ᱪᱟᱸᱫᱚᱭ ᱮᱢᱟᱫ ᱵᱚᱱ ᱵᱟᱨᱭᱟ ᱢᱮᱫ
ᱧᱮᱞ ᱞᱟᱹᱜᱤᱫ ᱞᱟᱥᱟᱬᱦᱮᱫ
ᱫᱷᱟᱹᱨᱛᱤ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ
ᱤᱠᱷᱟᱹᱱ ᱟᱵᱚ ᱫᱚ ᱚᱠᱛᱚ ᱵᱚ ᱵᱚᱨᱵᱟᱫᱟ
ᱴᱤᱵᱷᱤ ᱧᱮᱞ ᱛᱮ ᱾
ᱪᱟᱸᱫᱚᱭ ᱮᱢᱟᱫ ᱵᱚᱱ ᱵᱟᱨᱭᱟ ᱞᱩᱛᱩᱨ
ᱟᱸᱡᱚᱢ ᱞᱟᱹᱜᱤᱫ ᱛᱮ ᱟᱡᱟᱜ ᱫᱩᱞᱟᱹᱲ ᱟᱲᱟᱝ
ᱤᱠᱷᱟᱹᱱ ᱟᱵᱚ ᱫᱚᱵᱚ ᱟᱸᱡᱚᱢ ᱱᱟᱦᱟᱜ
ᱥᱤᱱᱮᱢᱟ ᱥᱮᱨᱮᱧ ᱾
ᱪᱟᱸᱫᱚᱭ ᱪᱮᱫ ᱟᱫ ᱵᱚᱱ ᱨᱚᱲ ᱟᱲᱟᱝ
ᱥᱟᱨᱥᱟᱣ ᱞᱟᱹᱜᱤᱫ ᱟᱡᱟᱜ ᱞᱟᱥᱟᱬᱦᱮᱫ ᱥᱤᱨᱡᱚᱱ
ᱤᱠᱷᱟᱹᱱ ᱟᱵᱚ ᱫᱚᱵᱚ ᱮᱯᱮᱜᱮᱨᱟ ᱥᱟᱨᱟ ᱜᱷᱟᱱᱮ ᱾
ᱪᱟᱸᱫᱚᱭ ᱮᱢᱟᱫ ᱵᱚᱱ ᱵᱟᱨᱭᱟ ᱡᱤᱞᱤᱧ ᱛᱤ
ᱫᱩᱜ ᱫᱚᱦᱚᱭ ᱞᱟᱹᱜᱤᱫ ᱟᱡᱟᱜ ᱥᱤᱨᱡᱚᱱ
ᱤᱠᱷᱟᱹᱱ ᱟᱵᱚ ᱫᱚᱵᱚ ᱵᱚᱨᱵᱟᱫᱽ ᱜᱤᱰᱤ ᱠᱟᱜ ᱥᱟᱱᱟᱢ ᱾
ᱪᱟᱸᱫᱚᱭ ᱮᱢᱟᱫ ᱵᱚᱱ ᱵᱟᱨᱭᱟ ᱩᱥᱟᱹᱨᱟ ᱛᱟᱲᱟᱢ ᱡᱟᱸᱜᱟ
ᱛᱟᱲᱟᱢ ᱞᱟᱹᱜᱤᱫ ᱛᱮ ᱥᱚᱱᱮᱨ ᱦᱚᱨ ᱛᱮ
ᱤᱠᱷᱟᱹᱱ ᱟᱵᱚ ᱫᱚᱵᱚ ᱛᱟᱲᱟᱢ ᱵᱟᱹᱲᱤᱡ ᱦᱚᱨ ᱛᱮ ᱾
ᱪᱟᱸᱫᱚᱭ ᱮᱢᱟᱫ ᱵᱚᱱ ᱢᱤᱫ ᱥᱮᱭᱟᱱ ᱦᱟᱛᱟᱝ
ᱩᱲᱩᱜᱽ ᱞᱟᱹᱜᱤᱫ ᱛᱮ ᱵᱩᱜᱤ ᱵᱟᱹᱲᱤᱡ ᱠᱟᱛᱷᱟ
ᱤᱠᱷᱟᱹᱱ ᱟᱵᱚ ᱫᱚᱵᱚ ᱩᱲᱩᱜᱽ ᱦᱤᱸᱥᱟᱹᱦᱤᱸᱥᱤ ᱟᱨ ᱨᱟᱹᱜᱤ ᱨᱟᱹᱯᱟᱹᱜᱤ ᱾
ᱚᱦᱟᱭ ! ᱵᱟᱝ-ᱟ
ᱱᱟᱶᱟ ᱯᱤᱲᱦᱤ ᱱᱚᱶᱟ ᱦᱚᱨ ᱫᱚ ᱟᱞᱚᱢ ᱯᱟᱸᱡᱟᱭᱟ
ᱵᱟᱝᱠᱷᱟᱱ ᱪᱟᱸᱫᱚ ᱫᱩᱥᱟᱹᱣ ᱟᱨ ᱦᱤᱲᱤᱧ ᱜᱮᱢ ᱜᱟᱱᱚᱜ-ᱟ ᱾
***
