ᱥᱤᱢ ᱢᱟᱠᱚ ᱨᱟᱜ ᱠᱮᱫᱟ ᱵᱷᱳᱨ ᱧᱤᱫᱟᱹ ᱠᱟᱲᱟᱝ ᱧᱩᱛᱟᱹᱛ,
ᱟᱞᱚ ᱥᱮᱭᱳᱢ ᱦᱚᱦᱚ ᱜᱚᱫᱟ ᱫᱩᱣᱟᱹᱨ ᱞᱩᱸᱰᱟᱹ ᱧᱩᱛᱩᱢ ᱾
ᱠᱩᱰᱟᱹᱢ ᱚᱲᱟᱜ ᱦᱚᱯᱚᱱ ᱫᱤᱫᱤ ᱯᱟᱲᱦᱟᱜ ᱠᱟᱱᱟᱭ ᱜᱩᱸᱫᱩᱨ ᱜᱩᱸᱫᱩᱨ,
ᱜᱤᱛᱤᱞ ᱜᱟᱥᱟᱳ ᱟᱞᱳᱢ ᱟᱪᱩᱧ, ᱢᱟᱲᱟᱝ ᱯᱩᱛᱷᱤᱧ ᱩᱭᱩᱝ ᱾
ᱟᱞᱚᱢ ᱛᱩᱞᱟᱹ ᱡᱚᱠᱷᱟ ᱤᱧᱟᱹ ᱦᱚᱲ ᱠᱚ ᱛᱟᱱᱟᱜ ᱞᱮᱠᱟ,
ᱫᱤᱞ ᱫᱟᱲᱮ ᱤᱢᱟᱹᱧ ᱢᱮᱥᱮ ᱢᱩᱨᱩᱠ ᱥᱟᱦᱟᱜ ᱞᱮᱠᱟ ᱾
ᱠᱩᱲᱤ ᱜᱤᱫᱽᱨᱟᱹᱧ ᱞᱤᱪᱟᱹᱲ ᱜᱮᱭᱟ, ᱟᱞᱚᱢ ᱟᱹᱜᱩᱭ ᱢᱳᱱᱮᱨᱮ ᱚᱱᱟ,
ᱛᱷᱩᱢ ᱫᱟᱲᱮ ᱤᱢᱟᱹᱧ ᱢᱮᱥᱮ ᱯᱟᱞᱮᱧ ᱡᱤᱛᱠᱟᱹᱨᱮᱱᱟ ᱾
ᱦᱤᱥᱟᱹ ᱦᱤᱥᱤᱛᱮ ᱯᱮᱨᱮᱡ ᱟᱠᱟᱱ ᱥᱚᱢᱟᱡᱽ ᱛᱟᱵᱚᱱ ᱦᱮᱜᱮ,
ᱥᱤᱠᱷᱱᱟᱹᱛ ᱠᱷᱚᱱ ᱵᱳᱱ ᱫᱟᱱᱟᱝ ᱜᱮᱭᱟ, ᱢᱩᱨᱩᱠ ᱟᱵᱚᱱ ᱥᱟᱸᱜᱮ ᱾
ᱢᱩᱨᱩᱠ ᱥᱟᱦᱟᱭ ᱞᱟᱹᱜᱤᱫ ᱟᱵᱚ ᱥᱤᱠᱷᱱᱟᱹᱛᱚᱜ ᱵᱚᱱ ᱫᱮᱞᱟ ᱫᱮᱞᱟ,
ᱛᱤᱨᱞᱟᱹ ᱦᱚᱯᱚᱱ ᱦᱩᱭᱩᱜ ᱨᱮᱦᱚᱸ ᱵᱟᱵᱚᱱ ᱯᱟᱹᱪᱷᱟᱹᱜ ᱞᱟᱦᱟᱜ ᱾
ᱛᱤᱨᱞᱟᱹ ᱦᱚᱯᱚᱱ ᱟᱹᱭᱩᱨ ᱥᱩᱛᱩᱜ ᱞᱟᱦᱟᱜ ᱟᱵᱚᱱ ᱫᱮᱞᱟᱝ,
ᱛᱚᱵᱮ ᱨᱮᱥᱮ ᱥᱟᱦᱟ ᱜᱚᱫᱚᱜ ᱢᱩᱨᱩᱠ ᱥᱚᱢᱟᱡᱽ ᱢᱟᱲᱟᱝ ᱾
***
