ᱫᱩᱞᱟᱹᱲᱤᱭᱟᱹ
ᱟᱢ ᱠᱷᱟᱹᱛᱤᱨᱤᱧ ᱛᱟᱺᱜᱤ ᱫᱟᱲᱮᱭᱟᱜᱼᱟ
ᱡᱟᱭᱡᱩᱜᱽ ᱡᱩᱞᱩᱜ ᱠᱟᱱ ᱪᱟᱸᱫᱚ
ᱡᱩᱞ ᱡᱩᱞ ᱛᱮ ᱤᱬᱤᱡᱚᱜ ᱫᱷᱟᱹᱵᱤᱡ
ᱤᱧᱟᱜ ᱢᱚᱱᱮ ᱨᱮᱱᱟᱜ ᱡᱮᱛᱮ ᱨᱟᱜ ᱦᱮᱸᱠᱚᱜ
ᱤᱧᱟᱜ ᱢᱮᱫ ᱨᱮᱱᱟᱜ ᱡᱮᱛᱮ ᱢᱮᱫ ᱫᱟᱜ
ᱡᱚᱨᱚ ᱡᱚᱨᱚ ᱛᱮ ᱡᱚᱨᱚ ᱪᱟᱵᱟᱜ ᱫᱷᱟᱹᱵᱤᱡ ᱹᱹᱹ
ᱟᱢᱤᱧ ᱛᱟᱺᱜᱤ ᱟᱠᱟᱫ ᱢᱮ
ᱡᱟᱭᱡᱩᱜᱽ ᱠᱷᱚᱱ
ᱟᱢ ᱜᱮᱢ ᱩᱰᱟᱹᱣ ᱦᱤᱡᱩᱜ
ᱧᱟᱞᱟᱫ ᱥᱮᱨᱢᱟ ᱫᱟᱱᱟᱝ ᱠᱷᱚᱱ
ᱧᱩᱛᱟᱹᱛ ᱧᱤᱫᱟᱹ ᱨᱮ ᱤᱯᱤᱞ ᱜᱟᱫᱮᱞ ᱠᱷᱚᱱ
ᱡᱟᱹᱯᱤᱫ ᱥᱟᱲᱟ ᱥᱟᱹᱛᱤᱧ
ᱠᱩᱠᱢᱩ ᱠᱟᱱ ᱧᱤᱫᱟᱹ ᱨᱮ
ᱤᱧᱟᱜ ᱚᱱᱛᱚᱨ ᱨᱮ ᱟᱹᱜᱩᱭ ᱞᱟᱹᱜᱤᱫ
ᱠᱚᱭᱮᱞ ᱟᱜ ᱠᱩᱦᱩ ᱟᱲᱟᱝ
ᱱᱤᱨᱢᱟᱭᱟ ᱚᱠᱛᱚ ᱨᱮᱱᱟᱜ ᱯᱟᱦᱟᱨ ᱥᱟᱦᱟᱣ ᱠᱟᱛᱮ
ᱤᱧ ᱫᱚᱹᱧ ᱞᱚ ᱛᱚᱨᱚᱡᱚᱜ ᱥᱟᱦᱟᱱ ᱥᱮᱸᱜᱮᱞ ᱥᱟᱶ
ᱤᱠᱷᱟᱹᱱ ᱹᱹᱹᱹ
ᱛᱤᱥ ᱡᱩᱫᱤᱢ ᱦᱮᱡ ᱨᱩᱣᱟᱹᱲᱚᱜ ᱫᱩᱞᱟᱹᱲᱤᱭᱟᱹ
ᱮᱱᱠᱷᱟᱱ ᱫᱚᱢ ᱧᱮᱞᱟ ᱹᱹᱹᱹ
ᱢᱤᱫ ᱯᱩᱸᱰ ᱫᱷᱟᱥᱟᱣ ᱢᱚᱱᱮ ᱨᱮᱱᱟᱜ
ᱯᱩᱸᱰ ᱛᱚᱨᱚᱡ ᱢᱟᱸᱫᱮ ᱹᱹᱹᱹᱹ
***
ᱟ.ᱰᱤ ᱟᱭᱢᱟ ᱥᱟᱨᱦᱟᱣ “ᱟᱭᱚ ᱟᱲᱟᱝ” ᱤᱧᱟᱜ ᱚᱱᱚᱬᱦᱮ ᱯᱟᱨᱥᱟᱲ ᱞᱟ.ᱜᱤᱫ ᱛᱮ । ᱛᱤᱨᱞᱟ. ᱦᱚᱯᱚᱱ ᱠᱚᱣᱟᱜ literary talent ᱯᱟᱨᱥᱟᱲ ᱨᱮ ᱟ.ᱰᱤ ᱢᱟᱨᱟᱝ ᱠᱟ.ᱢᱤ ᱦᱚᱨᱟ ᱮᱛᱚᱦᱚᱵ ᱞᱟ.ᱜᱤᱫ ᱟ.ᱰᱤ ᱟ.ᱰᱤ ᱥᱟᱨᱦᱟᱣ ।