ᱞᱮᱞᱮᱝᱜᱮᱫ ᱫᱟᱜ ᱛᱮ ᱯᱮᱨᱮᱡ
ᱟᱠᱟᱱ ᱠᱷᱟᱲᱟᱝ ᱜᱟᱰᱟ,
ᱦᱟᱱᱟ ᱵᱷᱤᱯ ᱱᱷᱟᱣᱟ ᱵᱷᱤᱯ ᱩᱱᱩᱢ ᱟᱠᱟᱱ
ᱵᱟᱭ ᱴᱷᱤᱠᱟᱹᱜ ᱰᱷᱚᱰᱟ ᱿
ᱡᱟᱹᱲᱤ ᱫᱟᱜ ᱡᱟᱹᱯᱩᱫ ᱪᱮᱛᱟᱱ ᱥᱮᱱ ᱨᱮ
ᱫᱟᱜ ᱫᱚ ᱥᱚᱲᱚ ᱵᱚᱞᱚ ᱭᱮᱱ ᱜᱟᱰᱟ ᱨᱮ,
ᱵᱟᱹᱫᱽ ᱵᱟᱹᱭᱦᱟᱹᱲ ᱪᱟᱥ ᱠᱤᱨᱥᱤ ᱥᱟᱱᱟᱢ
ᱫᱟᱜ ᱛᱮ ᱩᱱᱩᱢ ᱪᱟᱵᱟᱭᱮᱱ ᱵᱟᱪᱷᱟ ᱨᱮ ᱿ᱹ
ᱪᱮᱦᱮᱞ ᱪᱮᱯᱮᱞ ᱞᱮᱻᱞᱮᱝᱜᱮᱫ ᱧᱮᱞᱚᱜ
ᱵᱚᱰᱮ ᱫᱟᱜ ᱫᱚ ᱠᱷᱟᱲᱟᱝ ᱜᱟᱰᱟ ᱨᱮ,
ᱪᱮᱠᱟ ᱛᱤᱧ ᱯᱟᱨᱚᱢ ᱱᱚᱶᱟ ᱜᱟᱰᱟ
ᱚᱲᱟᱜ ᱛᱤᱧ ᱢᱮᱱᱟᱜ ᱦᱟᱱᱟ ᱥᱟᱦᱟ ᱨᱮ ᱿
ᱚᱠᱟ ᱴᱷᱮᱱ ᱫᱚ ᱜᱷᱮᱣᱨᱟᱜ ᱵᱚᱰᱮ ᱫᱟᱜ
ᱚᱠᱟ ᱚᱠᱟ ᱨᱮ ᱪᱚᱝ ᱵᱚᱛᱚᱨ ᱜᱮ ᱦᱮᱞᱠᱟᱣᱜ,
ᱡᱤᱣᱤ ᱨᱩᱢᱩᱧ ᱜᱚᱫᱚᱜ ᱧᱮᱞ ᱛᱮ ᱜᱟᱰᱟ ᱫᱟᱜ
ᱥᱟᱹᱨᱤ ᱛᱮ ᱜᱮ ᱵᱚᱛᱚᱨ ᱵᱩᱡᱷᱟᱹᱣᱜ ᱿
ᱰᱟᱹᱨ, ᱥᱟᱠᱟᱢ, ᱠᱟᱰᱮᱡ, ᱫᱟᱨᱮ ᱢᱩᱰᱷᱟᱹᱫ
ᱟᱹᱛᱩᱻᱻ ᱪᱟᱞᱟᱜ ᱠᱟᱱᱟ ᱫᱟᱜ ᱪᱮᱛᱟᱱ ᱛᱮ,
ᱯᱳᱦᱳᱞ ᱛᱟᱱᱟᱜ ᱱᱚᱸᱰᱮ ᱛᱟᱦᱮᱸ ᱞᱮᱱ ᱨᱮᱥᱮᱱ
ᱜᱟᱰᱟᱧ ᱯᱟᱨᱚᱢᱚᱜ ᱦᱩᱱᱟᱹᱝ ᱠᱩᱥᱤ ᱛᱮ ᱿
***
