ᱱᱟᱦᱟᱜ ᱫᱚ ᱵᱟᱭ ᱡᱟᱯᱟᱜᱚᱜ ᱟᱢᱟᱜ ᱛᱮᱛᱟᱝ ᱛᱤ
ᱤᱧᱟᱜ ᱫᱟᱠᱷᱤᱱ ᱡᱟᱱᱞᱟ ᱨᱮ ᱿
ᱠᱩᱱᱟᱹᱢᱤ,
ᱵᱟᱢ ᱟᱴᱮᱫᱟ ᱤᱧᱨᱮ ᱟᱢᱟᱜ ᱦᱤᱸᱡᱽᱨᱟᱹᱣ ᱢᱮᱫ ᱿
ᱟᱢᱟᱜ ᱦᱮᱸᱫᱮ ᱟᱭᱱᱚᱢ
ᱨᱩᱯᱟᱹᱞᱤᱜ ᱠᱮᱨᱢᱮ ᱫᱟᱜ ᱞᱟᱴᱷᱮ ᱞᱮᱠᱟ ᱿
ᱟᱨ ᱞᱮ ᱯᱟᱥᱱᱟᱜ ᱠᱚᱠᱚᱭ ᱡᱩᱜᱤᱭᱟᱜ ᱟᱲᱟᱝ
ᱯᱚᱭᱨᱟᱱᱤ ᱵᱟᱸᱫᱮᱞᱟᱭ ᱨᱮ ᱿
ᱤᱧ ᱫᱚ ᱵᱟᱹᱧ ᱧᱮᱞ ᱢᱮ ᱵᱷᱚᱨᱧᱤᱫᱟᱹ,
ᱠᱩᱱᱟᱹᱢᱤ
ᱵᱟᱝᱠᱷᱟᱱ ᱢᱟᱦᱟᱱᱤᱢ ᱨᱮ ᱛᱟᱞᱟ ᱧᱤᱫᱟᱹ ᱿
ᱟᱢᱟᱜ ᱛᱟᱨᱟᱥᱨᱮ ᱞᱟᱸᱵᱮᱫ ᱠᱟᱛᱮ
ᱵᱤᱠᱩᱞ ᱜᱳᱰᱳ ᱿
ᱵᱟᱭ ᱥᱮᱸᱫᱽᱨᱟᱭ
ᱥᱤᱠᱟᱹᱨᱤᱭᱟᱹ ᱪᱮᱬᱮ ᱿
ᱛᱤᱱᱟᱹᱜ ᱮ ᱩᱥᱟᱹᱫ ᱤᱧᱤᱡ ᱧᱤᱫᱟᱹ ᱿
ᱵᱤ ᱥᱩᱢᱟᱹᱱᱟ ᱿
ᱟᱢᱟᱜ ᱫᱟᱛᱨᱚᱢ ᱦᱚᱲᱢᱚ ᱛᱮᱧ ᱡᱷᱤᱨᱚ ᱡᱷᱚᱨᱚᱜ ᱿
ᱫᱤᱱᱟᱹᱢ ᱫᱤᱱ ᱵᱟᱧᱪᱟᱣ ᱨᱮᱱᱟᱜ
ᱦᱮᱸᱫᱮ ᱨᱤᱢᱤᱞ ᱢᱟᱰᱨᱟᱣ ᱦᱤᱡᱩᱜ ᱿
ᱢᱤᱫ ᱨᱟᱦᱟ ᱿
ᱤᱧᱟᱜ ᱩᱢᱟᱹᱱ ᱠᱚᱭ ᱦᱟᱨᱩᱵ ᱮᱥᱮᱫᱽ ᱹᱹᱹᱹᱹᱹᱹᱹᱹ
***
