ᱡᱟᱱᱟᱢ ᱟᱭᱳ, ᱡᱟᱱᱟᱢ ᱵᱟᱵᱟ
ᱟ.ᱵᱤᱱᱟᱜ ᱡᱟᱸᱜᱟ ᱯᱚᱨᱟᱭᱱᱤᱨᱮ ᱛᱤᱧ
ᱢᱟᱱᱚᱛ ᱡᱚᱦᱟᱨ ᱾
ᱡᱟᱱᱟᱢ ᱟᱭᱳ ᱫᱚ ᱛᱳᱣᱟ ᱫᱟᱨᱮ,
ᱡᱟᱱᱟᱢ ᱵᱟᱵᱟ ᱫᱚ ᱦᱮᱢᱟᱞ ᱵᱩᱨᱩ ᱾
ᱟᱹᱠᱤᱱᱟᱜ ᱥᱚᱦᱟᱜᱽ ᱫᱩᱞᱟᱹᱲ ᱛᱮ ᱪᱚᱧ ᱦᱟᱨᱟ ᱞᱮᱱ ᱾
ᱡᱟᱱᱟᱢ ᱟᱭᱳ ᱠᱩᱠᱷᱤ ᱠᱷᱚᱱ ᱫᱚ ᱵᱚᱱ ᱵᱩᱥᱟ.ᱲ ᱞᱮᱱ,
ᱡᱟᱱᱟᱢ ᱵᱟᱵᱟ ᱟᱜ ᱥᱮᱯᱮᱧ ᱛᱮ ᱪᱚ
ᱵᱚᱱ ᱪᱚᱜ ᱪᱮᱨᱮᱡ ᱞᱮᱱ ᱾
ᱟᱭᱳ ᱵᱟᱵᱟ ᱟᱜ ᱛᱤ-ᱛᱤ ᱥᱟᱯᱟᱵ ᱠᱟᱛᱮ ᱜᱮᱪᱚ
ᱱᱚᱣᱟ ᱵᱚᱥᱢᱚᱛᱟ ᱨᱮ ᱪᱟᱪᱚᱧ ᱥᱮᱸᱲᱟ ᱞᱮᱫ ᱾
ᱟᱹᱵᱤᱱᱟᱜ ᱛᱷᱩᱢ ᱫᱟᱲᱮ ᱛᱮᱜᱮ ᱪᱚ ᱞᱮ
ᱫᱟᱲᱮ ᱠᱮᱴᱮᱡ ᱮᱱ ᱾
ᱡᱟᱱᱟᱢ ᱟᱭᱳ, ᱡᱟᱱᱟᱢ ᱵᱟᱵᱟ
ᱟ.ᱵᱤᱱ ᱠᱷᱟ.ᱛᱤᱨ ᱛᱮᱜᱮ ᱢᱟᱱᱣᱟ ᱛᱟᱞᱟᱨᱮ
ᱦᱤᱦᱤᱲᱤ-ᱯᱤᱯᱤᱲᱤ ᱜᱮᱪᱚ ᱢᱮᱱᱟᱜ ᱞᱮ ᱾
ᱟᱹᱵᱤᱱ ᱠᱷᱟ.ᱛᱤᱨ ᱛᱮᱜᱮ ᱪᱚ
ᱵᱩᱜᱤ ᱵᱟ.ᱲᱤᱡ ᱦᱚᱨ-ᱰᱟᱦᱟᱨ
ᱪᱤᱭᱟ. ᱞᱮ ᱥᱮᱸᱲᱟ ᱞᱮᱫ ᱾
ᱨᱮᱸᱜᱮᱡ ᱛᱮᱛᱟᱝ ᱨᱮ ᱮᱭᱳ,
ᱛᱳᱣᱟ ᱫᱟᱦᱮ ᱛᱮᱢ ᱯᱮᱨᱮᱡ ᱞᱤᱫᱤᱧ
ᱨᱩᱣᱟ. ᱦᱟ.ᱥᱩ ᱨᱮ ᱮᱭᱳ,
ᱦᱚᱵᱚᱨ ᱠᱟᱛᱮᱢ ᱟᱸᱜᱟ ᱞᱤᱫᱤᱧ ᱾
ᱦᱚᱨᱚᱜ ᱵᱟᱸᱫᱮ ᱛᱮ ᱵᱟᱵᱟᱢ ᱥᱟᱡᱟᱣ ᱞᱤᱫᱤᱧ
ᱚᱞᱚᱜ-ᱯᱟᱲᱦᱟᱣ ᱨᱮ ᱵᱟᱵᱟᱢ ᱥᱮᱪᱮᱫ ᱞᱤᱫᱤᱧ ᱾
ᱥᱤᱛᱩᱝ-ᱡᱟᱹᱯᱩᱫ ᱨᱮᱫᱚ ᱮᱭᱳ,
ᱟᱧᱪᱟᱨ ᱛᱮᱢ ᱩᱢᱩᱞ ᱞᱤᱫᱤᱧ
ᱛᱟᱲᱟᱢ ᱞᱟᱸᱜᱟ ᱞᱮᱠᱷᱟᱱ ᱮᱭᱳ,
ᱦᱮᱢ ᱦᱚᱵᱚᱨ ᱞᱤᱫᱤᱧ ᱾
ᱠᱟ.ᱢᱤ ᱞᱟᱸᱜᱟ ᱦᱮᱡ ᱠᱟᱛᱮ ᱵᱟᱵᱟ,
ᱦᱮᱢ ᱜᱚᱫᱤᱧ ᱛᱟᱸᱦᱮᱫ ᱾
ᱵᱩᱜᱤ ᱨᱮᱫᱚ ᱥᱟᱨᱦᱟᱣ ᱤᱧ ᱟᱨ,
ᱵᱟᱹᱲᱤᱡ ᱨᱮᱫᱚ ᱨᱚᱦᱮᱫ ᱤᱧ ᱛᱟᱸᱦᱮᱫ ᱾
ᱟᱭᱳ ᱵᱮᱜᱚᱨ ᱡᱤᱣᱤ ᱪᱟᱞᱟᱜ,
ᱵᱟᱵᱟ ᱵᱮᱜᱚᱨ ᱫᱷᱟᱹᱨᱛᱤ ᱧᱩᱛᱟ.ᱛ ᱾
ᱟᱭᱳ ᱵᱟᱵᱟ ᱟᱜ ᱥᱚᱦᱟᱜᱽ ᱫᱩᱞᱟᱹᱲ,
ᱡᱤᱭᱟᱹᱲ ᱛᱟᱸᱦᱮᱱ ᱢᱟ ᱡᱚᱱᱚᱢ ᱡᱚᱱᱚᱢ ᱾
ᱥᱟᱱᱟᱢ ᱟᱭᱳ ᱵᱟᱵᱟ ᱥᱩᱠᱷ ᱛᱮ ᱛᱟᱦᱮᱸ ᱠᱚᱜ ᱯᱮ,
ᱵᱚᱸᱜᱟ ᱵᱳᱨᱳ ᱴᱷᱟᱶ ᱨᱮᱞᱮ ᱛᱷᱟᱯᱚᱱ ᱠᱮᱫ ᱯᱮ ᱾
***
