ᱥᱟᱱᱛᱟᱲ ᱥᱚᱢᱟᱡᱽ ᱨᱮᱫᱚ
ᱞᱚᱴᱟ ᱫᱟᱜ ᱨᱮᱱᱟᱜ ᱢᱟᱹᱱ ᱫᱚ
ᱱᱤᱛᱚᱜ ᱫᱷᱟᱵᱤᱡ ᱢᱮᱱᱟᱜ ᱫᱚ
ᱟᱨᱦᱚᱸ ᱞᱮᱛᱟᱲ ᱛᱟᱸᱦᱮᱱ ᱫᱚ ᱾
ᱚᱠᱚᱭ ᱠᱟᱱᱟᱢ ᱟᱢ ᱫᱚ ?
ᱵᱟᱝ ᱞᱮ ᱵᱟᱰᱟᱭ ᱢᱮ ᱫᱚ
ᱱᱩᱱᱟᱹᱜ ᱜᱟᱹᱦᱤᱸᱨ ᱩᱭᱦᱟᱹᱨ ᱛᱟᱢ ᱫᱚ
ᱱᱚᱣᱟ ᱟᱹᱨᱤᱢ ᱛᱚᱞ ᱞᱮᱫ ᱾
ᱟᱢᱟᱜ ᱱᱚᱣᱟ ᱵᱮᱵᱷᱟᱨ ᱫᱚ
ᱡᱟᱭ ᱡᱩᱜᱽ ᱜᱮ ᱛᱟᱦᱮᱱ ᱫᱚ
ᱱᱚᱣᱟ ᱥᱟᱹᱜᱩᱱ ᱩᱭᱦᱟᱹᱨ ᱫᱚ
ᱟᱹᱰᱤ ᱢᱟᱹᱱᱟᱱ ᱫᱚ ᱾
ᱯᱮᱲᱟ ᱯᱟᱹᱬᱦᱟᱹ ᱠᱚ ᱦᱤᱡᱩᱜ ᱫᱚ
ᱛᱤᱨᱞᱟᱹ ᱦᱚᱯᱚᱱ ᱞᱚᱴᱟ ᱫᱟᱜ ᱵᱚᱱ ᱥᱟᱢᱟᱝ ᱫᱚ
ᱥᱤᱵᱤᱞ ᱡᱚᱦᱟᱨ ᱵᱚᱱ ᱟᱛᱟᱝ ᱫᱚ
ᱟᱹᱰᱤ ᱫᱩᱞᱟᱹᱲ ᱛᱮᱫᱚ ᱾
ᱥᱟᱱᱛᱟᱲ ᱥᱚᱢᱟᱡᱽ ᱨᱮᱫᱚ
ᱡᱟᱸᱦᱟᱭ ᱯᱮᱲᱟᱭ ᱦᱤᱡᱩᱜ ᱫᱚ
ᱞᱚᱴᱟ ᱫᱟᱜ ᱵᱟᱢ ᱥᱟᱢᱟᱝ ᱫᱚ
ᱢᱟᱹᱱ ᱜᱮ ᱵᱟᱹᱱᱩᱜ ᱟᱱ ᱫᱚ ᱾
ᱥᱟᱹᱜᱩᱱ ᱠᱟᱹᱢᱤ ᱨᱮᱫᱚ
ᱞᱚᱴᱟ ᱫᱟᱜ ᱵᱚᱱ ᱥᱟᱢᱟᱝ ᱫᱚ
ᱱᱚᱣᱟ ᱞᱚᱴᱟ ᱫᱟᱜ ᱫᱚ
ᱟᱹᱰᱤ ᱥᱟᱹᱜᱩᱱ ᱟᱱ ᱫᱚ ᱾
ᱵᱚᱸᱜᱟ ᱵᱩᱨᱩ ᱵᱚᱱ ᱥᱮᱵᱟ ᱠᱚᱫᱚ
ᱞᱚᱴᱟ ᱫᱟᱜ ᱵᱚᱱ ᱥᱟᱢᱟᱝ ᱫᱚ
ᱱᱚᱣᱟ ᱞᱚᱴᱟ ᱫᱟᱜ ᱫᱚ
ᱥᱟᱱᱟᱢ ᱠᱟᱹᱢᱤᱭ ᱥᱟᱹᱜᱩᱱ ᱫᱚ ᱾
ᱵᱟᱹᱦᱩ ᱡᱟᱶᱟᱭ ᱥᱟᱨ ᱥᱟᱹᱜᱩᱱ ᱫᱚ
ᱫᱷᱚᱨᱚᱢ ᱥᱟᱹᱠᱷᱤ ᱞᱚᱴᱟ ᱫᱟᱜ ᱫᱚ
ᱥᱟᱱᱛᱟᱲ ᱥᱟᱢᱟᱡᱽ ᱨᱮ ᱞᱚᱴᱟ ᱫᱟᱜ ᱫᱚ
ᱟᱹᱰᱤ ᱢᱟᱹᱱᱟᱱ ᱫᱚ ᱾
ᱡᱟᱦᱮᱨ ᱡᱟᱱᱛᱟᱲ ᱵᱤᱨ ᱥᱳᱲᱮ ᱡᱮᱞᱮᱠ
ᱢᱮᱱᱟᱜ ᱛᱟᱵᱚᱱᱟ ᱟᱹᱨᱤ
ᱞᱚᱴᱟ ᱫᱟᱜ ᱨᱮᱱᱟᱜ ᱢᱟᱹᱱ ᱫᱚ
ᱛᱟᱸᱦᱮᱱ ᱜᱮᱭᱟ ᱡᱩᱜᱽ ᱡᱩᱜᱽ ᱜᱮ ᱥᱟᱹᱨᱤ ᱾
***
