ᱟᱵᱚ ᱫᱤᱥᱚᱢ ᱦᱟᱹᱨᱤᱭᱟᱹᱲ ᱫᱤᱥᱚᱢ,
ᱢᱮᱱᱠᱷᱟᱱ ᱱᱤᱛ ᱫᱚ ᱦᱟᱹᱨᱤᱭᱟᱹᱲ ᱵᱟᱹᱱᱩᱜ ᱛᱟᱵᱚᱣᱟ ᱾
ᱯᱟᱹᱯᱤ ᱢᱟᱹᱱᱢᱤ ᱟᱡᱟᱜ ᱞᱟᱹᱠᱛᱤ ᱠᱷᱟᱹᱛᱤᱨ,
ᱡᱚᱛᱚ ᱫᱟᱨᱮ ᱠᱚ ᱢᱟᱜ ᱯᱷᱩᱨᱪᱟᱹᱭᱮᱫ ᱟᱠᱚ ᱾
ᱫᱟᱨᱮ ᱵᱟᱝᱠᱷᱟᱱ ᱫᱟᱜ ᱵᱟᱝ,
ᱫᱟᱨᱮ ᱵᱟᱝᱠᱷᱟᱱ ᱳᱠᱥᱤᱡᱮᱱ ᱵᱟᱝ ᱾
ᱫᱟᱨᱮ ᱵᱟᱝᱠᱷᱟᱱ ᱩᱢᱩᱞ ᱵᱟᱝ,
ᱫᱟᱨᱮ ᱵᱟᱝᱠᱷᱟᱱ ᱯᱷᱚᱞ-ᱯᱟᱠᱚᱲ
ᱥᱟᱦᱟᱱ ᱥᱟᱠᱟᱢ ᱵᱟᱝ ᱾
ᱢᱟᱹᱱᱢᱤ ᱵᱟᱠᱚ ᱴᱷᱤᱠᱟᱹ ᱡᱚᱝ ᱠᱟᱱᱟ,
ᱦᱤᱡᱩᱜ ᱠᱟᱱ ᱫᱤᱱᱨᱮ ᱪᱮᱫ ᱪᱮᱠᱟᱜ-ᱟ ?
ᱱᱚᱝᱠᱟ ᱜᱮ ᱫᱟᱨᱮ ᱢᱟᱜ ᱯᱷᱩᱨᱪᱟᱹ ᱞᱮᱠᱷᱟᱱ,
ᱫᱟᱨᱮ ᱫᱚ ᱪᱮᱫ ᱵᱟᱧᱪᱟᱣ ᱛᱟᱦᱮᱸᱱᱟ ?
ᱫᱤᱥᱚᱢ ᱠᱷᱟᱹᱛᱤᱨ ᱛᱮ ᱟᱵᱚ ᱡᱚᱛᱚ
ᱠᱤᱨᱟᱹ ᱵᱚᱱ ᱡᱚᱢ ᱢᱟ,
ᱡᱚᱛᱚ ᱢᱟᱹᱱᱢᱤ ᱱᱤᱡᱮ ᱡᱟᱱᱟᱢ ᱢᱟᱦᱟᱸ ᱨᱮ,
ᱢᱤᱫᱴᱟᱹᱝ ᱫᱟᱨᱮ ᱵᱚᱱ ᱨᱚᱦᱚᱭ ᱢᱟ !
