ᱥᱮᱨᱢᱟ ᱪᱮᱬᱮ ᱢᱚᱱᱮ ᱢᱟ ᱤᱧᱟᱜ
ᱩᱰᱟᱹᱣ ᱵᱟᱲᱟᱭ ᱜᱚᱴᱟ ᱜᱮ ᱥᱮᱱᱚᱜ
ᱜᱷᱟᱱᱮ ᱥᱮᱨᱢᱟ ᱞᱟᱯᱷᱟᱝ ᱨᱤᱢᱤᱞ ᱥᱟᱶ
ᱜᱷᱟᱱᱮ ᱥᱚᱸᱰᱷᱟᱲ ᱦᱤᱥᱤᱫ ᱦᱚᱭ ᱥᱟᱶ ᱾
ᱟᱥᱟᱲ ᱵᱚᱸᱜᱟ ᱜᱟᱫᱮᱞ ᱨᱤᱢᱤᱞ ᱛᱟᱞᱟ
ᱥᱤᱧ ᱪᱟᱸᱫᱚ ᱥᱟᱶ ᱨᱤᱢᱤᱞ ᱥᱟᱞᱟ
ᱫᱟᱹᱨᱭᱟᱹ ᱦᱮᱸᱫᱮ ᱯᱩᱸᱰ ᱢᱟᱹᱞᱪᱷᱟᱹ ᱨᱟᱦᱞᱟ
ᱩᱠᱩᱪᱩᱠᱩ ᱩᱱᱩᱢ ᱮᱱᱮᱡ ᱫᱮᱞᱟ ᱾
ᱡᱟᱹᱲᱤ ᱫᱟᱜ ᱥᱟᱶ ᱜᱟᱛᱮ ᱠᱟᱛᱮ
ᱤᱨᱪᱤ ᱟᱬᱜᱚᱱ ᱥᱟᱛᱮ ᱥᱟᱶᱛᱮ
ᱨᱟᱪᱟ ᱛᱟᱞᱟ ᱢᱚᱜᱽᱨᱟ ᱵᱷᱤᱛᱤᱨ ᱛᱮ
ᱞᱤᱸᱜᱤ ᱯᱟᱨᱚᱢ ᱫᱟᱜ ᱵᱤᱞᱩᱱ ᱥᱟᱶᱛᱮ ᱾
ᱥᱮᱱᱮᱱ ᱵᱟᱲᱜᱮ ᱞᱟᱛᱟᱨ ᱯᱩᱠᱷᱨᱤ ᱛᱟᱞᱟ
ᱥᱟᱶᱛᱮ ᱡᱚᱵᱽᱨᱟ ᱜᱟᱛᱮ ᱛᱟᱞᱟ
ᱞᱤᱸᱜᱤ ᱫᱟᱜ ᱡᱟᱹᱲᱤ ᱫᱟᱜ ᱛᱟᱞᱟ
ᱫᱚᱱ ᱟᱛᱮ ᱯᱟᱭᱨᱟ ᱮᱱᱮᱡ ᱡᱚᱵᱽᱨᱟ ᱛᱟᱞᱟ ᱾
ᱜᱟᱛᱮ ᱠᱟᱛᱮ ᱜᱟᱫᱮᱞ ᱪᱮᱬᱮ ᱥᱟᱶ
ᱥᱮᱨᱢᱟᱛᱮ ᱩᱰᱟᱹᱣ ᱦᱚᱭ ᱥᱟᱶ
ᱵᱟᱹᱫᱽ ᱵᱟᱹᱭᱦᱟᱹᱲ ᱵᱟᱦᱟ ᱵᱟᱸᱫᱮᱞᱟ
ᱟᱬᱜᱚ ᱨᱟᱠᱟᱵ ᱠᱷᱮᱧᱪᱮᱨ ᱜᱟᱛᱮ ᱛᱟᱞᱟ ᱾
ᱢᱚᱱᱮ ᱢᱟ ᱤᱧᱟᱜ ᱥᱚᱨᱚᱜᱽ ᱯᱟᱛᱟᱞ
ᱡᱟᱦᱟᱸ ᱜᱮ ᱩᱭᱦᱟᱹᱨ ᱛᱟᱦᱟᱸ ᱜᱮ ᱥᱟᱱᱟᱭ
ᱜᱷᱟᱱᱮ ᱯᱟᱛᱟᱞ ᱵᱟᱹᱰᱤ ᱡᱟᱞᱟ ᱛᱟᱞᱟ
ᱛᱟᱦᱮᱸᱱ ᱥᱟᱱᱟᱭ ᱫᱟᱜ ᱡᱤᱭᱟᱹᱞᱤ ᱛᱟᱞᱟ ᱾
ᱦᱤᱸᱥᱟᱹ ᱥᱩᱭᱟᱹ ᱸᱮᱭᱟᱣ ᱠᱷᱟᱹᱯᱟᱹᱨᱤᱭᱟᱹᱣ
ᱵᱟᱝ ᱜᱮ ᱠᱩᱥᱤᱜ ᱢᱚᱱᱮ ᱢᱟ ᱤᱧᱟᱜ
ᱡᱟᱦᱟᱸᱨᱮ ᱥᱤᱵᱤᱞ ᱵᱮᱵᱷᱟᱨ ᱧᱟᱢᱚᱜ
ᱟᱞᱟᱠᱡᱟᱹᱰᱤ ᱞᱮᱠᱟ ᱥᱟᱱᱟᱭ ᱛᱚᱞᱚᱜ ᱾
ᱫᱩᱲᱩᱵ ᱛᱷᱤᱨ ᱢᱟ ᱵᱟᱝ ᱜᱮ ᱥᱟᱱᱟᱭ
ᱸᱟᱶᱟ ᱥᱤᱠᱷᱱᱟᱹᱛ ᱟᱨᱡᱟᱣ ᱥᱟᱱᱟᱭ
ᱥᱟᱱᱟᱢ ᱠᱷᱚᱱ ᱞᱟᱦᱟ ᱵᱮᱱᱟᱣᱜ ᱥᱟᱱᱟᱭ
ᱥᱩᱞᱩᱠ ᱱᱤᱨᱟᱹᱭ ᱥᱟᱶᱛᱟ ᱨᱚᱯᱷᱟ ᱥᱟᱱᱟᱭ ᱾
***
