ᱱᱚᱱᱚᱞ ᱥᱟᱵ ᱨᱮ ᱢᱮᱱᱟᱜ ᱛᱤ ᱨᱮ
ᱞᱟᱪᱷᱟᱧ ᱛᱟᱥᱮ ᱟᱠᱟᱫ ᱥᱟᱢᱟᱝ ᱨᱮ,
ᱚᱞ ᱥᱟᱱᱟᱧ ᱢᱚᱱᱮᱨ ᱠᱟᱛᱷᱟ
ᱟᱹᱲᱟᱹ ᱟᱠᱟᱞ ᱛᱮᱧ ᱟᱠᱟᱞ ᱮᱱ ᱾
ᱩᱭᱦᱟᱹᱨ ᱫᱚᱨᱭᱟ ᱨᱮᱧ ᱩᱱᱩᱢ ᱜᱚᱫᱚᱜ
ᱯᱟᱱᱛᱮ ᱠᱟᱨᱠᱟ ᱞᱟᱹᱜᱤᱫ,
ᱚᱣᱟᱨ ᱨᱟᱠᱟᱵ ᱠᱟᱛᱮᱧ ᱧᱮᱞᱟ
ᱤᱧᱟᱜ ᱢᱚᱱ ᱠᱩᱥᱤ ᱟᱹᱲᱟᱹ ᱵᱟᱹᱱᱩᱜ ᱾
ᱠᱷᱚᱡᱽ ᱞᱮᱫᱟᱹᱧ ᱫᱩᱞᱟᱹᱲ ᱢᱮᱥᱟ
ᱦᱮᱲᱮᱢ ᱥᱤᱵᱤᱞ ᱠᱟᱥᱟ,
ᱜᱟᱜ ᱜᱟᱵᱟᱱ ᱢᱟ ᱥᱟᱵᱟᱜ ᱥᱤᱴᱷᱟᱹ
ᱵᱟᱹᱱᱩᱜ ᱥᱤᱵᱤᱞ ᱢᱮᱥᱟ ᱠᱟᱛᱷᱟ ᱾
ᱥᱟᱹᱰᱩᱨ ᱵᱟᱹᱰᱩᱨ ᱥᱤᱴᱷᱟᱹ ᱥᱟᱵᱟᱜ
ᱟᱹᱲᱟᱹ ᱛᱮᱜᱮᱧ ᱜᱟᱞᱟᱝ ᱠᱮᱫ,
ᱛᱤᱨᱭᱟᱹᱣ ᱠᱮᱫᱟᱹᱧ ᱛᱟᱨᱟᱭ ᱛᱩᱨᱩᱭ
ᱥᱚᱡᱷᱮ ᱥᱟᱢᱴᱟᱣ ᱵᱟᱹᱱᱩᱜ ᱾
ᱜᱩᱛᱩ ᱜᱟᱵᱟᱱ ᱜᱟᱞᱟᱝ ᱜᱟᱜ ᱨᱮ
ᱧᱮᱞᱚᱜ ᱜᱟᱨᱟᱭ ᱜᱩᱨᱩᱭ ᱾
ᱪᱟᱠᱷᱟ ᱨᱮ ᱟᱫᱟ ᱥᱚᱲᱚᱢ ᱵᱟᱹᱱᱩᱜ
ᱚᱱᱚᱬᱦᱮ ᱢᱟᱹᱧ ᱥᱟᱢᱟᱝ ᱠᱮᱫᱟ
ᱧᱚᱲᱚᱢ ᱨᱟᱥᱟ ᱵᱟᱹᱱᱩᱜ ᱾
***
