ᱚᱠᱚᱭ ᱠᱷᱟᱹᱛᱤᱨ ᱢᱮᱱᱟᱢ ᱟᱢ ᱫᱚ ᱛᱟᱲᱟᱢ ᱜᱟᱸᱰᱮ ?
ᱠᱩᱧ ᱜᱷᱟᱴ, ᱰᱟᱹᱰᱤ ᱜᱷᱟᱴ ᱟᱢᱟᱜ ᱠᱟᱛᱷᱟ ᱦᱟᱸᱰᱮ ᱱᱟᱰᱮ,
ᱮᱱᱦᱚᱸ ᱟᱢ ᱫᱚ ᱵᱟᱢ ᱵᱩᱡᱷᱟᱹᱣᱟ ᱵᱮᱡᱟᱨ
ᱯᱟᱥᱱᱟᱣ ᱮᱱᱟ ᱟᱢᱟᱜ ᱠᱟᱛᱷᱟ ᱴᱚᱞᱟ ᱯᱟᱲᱟ, ᱵᱟᱡᱟᱨ,
ᱢᱤᱫ ᱢᱚᱱᱮ ᱛᱮ ᱟᱢᱟᱜ ᱠᱟᱹᱢᱤ ᱨᱮ ᱢᱮᱱᱟᱢ ᱡᱚᱦᱚᱲ
ᱡᱟᱦᱟᱸ ᱛᱤᱱᱟᱹᱜ ᱠᱚ ᱨᱤᱠᱟᱹᱭ ᱨᱮᱦᱚᱸ ᱟᱢ ᱜᱚᱦᱚᱲ,
ᱟᱢᱟᱜ ᱠᱟᱹᱢᱤ ᱨᱮ ᱯᱟᱹᱛᱭᱟᱹᱣ ᱟᱹᱜᱩᱭ ᱢᱮ
ᱤᱧ ᱦᱚᱸᱧ ᱫᱟᱲᱮᱭᱟᱜᱼᱟ,
ᱢᱟᱹᱱᱢᱤ ᱞᱮᱠᱟ ᱛᱮ ᱟᱢᱟᱜ ᱩᱯᱨᱩᱢ ᱥᱚᱫᱚᱨ ᱞᱟᱹᱜᱤᱫ
ᱦᱟᱛᱟᱣ ᱢᱮ ᱟᱢ ᱡᱤᱭᱚᱱ ᱨᱮ ᱠᱤᱨᱭᱟᱹ,
ᱩᱫᱩᱜ ᱥᱚᱫᱚᱨ ᱢᱮ ᱟᱢ ᱫᱚ ᱟᱢᱟᱜ ᱠᱟᱹᱢᱤᱭᱟᱹ,
ᱞᱟᱦᱟᱜ ᱦᱩᱭᱩᱜ ᱛᱟᱢᱟ ᱢᱟᱲᱟᱝ
ᱦᱚᱨ ᱨᱮ ᱛᱟᱸᱦᱮᱱ ᱨᱮᱦᱚᱸ ᱧᱩᱛᱟᱹᱛ ᱠᱟᱲᱟᱝ,
ᱩᱱᱠᱩᱣᱟᱜ ᱠᱟᱹᱢᱤ ᱢᱟ ᱟᱢᱟᱜ ᱠᱟᱛᱷᱟ ᱠᱚᱜᱮ ᱥᱚᱜ ᱥᱮᱴᱮᱡ
ᱡᱟᱦᱟᱸᱭ ᱠᱚ ᱠᱷᱚᱡᱚᱜ ᱠᱟᱱᱟ ᱟᱢᱟᱜ ᱞᱟᱯᱷᱟᱝ ᱰᱟᱹᱨ ᱯᱮᱴᱮᱡ,
ᱟᱞᱚᱢ ᱟᱛᱮᱱ ᱟᱢ ᱫᱚ ᱩᱱᱠᱩᱣᱟᱜ ᱠᱟᱛᱷᱟ
ᱛᱟᱲᱟᱢ ᱦᱩᱭᱩᱜ ᱛᱟᱢᱟ ᱩᱱᱠᱩ ᱛᱟᱞᱚᱢ ᱯᱟᱨᱚᱢ ᱠᱟᱛᱮ ᱟᱢ ᱞᱟᱦᱟ,
ᱛᱤᱸᱜᱩ ᱠᱮᱴᱮᱡ ᱦᱩᱭᱩᱜ ᱛᱟᱢᱟ ᱟᱢ ᱜᱮ
ᱢᱚᱱᱮ ᱨᱮ ᱥᱤᱨᱡᱟᱹᱣ ᱦᱩᱭᱩᱜ ᱛᱟᱢᱟ ᱛᱤᱨᱞᱟᱹ ᱫᱟᱲᱮ,
ᱦᱚᱲ ᱠᱚ ᱢᱮᱛᱟᱢ ᱨᱮᱦᱚᱸ ᱵᱩᱜᱤ ᱵᱟᱹᱲᱤᱡ
ᱚᱠᱛᱚ ᱛᱟᱺᱜᱤᱭ ᱢᱮ ᱟᱢ,
ᱚᱱᱟ ᱠᱚ ᱛᱮᱞᱟ ᱨᱩᱣᱟᱹᱲ ᱨᱮᱱᱟᱜ ᱢᱤᱫ ᱜᱷᱟᱹᱲᱤᱡ ᱾᱾
***
