ᱪᱟᱸᱫᱚ ᱵᱚᱸᱜᱟ ᱥᱤᱨᱡᱚᱱ ᱢᱟᱹᱱᱢᱤ ᱡᱤᱭᱚᱱ
ᱥᱟᱺᱜᱤᱧ ᱠᱷᱚᱱ ᱜᱮ ᱧᱮᱞᱚᱜ ᱨᱤᱞᱟᱹᱢᱟᱞᱟ
ᱟᱵᱚ ᱡᱩᱢᱤᱫᱽ ᱨᱟᱹᱥᱠᱟᱹ ᱛᱟᱦᱮᱸᱱ ᱟᱠᱷᱲᱟ
ᱡᱩᱜᱽ ᱯᱟᱨᱚᱢᱚᱜ ᱠᱟᱱ ᱡᱩᱢᱤᱫᱽ ᱧᱟᱢ ᱵᱟᱠᱷᱨᱟ ᱿
ᱟᱹᱫᱤᱢ ᱦᱟᱯᱲᱟᱢ ᱠᱚᱣᱟᱜ ᱩᱫᱩᱜ ᱰᱟᱦᱟᱨ
ᱩᱭᱦᱟᱹᱨ ᱫᱚᱦᱚᱭ ᱢᱟᱵᱚᱱ ᱟᱪᱮᱛ ᱠᱟᱛᱷᱟ
ᱛᱤᱥ ᱵᱚᱱ ᱪᱮᱫᱚᱜᱼᱟ ᱟᱹᱠᱤᱞ ᱜᱮᱭᱟᱱ
ᱛᱤᱥ ᱵᱚᱱ ᱦᱤᱲᱤᱧᱼᱟ ᱵᱤᱵᱟᱫᱤᱭᱟᱹ ᱿
ᱚᱞ ᱯᱟᱲᱦᱟᱣ ᱡᱚᱛᱚ ᱵᱚᱱ ᱪᱮᱫᱚᱜ ᱢᱟ
ᱢᱚᱞᱚᱝ ᱨᱮᱱᱟᱜ ᱚᱞᱚᱝ ᱵᱚᱱ ᱵᱚᱫᱚᱞᱟ
ᱛᱟᱬᱟᱜ ᱛᱟᱺᱜᱤ ᱥᱚᱢᱚᱭ ᱵᱟᱹᱱᱩᱜᱼᱟ
ᱩᱥᱩᱞ ᱩᱭᱦᱟᱹᱨ ᱵᱚᱱ ᱩᱛᱷᱱᱟᱹᱣ ᱢᱟ ᱿
ᱱᱟᱯᱟᱭ ᱥᱟᱹᱜᱟᱹᱭ ᱵᱚᱱ ᱫᱚᱦᱚᱭ ᱢᱟ
ᱥᱚᱞᱦᱮ ᱛᱮ ᱵᱚᱱ ᱛᱟᱦᱮᱸᱱ ᱢᱟ
ᱮᱯᱮᱨᱦᱮᱸᱰᱮ ᱮᱫᱽᱨᱮ ᱵᱟᱭ ᱵᱮᱥᱟ
ᱫᱩᱞᱟᱹᱲ ᱛᱮ ᱛᱟᱦᱮᱸᱱ ᱜᱮ ᱢᱟᱨᱟᱝ ᱫᱷᱚᱨᱚᱢ ᱿
***
