ᱧᱮᱞ ᱧᱮᱞᱛᱮ ᱥᱟᱭ ᱥᱮᱨᱢᱟ ᱯᱟᱨᱚᱢ ᱟᱠᱟᱱᱟ
ᱱᱚᱶᱟ ᱫᱷᱟ.ᱨᱛᱤ ᱟᱭᱳ ᱟᱜ ᱠᱳᱞᱮᱨᱮ
ᱨᱚᱦᱚᱲ ᱦᱟᱥᱟᱨᱮ ᱦᱟ.ᱲᱩᱵ ᱠᱟᱛᱮ ᱢᱤᱱᱟ.ᱧᱟ
ᱢᱤᱫ ᱴᱷᱚᱯ ᱥᱮᱨᱢᱟ ᱡᱟ.ᱲᱤ ᱟᱸᱥᱛᱮ ।
ᱛᱟᱞᱟ ᱴᱟᱸ.ᱰᱤᱨᱮ ᱢᱤᱱᱟ.ᱧᱟ ᱛᱤᱸᱜᱩ ᱜᱮ
ᱮᱠᱞᱟ ᱜᱮ ᱤᱧ ᱨᱚᱦᱚᱲ ᱫᱟᱨᱮ ।
ᱢᱤᱫ ᱫᱤᱱ ᱵᱟᱝ ᱢᱤᱫ ᱫᱤᱱ ᱫᱚ
ᱡᱤᱭᱟ.ᱲ ᱨᱩᱣᱟ.ᱲᱟᱧ ᱫᱷᱟ.ᱨᱛᱤ ᱟᱭᱳ ᱠᱳᱞᱮᱨᱮ ।
ᱡᱚᱠᱷᱚᱱ ᱤᱧᱟᱜ ᱛᱟᱸᱦᱮ ᱠᱟᱱᱟ
ᱰᱟ.ᱨ ᱯᱮᱨᱮᱡ ᱦᱟ.ᱨᱭᱟ.ᱲ ᱥᱟᱠᱟᱢ
ᱡᱤᱵᱽᱼᱡᱤᱭᱟᱹᱞᱤ, ᱪᱮᱬᱮᱼᱪᱤᱯᱨᱩᱫ,
ᱟᱨ ᱦᱚᱸ ᱥᱟᱭ-ᱥᱟᱭ ᱦᱚᱲ ᱠᱚ ᱥᱟᱱᱟᱢ
ᱤᱧᱟᱜ ᱦᱮᱢᱟᱞ ᱩᱢᱩᱞ ᱨᱮ ᱦᱮᱡ ᱠᱟᱛᱮ
ᱥᱚᱞᱚᱝ ᱜᱤᱰᱤ ᱠᱟᱣᱫᱤᱧᱟ ᱠᱚ ᱟᱠᱚᱣᱟᱜ,
ᱱᱚᱶᱟ ᱞᱚᱞᱚ ᱥᱤᱛᱩᱝ ᱨᱮᱱᱟᱜ ᱥᱟᱱᱟᱢ ᱞᱟᱸᱜᱟ ।
ᱪᱟᱞ ᱟᱠᱟᱫ ᱠᱳᱣᱟ.ᱧ ᱱᱤᱨᱚᱲ ᱢᱚᱱᱮᱛᱮ
ᱦᱮᱢᱟᱞ ᱦᱤᱥᱤᱫ ᱦᱚᱭ ।
ᱥᱟ.ᱠᱷᱤ ᱢᱤᱱᱟ.ᱧᱟ ᱱᱤᱛ ᱦᱚᱸ ᱤᱧ
ᱩᱱᱠᱩ ᱢᱤᱪᱷᱟ. ᱫᱩᱞᱟ.ᱲᱤᱭᱟ. ᱠᱚ ᱛᱟᱞᱟᱨᱮ
ᱤᱧᱟᱜ ᱦᱮᱢᱟᱞ ᱩᱢᱩᱞ ᱨᱮ ᱫᱩᱲᱩᱵ ᱠᱟᱛᱮ
ᱫᱩᱞᱟ.ᱲ ᱠᱚ ᱮᱯᱮᱢ ᱪᱟᱯᱟᱞ ᱞᱮᱱᱟ ᱛᱤᱱᱟ.ᱜ
ᱦᱮᱲᱮᱢ ᱠᱟᱥᱟ ᱠᱟᱛᱷᱟ ᱛᱟᱞᱟᱛᱮ ।
ᱤᱧ ᱯᱟᱱᱛᱮ ᱨᱮ ᱛᱟᱸᱦᱮ ᱠᱟᱱᱟ ᱟᱭᱢᱟ ᱫᱟᱨᱮ
ᱤᱧ ᱨᱮᱱ ᱦᱩᱰᱤᱧ – ᱢᱟᱨᱟᱝ ᱵᱚᱭᱦᱟ ᱠᱚ ᱞᱮᱠᱟ
ᱢᱟᱜ ᱠᱟᱛᱮ ᱠᱚ ᱵᱮᱱᱟᱣ ᱡᱚᱝ ᱟᱱᱟ
ᱫᱩᱣᱟ.ᱨ ᱥᱤᱞᱯᱤᱧ, ᱪᱮᱭᱟᱨ- ᱴᱮᱵᱤᱞ, ᱟᱞᱢᱟᱨᱤ
ᱟᱨ ᱦᱚᱸ ᱱᱟᱱᱟ ᱦᱩᱱᱟ.ᱨ ᱥᱟᱢᱟᱱ ᱟᱭᱢᱟ ᱞᱮᱠᱟ
ᱪᱷᱩᱰᱟ.ᱨ ᱠᱟᱫᱤᱧᱟ ᱠᱚ, ᱮᱥᱠᱟᱨ ᱠᱟᱫᱤᱧᱟ ᱠᱚ
ᱱᱚᱶᱟ ᱫᱷᱟ.ᱨᱛᱤ ᱟᱭᱳ ᱟᱜ ᱠᱳᱞᱮᱨᱮ ᱾
ᱛᱮᱦᱮᱧ ᱤᱧ ᱞᱟᱸᱜᱟ ᱜᱮᱧ ᱟ.ᱭᱠᱟᱹᱣᱮᱫᱟ
ᱨᱚᱦᱚᱲ ᱦᱟᱥᱟᱨᱮ ᱛᱤᱸᱜᱩ ᱛᱤᱸᱜᱩ ᱛᱮ
ᱫᱷᱚᱨᱚᱱ ᱨᱮᱭᱟᱜ ᱞᱚᱞᱚ ᱥᱤᱛᱩᱝ ᱟᱨ
ᱦᱤᱥᱟ.ᱞᱤᱭᱟ. ᱢᱟᱱᱚᱣᱟ ᱢᱚᱱᱮᱛᱮ
ᱵᱤᱱ ᱥᱟᱠᱟᱢ ᱨᱚᱦᱚᱲ ᱰᱟ.ᱨ ᱟᱛᱮ
ᱮᱱ ᱦᱚᱸ ᱨᱚᱦᱚᱲ ᱦᱟᱥᱟᱨᱮ ᱦᱟᱹᱲᱩᱵ ᱟᱠᱟᱱᱟ.ᱧ
ᱦᱮᱸᱫᱮ ᱨᱤᱢᱤᱞ ᱨᱟᱠᱟᱵ ᱜᱮᱭᱟ ᱱᱚᱶᱟ ᱟᱥᱟᱛᱮ
ᱫᱟᱜ ᱮ ᱡᱟ.ᱲᱤᱭᱟ, ᱨᱚᱦᱚᱲ ᱦᱟᱥᱟ
ᱞᱟᱹᱵᱤᱫᱚᱜ-ᱟ ᱱᱚᱶᱟ ᱟᱥᱟᱛᱮ ।
ᱟᱸᱥᱚᱜ ᱠᱟ.ᱱᱟ.ᱧ ᱱᱟᱥᱮ ᱦᱩᱫᱤᱥ ᱢᱟᱠᱚ,
ᱱᱟᱥᱮ ᱱᱟᱜ ᱩᱭᱦᱟᱨ.ᱨ ᱢᱟᱠᱚ
ᱤᱧ ᱯᱟᱱᱛᱮ ᱨᱮ ᱟᱨ ᱦᱚᱸ ᱟᱭᱢᱟ ᱫᱟᱨᱮ ᱛᱮ
ᱥᱟᱡᱟᱣ ᱟᱠᱚ ᱱᱚᱸᱟ ᱫᱷᱟ.ᱨᱛᱤ,
ᱫᱟᱨᱮ ᱵᱟᱧᱪᱟᱣ ᱛᱟᱸᱦᱮᱱᱟ ᱛᱚᱵᱮ ᱛᱚ
ᱥᱮᱨᱢᱟ ᱨᱮ ᱨᱟᱠᱟᱵᱚᱜ-ᱟ ᱦᱮᱸᱫᱮ ᱨᱤᱢᱤᱞ,
ᱢᱟᱹᱱᱢᱤ, ᱡᱤᱵᱽ-ᱡᱤᱭᱟ.ᱞᱤ, ᱪᱮᱬᱮ-ᱪᱤᱯᱨᱩᱫ ᱠᱚ
ᱵᱟᱧᱪᱟᱣ ᱵᱚ ᱛᱟᱸᱦᱮᱱᱟ ᱞᱮ-ᱞᱮᱜᱮᱡ
ᱱᱚᱶᱟ ᱦᱟ.ᱨᱭᱟᱹᱲ ᱫᱷᱟ.ᱨᱛᱤ ᱯᱩᱨᱤ ᱨᱮ ᱿
🌱🌱🌱🌱🌱
