ᱯᱟᱹᱨᱥᱤ ᱠᱷᱟᱹᱛᱤᱨ ᱟᱢᱮᱢ ᱨᱚᱲ
ᱯᱟᱹᱨᱥᱤ ᱛᱮᱜᱮᱢ ᱢᱟᱨᱥᱟᱞ ᱦᱚᱨ
ᱡᱤᱭᱟᱹᱲ ᱫᱚᱦᱚᱭ ᱟᱢ ᱟᱢᱟᱜ ᱡᱟᱹᱛᱤ
ᱟᱨᱥᱟᱞ ᱟᱢ ᱜᱳᱴᱟ ᱫᱷᱟᱹᱨᱛᱤ ᱿
ᱯᱟᱹᱨᱥᱤ ᱠᱷᱟᱹᱛᱤᱨ ᱟᱢᱮᱢ ᱵᱩᱡᱷᱟᱹᱣ
ᱯᱟᱹᱨᱥᱤ ᱛᱮᱜᱮᱢ ᱟᱹᱱᱟᱹᱭᱠᱟᱹᱣ,
ᱚᱱᱟ ᱛᱟᱞᱟ ᱛᱮᱜᱮ ᱟᱢᱮᱢ ᱴᱷᱟᱹᱣᱠᱟᱹᱜ
ᱫᱤᱥᱚᱢ ᱛᱟᱞᱟ ᱨᱮᱢ ᱛᱟᱸᱦᱮᱱ ᱿
ᱯᱟᱹᱨᱥᱤ ᱠᱷᱟᱹᱛᱤᱨ ᱟᱢᱟᱜ ᱩᱯᱨᱩᱢ
ᱦᱚᱲ ᱠᱚ ᱛᱟᱞᱟ ᱨᱮ ᱥᱚᱫᱚᱨᱚᱜ
ᱚᱱᱟ ᱛᱟᱞᱟ ᱛᱮᱜᱮ ᱟᱢᱮᱢ ᱧᱟᱢ
ᱢᱟᱹᱱ ᱢᱚᱦᱚᱛ ᱟᱨ ᱫᱩᱞᱟᱹᱲ ᱟᱢ ᱿
ᱯᱟᱹᱨᱥᱤ ᱠᱷᱟᱹᱛᱤᱨ ᱟᱢᱟᱜ ᱥᱟᱶᱛᱟ
ᱡᱤᱭᱟᱹᱲ ᱛᱟᱸᱦᱮᱱᱟ ᱡᱟᱭ ᱡᱩᱜᱽ,
ᱚᱱᱟ ᱛᱟᱞᱟ ᱛᱮᱜᱮ ᱟᱢᱟᱜ ᱟᱭᱳ ᱟᱲᱟᱝ
ᱛᱟᱠᱮᱨᱚᱜᱼᱟ ᱫᱤᱥᱚᱢ ᱨᱮ ᱥᱚᱫᱚᱨ ᱥᱟᱢᱟᱝ ᱿
ᱯᱟᱹᱨᱥᱤ ᱛᱟᱞᱟ ᱛᱮᱜᱮ ᱟᱢᱮᱢ ᱦᱟᱨᱟᱜ
ᱟᱹᱨᱥᱤ ᱞᱮᱠᱟᱢ ᱡᱷᱟᱞᱠᱟᱣᱜ,
ᱯᱟᱹᱨᱥᱤ ᱛᱟᱞᱟ ᱛᱮᱜᱮ ᱟᱢᱮᱢ ᱞᱟᱦᱟᱜ
ᱨᱟᱦᱟ ᱟᱲᱟᱝ ᱛᱟᱢ ᱫᱚ ᱨᱟᱶᱟᱜ ᱿
ᱡᱟᱹᱛᱤ ᱛᱟᱞᱟ ᱨᱮ ᱯᱟᱹᱨᱥᱤ ᱯᱳᱦᱟ
ᱡᱚᱛᱚᱱ ᱦᱟᱨᱟᱭ ᱢᱮ ᱡᱚ ᱵᱟᱦᱟ,
ᱚᱱᱟ ᱛᱟᱞᱟ ᱛᱮᱜᱮ ᱟᱢᱟᱜ ᱡᱟᱹᱛᱤ
ᱱᱤᱨᱟᱹᱭ ᱥᱚᱨᱮᱥ ᱛᱟᱸᱦᱮᱱ ᱛᱟᱢ ᱟᱹᱰᱤ ᱿
***
