ᱢᱟᱹᱱᱢᱤ ᱡᱚᱱᱚᱢ ᱥᱚᱨᱮᱥ ᱡᱚᱱᱚᱢ
ᱥᱚᱨᱮᱥ ᱵᱚᱸᱜᱟ ᱵᱳᱨᱳ ᱟᱭᱳ ᱵᱟᱵᱟ
ᱛᱳᱣᱟ ᱫᱟᱨᱮ ᱜᱚᱢᱦᱮᱲ ᱩᱢᱩᱞ
ᱦᱟᱹᱨᱭᱟᱹᱲ ᱦᱮᱢᱟᱞ ᱩᱢᱩᱞ
ᱵᱟᱹᱭᱥᱟᱹᱛ ᱥᱤᱛᱩᱝ ᱨᱮ ᱾
ᱡᱟᱣᱜᱮ ᱩᱢᱩᱞ ᱡᱟᱣᱜᱮ ᱡᱤᱭᱟᱹᱲ
ᱛᱟᱦᱮᱸᱱ ᱛᱳᱣᱟ ᱫᱟᱨᱮ ᱛᱟᱹᱨᱤ ᱨᱮ
ᱥᱟᱹᱨᱫᱤ ᱥᱤᱛᱩᱝ ᱜᱟᱰᱟ ᱵᱟᱹᱞᱤ ᱨᱮ
ᱥᱩᱡ ᱰᱟᱹᱰᱤ ᱫᱟᱜ ᱡᱤᱭᱟᱹᱲ ᱡᱷᱟᱨᱱᱟ
ᱟᱸᱡᱞᱮ ᱨᱟᱠᱟᱵ ᱫᱟᱜ ᱫᱚ
ᱛᱮᱛᱟᱝ ᱡᱤᱣᱤᱭᱮ ᱛᱤᱨᱯᱤᱫᱽ ᱾
ᱵᱩᱠᱟᱹ ᱛᱚᱯᱟ ᱡᱟᱱᱟᱢ ᱵᱷᱤᱴᱟᱹ
ᱟᱛᱳ ᱴᱚᱞᱟ ᱥᱩᱞᱩᱠ ᱥᱟᱹᱜᱟᱹᱭ
ᱜᱩᱲᱦᱟᱹ ᱛᱟᱯᱟᱜ ᱠᱩᱢᱵᱟᱹ ᱚᱲᱟᱜ
ᱫᱚᱞᱟᱱ ᱵᱟᱨᱟᱼᱵᱟᱹᱨᱤ ᱜᱮ ᱾
ᱫᱩᱞᱟᱹᱲ ᱡᱷᱟᱹᱱᱴᱤ ᱛᱮ ᱮᱴᱮᱫ ᱮᱥᱮᱫ ᱟᱠᱟᱱ
ᱥᱤᱠᱷᱟᱹᱣ ᱥᱤᱠᱷᱱᱟᱹᱛ ᱡᱚᱻ ᱛᱮ ᱞᱤᱰᱩᱨ ᱟᱠᱟᱱ
ᱤᱛᱟᱹ ᱨᱟᱹᱱᱩ ᱞᱮᱠᱟ ᱡᱚᱜᱟᱣ ᱡᱚᱝ ᱜᱮ
ᱛᱷᱩᱢ ᱫᱟᱲᱮ ᱜᱮ ᱫᱟᱸᱫᱷᱮᱨ ᱟᱠᱟᱱ
ᱟᱧᱪᱟᱨ ᱟᱛᱟᱝ ᱫᱩᱞᱟᱹᱲ ᱜᱚᱪᱷᱟ ᱯᱮᱨᱮᱡ ᱾
ᱢᱟᱹᱱ ᱢᱟᱹᱪᱤ ᱜᱮ ᱫᱚᱲᱦᱚᱜ
ᱟᱱᱟᱴ ᱟᱸᱴ ᱜᱮ ᱥᱚᱞᱦᱮᱜ
ᱵᱟᱜᱟᱱ ᱵᱟᱦᱟ ᱜᱮ ᱡᱮᱸᱜᱮᱫᱚᱜ
ᱢᱟᱹᱱ ᱢᱚᱦᱚᱛ ᱜᱮ ᱪᱟᱨᱦᱮᱜ
ᱥᱩᱞᱩᱠ ᱜᱷᱟᱨᱚᱸᱡᱽ ᱜᱮ ᱥᱟᱨᱥᱟᱣᱜ
ᱛᱳᱣᱟ ᱫᱟᱨᱮ ᱩᱢᱩᱞ ᱨᱮ ᱾
***
