ᱦᱟᱭ ᱨᱮ ᱡᱟᱞᱟ ᱫᱤᱥᱚᱢ ᱯᱟᱲᱟ ᱜᱮ ᱡᱟᱞᱟ ᱾
ᱛᱤᱨᱞᱟ. ᱡᱟᱱᱟᱢ ᱟᱛᱮ ᱮᱢ ᱦᱩᱭᱩᱜ ᱠᱟᱱᱟ ᱡᱟᱞᱟ ᱦᱟᱞᱟ ᱿
ᱫᱩᱞᱟ.ᱲᱤᱭᱟ. ᱵᱤᱴᱤ ᱪᱷᱩᱵᱤ ᱨᱩᱯ ᱛᱮ ᱚᱲᱟᱜ ᱮ ᱥᱚᱵᱷᱟᱭᱟ,
ᱢᱟᱨᱟᱝᱜ ᱫᱟ.ᱭ~ᱢᱟ.ᱭ ᱥᱟᱢᱟᱝ ᱥᱚᱫᱚᱨ ᱛᱮ ᱥᱟ.ᱜᱟ.ᱭ ᱮ ᱛᱟᱞᱟᱭᱟ,
ᱜᱟᱛᱮ ᱞᱮᱠᱟ ᱦᱤᱞᱤ~ᱵᱟ.ᱦᱩ ᱫᱩᱞᱟ.ᱲ ᱪᱤᱛᱟᱹᱨ ᱛᱮ ᱜᱷᱟᱨᱚᱸᱡᱽ ᱮ ᱢᱟᱨᱥᱟᱞᱟ,
ᱵᱚᱸᱜᱟ ᱞᱮᱠᱟ ᱟᱭᱳ~ᱜᱚᱜᱚ ᱟᱧᱪᱟᱨ ᱩᱢᱩᱞ ᱛᱮ ᱫᱩᱠ ᱦᱟᱨᱠᱮᱛ ᱮ ᱥᱟᱦᱟᱭᱟ ᱾
ᱮᱱᱛᱮ ᱨᱮᱦᱚᱸ ᱟᱡᱟᱜ ᱥᱟᱢᱟᱝ ᱩᱯᱨᱩᱢ ᱫᱚ ᱪᱮᱫ?
ᱮᱱᱛᱮ ᱨᱮᱦᱚᱸ ᱟᱡᱟᱜ ᱚᱲᱟᱜ ᱦᱚᱠ ᱟ.ᱭᱫᱟ.ᱨᱤ ᱫᱚ ᱪᱮᱫ?
ᱚᱠᱚᱭ ᱠᱟᱱᱟᱭ ᱟᱡ ᱦᱚᱸ ᱵᱟᱭ ᱵᱟᱰᱟᱭ!
ᱠᱩᱞᱤ ᱮᱭᱟᱭ ᱚᱠᱚᱭ, ᱚᱠᱚᱭ ᱮ ᱞᱟ.ᱭ ᱟᱭᱟ?
ᱵᱷᱤᱛᱨᱤ ᱢᱚᱱᱮ ᱜᱟ.ᱦᱤᱸᱨ ᱟᱡᱟᱜ ᱫᱩᱠ ᱵᱮᱛᱷᱟ ᱠᱟᱛᱷᱟ ᱾
ᱦᱟᱭ ᱨᱮ ᱡᱟᱞᱟ ᱥᱟᱶᱛᱟ ᱯᱟᱲᱟ ᱜᱮ ᱡᱟᱞᱟ ᱾
ᱚᱱᱛᱚᱨ ᱢᱚᱱᱮ ᱨᱮ ᱫᱩᱠ ᱟᱴᱠᱟᱨ ᱠᱟᱛᱮ ᱨᱮᱦᱚᱸ ᱛᱟᱦᱮᱸᱱᱮ ᱟᱡ ᱨᱤᱞᱟ.~ᱢᱟᱞᱟ ᱿
ᱡᱟᱱᱟᱢ ᱚᱲᱟᱜ ᱠᱷᱚᱱ ᱵᱟ.ᱜᱤ ᱠᱟᱛᱮ ᱦᱮᱡ ᱥᱮᱴᱮᱨ ᱮᱱ ᱡᱟᱶᱟᱭ ᱚᱲᱟᱜ,
ᱪᱟᱞᱟᱣ ᱠᱟᱛᱮᱫ ᱟᱸᱡᱚᱢ ᱠᱮᱫᱼᱟᱭ ᱠᱟ.ᱦᱤᱸᱥ ᱠᱟᱛᱷᱟ ᱦᱚᱲᱟᱜ,
ᱮᱱᱛᱮ ᱨᱮᱦᱚᱸ ᱛᱟᱦᱮᱸ ᱮᱱᱟᱭ ᱢᱚᱱᱮ ᱥᱟᱸᱵᱽᱲᱟᱣ ᱠᱮᱴᱮᱡ ᱠᱟᱛᱮᱫ,
ᱮᱱᱛᱮ ᱨᱮᱦᱚᱸ ᱛᱟᱦᱮᱸ ᱮᱱᱟᱭ ᱢᱚᱱᱮ ᱡᱤᱣᱤ ᱯᱮᱴᱮᱡ ᱠᱟᱛᱮᱫ ᱾
ᱵᱟᱠᱚ ᱥᱤᱵᱤᱞ ᱨᱟ.ᱥᱠᱟᱹ ᱟᱫᱮ ᱵᱟᱠᱚ ᱠᱩᱥᱤᱜ ᱛᱟᱭᱟ ᱠᱟᱡᱽ ᱠᱟ.ᱢᱤ ᱟᱡᱟᱜ,
ᱦᱚᱠ ᱟᱹᱭᱫᱟ.ᱨᱤ ᱞᱟ.ᱭ ᱞᱟ.ᱜᱤᱫ ᱵᱟ.ᱱᱩᱜ ᱛᱟᱭᱟ ᱫᱷᱤ ᱫᱟᱲᱮ ᱟᱡᱟᱜ,
ᱜᱚᱰ ᱡᱚᱦᱟᱨ ᱟᱛᱮ ᱢᱟᱨᱟᱝ ᱠᱚ ᱟᱛᱟᱝ ᱫᱟᱨᱟᱢ ᱠᱮᱫ,
ᱨᱚᱲ ᱞᱟᱸᱫᱟ ᱟᱛᱮ ᱦᱩᱰᱤᱝ ᱠᱚ ᱫᱩᱞᱟ.ᱲ ᱛᱷᱩᱢᱟ.ᱱ ᱠᱮᱫ,
ᱮᱱᱛᱮ ᱨᱮᱦᱚᱸ ᱵᱟᱨᱟᱵᱟ.ᱨᱤ ᱫᱩᱞᱟ.ᱲ ᱥᱚᱢᱢᱟᱱ ᱵᱟᱠᱚ ᱮᱢᱟᱫ ᱫᱮ ᱾
ᱦᱟᱭ ᱨᱮ ᱡᱟᱞᱟ ᱜᱚᱴᱟ ᱯᱟᱲᱟ ᱜᱮ ᱡᱟᱞᱟ ᱾
ᱛᱤᱨᱞᱟ. ᱡᱟᱱᱟᱢ ᱟᱛᱮ ᱮᱢ ᱦᱩᱭᱩᱜ ᱠᱟᱱᱟ ᱡᱟᱞᱟ ᱦᱟᱞᱟ ᱿
***
