ᱦᱚᱭ ᱵᱟᱹᱨᱰᱩ ᱨᱮᱦᱚᱸ ᱢᱚᱨᱚᱱ
ᱦᱩᱰᱩᱨ ᱵᱤᱡᱽᱞᱤ ᱨᱮᱦᱚᱸ ᱢᱚᱨᱚᱱ
ᱡᱷᱤᱯᱤᱨ ᱫᱟᱜ ᱨᱮᱦᱚᱸ ᱢᱚᱨᱚᱱ
ᱵᱟᱱ ᱜᱟᱰᱟ ᱫᱟᱜ ᱨᱮᱦᱚᱸ ᱢᱚᱨᱚᱱ
ᱥᱟᱱᱟᱢ ᱨᱮᱜᱮ ᱢᱚᱜᱼᱨᱚᱱ
ᱵᱟᱹᱱᱩᱜᱼᱟ ᱚᱠᱟ ᱨᱮᱦᱚᱸ ᱱᱤᱨᱟᱹᱭ ᱾
ᱦᱚᱨ ᱛᱮ ᱛᱟᱲᱟᱢ ᱨᱮᱦᱚᱸ ᱢᱚᱨᱚᱱ
ᱜᱟᱹᱰᱤ ᱢᱚᱴᱚᱨ ᱨᱮ ᱫᱮᱡᱚᱜ ᱨᱮᱦᱚᱸ ᱢᱚᱨᱚᱱ
ᱩᱰᱟᱹᱱ ᱜᱟᱹᱰᱤ ᱨᱮᱢ ᱩᱰᱟᱹᱣᱜ ᱨᱮᱦᱚᱸ ᱢᱚᱨᱚᱱ
ᱫᱟᱜ ᱡᱟᱦᱟᱡᱽ ᱨᱮ ᱫᱩᱲᱩᱵ ᱨᱮᱦᱚᱸ ᱢᱚᱨᱚᱱ
ᱜᱚᱴᱟ ᱨᱮᱜᱮ ᱢᱚᱜᱼᱨᱚᱱ
ᱵᱟᱹᱱᱩᱜᱼᱟ ᱚᱠᱟ ᱨᱮᱦᱚᱸ ᱱᱤᱨᱟᱹᱭ ᱾
ᱚᱲᱟᱜ ᱵᱷᱤᱛᱤᱨ ᱨᱮ ᱛᱟᱦᱮᱸ ᱨᱮᱦᱚᱸ ᱢᱚᱨᱚᱱ
ᱠᱟᱹᱢᱤ ᱛᱩᱞᱩᱡ ᱨᱮᱦᱚᱸ ᱢᱚᱨᱚᱱ
ᱨᱟᱹᱥᱠᱟᱹ ᱛᱟᱞᱟ ᱨᱮᱦᱚᱸ ᱢᱚᱨᱚᱱ
ᱩᱭᱦᱟᱹᱨ ᱵᱷᱟᱹᱵᱤᱛ ᱛᱮᱦᱚᱸ ᱢᱚᱨᱚᱱ
ᱥᱟᱱᱟᱢ ᱨᱮᱜᱮ ᱢᱚᱜᱼᱨᱚᱱ
ᱵᱟᱹᱱᱩᱜᱼᱟ ᱚᱠᱟ ᱨᱮᱦᱚᱸ ᱱᱤᱨᱟᱹᱭ ᱾
ᱥᱟᱱᱟᱢ ᱯᱟᱲᱟ ᱨᱮᱜᱮ ᱢᱚᱨᱚᱱ
ᱚᱠᱟ ᱨᱮᱦᱚᱸ ᱵᱟᱹᱱᱩᱜ ᱱᱤᱨᱟᱹᱭ
ᱚᱱᱟᱛᱮ ᱟᱞᱚᱢ ᱵᱚᱛᱚᱨ ᱟᱜ ᱢᱚᱨᱚᱱ
ᱢᱤᱫ ᱫᱷᱟᱣ ᱜᱮᱛᱚᱢ ᱢᱚᱨᱚᱱ ᱚᱜ ᱾
ᱛᱚ ᱞᱟᱦᱟ ᱨᱮ ᱵᱟᱝ ᱵᱟᱰᱟᱭ ᱚᱜ ᱢᱚᱨᱚᱱ
ᱛᱤᱱ ᱨᱮ ᱚᱠᱟ ᱨᱮ ᱞᱚᱜᱦᱚᱢ
ᱫᱟᱭᱟ ᱫᱩᱞᱟᱹᱲ ᱵᱟᱹᱱᱩᱜ ᱛᱟᱭᱟ
ᱵᱟᱭ ᱛᱟᱺᱜᱜᱤᱭᱟ ᱛᱤᱥ ᱦᱚᱸ ᱞᱚᱦᱚᱢ ᱾
ᱵᱟᱭ ᱧᱮᱞᱚᱜ ᱵᱟᱭ ᱴᱷᱤᱠᱟᱹᱜ ᱢᱚᱨᱚᱱ
ᱟᱢ ᱥᱩᱨ ᱠᱚᱨᱮ ᱛᱟᱦᱮᱸ ᱨᱮᱦᱚᱸ ᱢᱚᱨᱚᱱ
ᱛᱤ ᱨᱮ ᱚᱠᱟ ᱨᱮ ᱵᱟᱭ ᱞᱟᱹᱭᱩᱜ ᱞᱚᱦᱚᱢ
ᱜᱚᱴᱟ ᱯᱟᱲᱟ ᱨᱮᱜᱮ ᱛᱟᱦᱮᱸ ᱢᱚᱨᱚᱱ
ᱚᱠᱟ ᱨᱮᱦᱚᱸ ᱵᱟᱹᱱᱩᱜ ᱱᱤᱨᱟᱹᱭ ᱾
***
