱵᱟᱹᱥᱤ ᱿
***
