ᱟᱵᱳ ᱟᱜ ᱥᱟᱶᱛᱟ ᱞᱟᱹᱜᱤᱫ,
ᱫᱮ ᱫᱮᱞᱟ ᱫᱟᱹᱭ ᱫᱟᱫᱟ,
ᱠᱟᱹᱢᱤ ᱟᱵᱚᱱ ᱥᱟᱱᱟᱢ ᱦᱚᱲ ᱢᱤᱫ ᱠᱟᱛᱮᱫ,
ᱥᱟᱶᱛᱟ ᱢᱟᱲᱟᱝ ᱥᱮᱱ ᱞᱟᱦᱟᱭ ᱞᱟᱹᱜᱤᱫ ᱾
ᱫᱮᱵᱳᱱ ᱞᱟᱲᱟᱣᱜ ᱡᱩᱢᱤᱫᱽ ᱠᱟᱛᱮᱫ,
ᱰᱟᱸᱰᱟ ᱯᱟᱴᱷᱮ ᱩᱨᱤᱡ ᱠᱟᱛᱮᱫ ᱾
ᱥᱟᱶᱛᱟ ᱫᱚᱵᱚᱱ ᱞᱟᱦᱟᱭᱟ,
ᱚᱱᱟ ᱞᱟᱹᱜᱤᱫ ᱡᱤᱣᱤ ᱵᱚᱱ ᱟᱞᱟᱭᱟ ᱾
ᱟᱵᱳ ᱟᱜ ᱯᱟᱹᱨᱥᱤ ᱫᱮᱵᱳᱱ ᱫᱩᱞᱟᱹᱲ ᱟᱜ,
ᱚᱱᱟᱛᱮ ᱫᱮᱵᱳᱱ ᱚᱞᱚᱜ ᱯᱟᱲᱦᱟᱣᱜ ᱾
ᱚᱞᱚᱜ ᱯᱟᱲᱦᱟᱣ ᱛᱮᱵᱚᱱ ᱞᱟᱦᱟᱜ,
ᱟᱵᱳ ᱟᱜ ᱥᱟᱶᱛᱟ ᱦᱚᱸ ᱞᱟᱦᱟ ᱪᱟᱞᱟᱜ ᱾
ᱱᱤᱡᱮᱨ ᱯᱟᱹᱨᱥᱤ ᱛᱮ ᱨᱚᱲ ᱵᱟᱵᱚᱱ ᱞᱟᱡᱟᱣᱜ,
ᱵᱟᱠᱷᱟᱱ ᱥᱟᱶᱛᱟ ᱨᱮ ᱚᱱᱟ ᱟᱸᱪ ᱞᱟᱜᱟᱣᱜ ᱾
ᱟᱯᱱᱟᱨ ᱯᱟᱹᱨᱥᱤ ᱟᱞᱚ ᱵᱚᱱ ᱟᱹᱲᱤᱥᱟᱜ,
ᱵᱟᱠᱷᱟᱱ ᱟᱵᱳ ᱟᱜ ᱥᱟᱶᱛᱟ ᱩᱱᱩᱢ ᱟᱫᱚᱜ ᱾
ᱟᱵᱳ ᱟᱜ ᱥᱟᱶᱛᱟ ᱞᱟᱦᱟᱭ ᱞᱟᱹᱜᱤᱫ,
ᱟᱵᱳ ᱟᱜ ᱟᱹᱨᱤᱪᱟᱹᱞᱤ ᱵᱟᱵᱳᱱ ᱟᱫᱽ ᱾
ᱫᱷᱟᱹᱨᱛᱤ ᱛᱟᱞᱟ ᱢᱟᱹᱱᱢᱤ ᱡᱟᱹᱛᱤ ᱛᱟᱞᱟ ᱨᱮ,
ᱟᱵᱳ ᱟᱜ ᱥᱟᱶᱛᱟ ᱵᱚᱱ ᱫᱚᱦᱚᱭᱟ ᱢᱟᱲᱟᱝ ᱨᱮ ᱾
***
