ᱦᱟᱞᱟᱝ

ᱵᱟᱦᱟ ᱦᱚᱸ ᱧᱩᱨᱩᱜ ᱡᱚ ᱦᱚᱸ ᱧᱩᱨᱩᱜ
ᱧᱩᱨᱩᱜ ᱫᱷᱟᱹᱨᱛᱤ ᱜᱚᱴᱟ
ᱞᱮᱜᱮᱡ ᱦᱟᱹᱨᱭᱟᱹᱲ ᱥᱟᱠᱟᱢ
ᱯᱷᱮᱰᱟᱛ ᱢᱟᱛᱚ ᱢᱚᱴᱟ ᱿

ᱵᱟᱦᱟᱹᱧ ᱦᱟᱞᱟᱝ ᱡᱚ ᱦᱩᱧ ᱦᱟᱞᱟᱝ
ᱦᱟᱞᱟᱝ ᱟᱹᱧ ᱵᱟᱪᱷᱟᱣ ᱵᱟᱪᱷᱟᱣ
ᱟᱧᱪᱟᱨ ᱯᱮᱨᱮᱡ ᱜᱚᱪᱷᱟ ᱥᱟᱨᱮᱲ
ᱛᱟᱲᱟᱢᱟᱹᱧ ᱛᱟᱦᱟᱣᱻᱛᱟᱦᱟᱣ ᱿

ᱵᱟᱦᱟᱹᱧ ᱜᱩᱛᱩᱭᱟ ᱢᱟᱞᱟᱹᱧ ᱜᱟᱞᱟᱝᱟ
ᱡᱚ ᱵᱤᱞᱤᱧ ᱡᱚᱢᱟ
ᱜᱩᱛᱩ ᱜᱟᱞᱟᱝ ᱵᱟᱦᱟ ᱢᱟᱞᱟ
ᱟᱢ ᱜᱤᱧ ᱟᱨᱟᱣᱟᱢᱟ ᱿

ᱦᱟᱞᱟᱝᱻᱦᱟᱞᱟᱝ ᱡᱟᱜᱟᱹᱧ ᱡᱟᱹᱱᱩᱢᱚᱜ
ᱮᱱᱦᱚᱸ ᱵᱟᱝᱜᱤᱧ ᱢᱚᱠᱚᱧᱚᱜ
ᱡᱟᱸᱜᱟ ᱠᱷᱚᱱᱟᱜ ᱡᱟᱹᱱᱩᱢᱤᱧ ᱚᱪᱚᱜᱽ
ᱟᱨᱦᱚᱸ ᱨᱤᱦᱤᱴ ᱤᱧ ᱪᱷᱩᱴᱟᱹᱜ ᱿

ᱵᱟᱦᱟ ᱨᱮ ᱡᱟᱹᱱᱩᱢ ᱧᱟᱢᱚᱜ
ᱡᱚ ᱨᱮ ᱡᱟᱝ ᱧᱟᱢᱚᱜ
ᱵᱟᱦᱟ ᱨᱮ ᱨᱟᱥᱟ ᱡᱚ ᱨᱮ ᱜᱟᱵᱮ
ᱩᱨᱩᱱ ᱯᱩᱨᱩᱱ ᱧᱟᱢᱚᱜ ᱿

ᱦᱚᱲ ᱨᱮ ᱟᱥᱟ ᱵᱟᱹᱲᱛᱤ ᱵᱚᱨᱥᱟ
ᱟᱞᱚᱢ ᱫᱚᱦᱚᱭᱟ ᱢᱚᱱᱮ ᱨᱮ
ᱨᱟᱹᱯᱩᱫᱚᱜ ᱟᱥᱟ ᱵᱚᱨᱥᱟ
ᱵᱟᱝᱠᱷᱟᱱ ᱥᱤᱵᱤᱞᱟᱜ ᱦᱚᱸ ᱠᱟᱥᱟᱜᱼᱟ ᱿

***