ᱢᱤᱫ ᱟ.ᱛᱩ ᱨᱮ ᱢᱤᱫ ᱦᱟᱲᱟᱢ ᱟᱨ ᱵᱩᱰᱷᱤ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱩᱱᱠᱤᱱ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱟᱨ ᱯᱩᱱᱭᱟ. ᱠᱩᱲᱤ ᱜᱤᱫᱽᱨᱟ. ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱵᱚᱭᱦᱟ ᱨᱮ ᱡᱷᱚᱛᱚ ᱠᱷᱚᱱ ᱢᱟᱨᱟᱝ ᱫᱚ ᱠᱚᱲᱟ, ᱛᱟᱞᱟᱨᱮ ᱥᱩᱯᱩᱛᱩᱜ ᱯᱩᱱᱭᱟ. ᱠᱩᱲᱤ ᱟᱨ ᱦᱩᱰᱤᱧ ᱩᱛᱟ.ᱨᱤᱡ ᱦᱚᱸ ᱠᱚᱲᱟ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱟᱫᱳ ᱚᱱᱟᱛᱮ ᱢᱟᱨᱟᱝ ᱠᱚᱲᱟ ᱠᱷᱚᱱ ᱦᱩᱰᱤᱧ ᱠᱚᱲᱟ ᱫᱚ ᱑᱒ ᱥᱮᱨᱢᱟ ᱜᱟᱱ ᱠᱟ.ᱴᱤᱡ ᱮ ᱛᱟᱦᱮᱸ ᱠᱟᱱᱟ ᱾
ᱦᱩᱰᱤᱧ ᱠᱚᱲᱟ ᱫᱚ ᱜᱤᱫᱽᱨᱟ. ᱩᱢᱮᱨ ᱜᱮᱭ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱟᱡ ᱵᱟᱵᱟ ᱫᱚᱭ ᱵᱚᱸᱜᱟ ᱛᱟᱞᱟ ᱟᱠᱟᱱᱟ ᱾ ᱢᱟᱨᱟᱝ ᱠᱚᱲᱟ ᱦᱚᱸᱭ ᱦᱟᱨᱟ ᱡᱩᱣᱟ.ᱱᱮᱱ ᱠᱷᱟᱱ ᱞᱚᱜᱚᱱ ᱫᱷᱟᱨᱟ ᱜᱮᱭ ᱵᱟᱯᱞᱟ ᱮᱱᱟ ᱟᱨ ᱠᱤᱪᱷᱩ ᱥᱮᱨᱢᱟ ᱦᱚᱸ ᱟ.ᱣᱨᱤ ᱦᱩᱭᱩᱜ ᱛᱮᱜᱮ ᱠᱤᱱ ᱵᱷᱮᱜᱟᱨ ᱮᱱᱟ, ᱪᱮᱫᱟᱜ ᱥᱮ ᱮᱨᱟ ᱛᱟᱭ ᱟ.ᱰᱤ ᱵᱷᱟ.ᱜᱤ ᱦᱚᱲ ᱫᱚ ᱵᱟᱝ ᱮ ᱛᱟᱦᱮᱸ ᱠᱟᱱᱟ ᱾
ᱮᱸᱜᱟᱛ ᱛᱮᱫ ᱟᱨ ᱦᱩᱰᱤᱧ ᱠᱚᱲᱟ ᱫᱚ ᱢᱤᱫ ᱨᱮ ᱠᱤᱱ ᱛᱟᱦᱮᱸᱱ ᱠᱟᱱᱟ ᱾ ᱫᱤᱱ ᱫᱤᱱ ᱛᱮ ᱮᱸᱜᱟᱛ ᱛᱮᱫ ᱦᱚᱸᱭ ᱵᱩᱰᱷᱤ ᱤᱫᱤ ᱮᱱᱟ ᱾ ᱦᱩᱰᱤᱧ ᱠᱚᱲᱟ ᱵᱟᱯᱞᱟ ᱠᱤᱪᱷᱩ ᱥᱮᱨᱢᱟ ᱯᱚᱨᱮ ᱜᱮ ᱮᱸᱜᱟᱛ ᱦᱚᱸᱭ ᱵᱚᱸᱜᱟ ᱛᱟᱞᱟᱭᱮᱱᱟ ᱾ ᱦᱩᱰᱤᱧ ᱠᱚᱲᱟ ᱵᱟᱯᱞᱟ ᱠᱟᱛᱮ ᱟ.ᱰᱤ ᱥᱮᱨᱢᱟ ᱜᱮ ᱯᱟᱨᱚᱢᱮᱱ ᱨᱮᱦᱚᱸ ᱜᱤᱫᱽᱨᱟ. ᱠᱚᱫᱚ ᱵᱟᱝ ᱠᱚ ᱦᱩᱭ ᱟᱠᱟᱱ ᱛᱟᱦᱮᱱ ᱾ ᱟᱡ ᱟᱭᱳ ᱵᱚᱸᱜᱟ ᱮᱱ ᱛᱟᱭᱚᱢ ᱦᱩᱰᱤᱧ ᱠᱚᱲᱟ ᱫᱚ ᱟ.ᱰᱤ ᱡᱩᱨ ᱨᱩᱣᱟᱹ ᱨᱮᱭ ᱯᱟᱲᱟᱣᱮᱱᱟ ᱾ ᱟ.ᱰᱤ ᱫᱤᱱᱮ ᱛᱷᱟᱠᱟᱣᱮᱱ ᱠᱷᱟᱱ ᱟᱡ ᱦᱤᱞᱤ ᱫᱚ ᱫᱤᱱᱟ.ᱢ ᱜᱮ ᱨᱚᱲ ᱟᱠᱟᱭ ᱛᱟᱦᱮᱸᱱᱟ ᱡᱮ ᱱᱩᱭᱮ ᱜᱚᱡ ᱞᱮᱱ ᱠᱷᱟᱱ ᱟᱢ ᱫᱚ ᱞᱳᱞᱳ ᱦᱚᱞᱚᱝ ᱞᱮ ᱛᱟᱯᱟᱜ ᱟᱢᱟ, ᱮᱱᱠᱷᱟᱱ ᱡᱷᱚᱛᱚ ᱡᱩᱢᱤ ᱡᱟᱭᱜᱟ ᱟᱞᱮᱭᱟᱜ ᱜᱮ ᱦᱩᱭᱩᱜᱼᱟ ᱾ ᱟᱨ ᱱᱚᱛᱮ ᱟ.ᱛᱩ ᱴᱳᱞᱟ ᱨᱮ ᱢᱤᱢᱤᱫᱴᱟ.ᱝ ᱦᱚᱲᱟᱜ ᱢᱳᱪᱟ ᱠᱷᱚᱱ ᱦᱚᱸ ᱟᱡᱚᱢᱚᱜ-ᱟ ᱡᱮ, ᱱᱩᱠᱤᱱ ᱨᱤᱱ ᱫᱚ ᱜᱤᱫᱽᱨᱟ. ᱥᱮ ᱯᱤᱫᱽᱨᱟ. ᱠᱚ ᱛᱟᱦᱮᱱ ᱨᱮᱥᱮᱫ…., ᱩᱱᱟ.ᱜ ᱫᱷᱚᱱ ᱫᱚ ᱚᱠᱚᱭᱮ ᱡᱚᱢ ᱛᱟ.ᱵᱤᱱᱟ….?
ᱱᱚᱣᱟ ᱠᱟᱛᱷᱟ ᱠᱚ ᱟᱸᱡᱚᱢ ᱠᱟᱛᱮ ᱦᱩᱰᱤᱧ ᱠᱚᱲᱟ ᱵᱟ.ᱦᱩᱣᱟᱜ ᱢᱚᱱᱮ ᱫᱚ ᱫᱚᱢᱮ ᱜᱮ ᱦᱩᱨᱩᱢ ᱰᱤᱜᱤᱨᱚᱜ ᱠᱟᱱ ᱛᱟᱦᱮᱱ ᱾
ᱜᱩᱥᱴᱤ ᱫᱟᱫᱟᱭᱤᱡ ᱢᱤᱫ ᱢᱟ.ᱭ ᱟᱨ ᱡᱟᱶᱟᱭ ᱥᱩᱨ ᱧᱚᱜ ᱟ.ᱛᱩ ᱨᱮᱠᱤᱱ ᱛᱟᱦᱮᱱ ᱛᱟᱦᱮᱫ ᱾ ᱩᱱᱠᱤᱱᱟᱜ ᱜᱚᱲᱚ ᱥᱚᱯᱚᱦᱚᱫ ᱛᱮ ᱨᱩᱣᱟᱹ ᱠᱷᱚᱱ ᱡᱟᱦᱟᱸ ᱠᱟᱛᱮ ᱵᱮᱥ ᱨᱩᱣᱟ.ᱲ ᱮᱱᱟᱭ ᱾ ᱨᱩᱣᱟᱹ ᱠᱷᱚᱱᱮ ᱵᱮᱥᱮᱱ ᱛᱟᱭᱳᱢ ᱢᱤᱫ ᱫᱤᱱ ᱫᱚ ᱮᱨᱟ ᱛᱟᱭ ᱜᱮᱭ ᱢᱮᱱ ᱜᱚᱫ ᱠᱮᱫ-ᱟ, ᱮ ᱜᱳ ᱛᱮᱦᱮᱧ ᱫᱚ ᱢᱤᱫᱴᱟ.ᱝ ᱠᱟᱛᱷᱟᱧ ᱢᱮᱱᱟ..ᱪᱮᱫ ᱠᱟᱛᱷᱟ ᱜᱳ…?? ᱢᱟ ᱛᱚᱵᱮ ᱟᱫᱚ ᱢᱮᱱ ᱢᱮ….. ᱢᱮᱛᱟ ᱫᱮᱭᱟᱭ, ᱤᱧ ᱨᱤᱱ ᱢᱟ ᱜᱤᱫᱽᱨᱟ. ᱠᱚ ᱵᱟᱠᱳ ᱦᱩᱭᱩᱜ ᱠᱟᱱᱟ ᱚᱱᱟᱛᱮ ᱟᱢ ᱞᱟ.ᱜᱤᱫ ᱢᱤᱫ ᱪᱷᱩᱴᱠᱤ ᱞᱟᱝ ᱟ.ᱜᱩ ᱮᱭᱟ ᱾
ᱦᱩᱰᱤᱧ ᱠᱚᱲᱟ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱟ.ᱰᱤ ᱟ.ᱱᱤ ᱵᱷᱟ.ᱵᱤ ᱨᱮᱭ ᱯᱟᱲᱟᱣ ᱮᱱᱟ, ᱟᱨᱮ ᱢᱮᱛᱟᱭ ᱠᱟᱱᱟ ᱞᱟ.ᱭ ᱢᱮᱥᱮ ᱜᱳ ᱛᱮᱦᱮᱧ ᱫᱚ ᱱᱚᱝᱠᱟᱱ ᱠᱟᱛᱷᱟ ᱪᱮᱫᱟᱜ ᱮᱢ ᱞᱟ.ᱭᱮᱫ-ᱟ….ᱤᱧ ᱢᱟ ᱚᱠᱟ ᱦᱚᱸ ᱵᱟ.ᱧ ᱵᱩᱡᱷᱟ.ᱣ ᱫᱟᱲᱮᱭᱟᱜ ᱠᱟᱱᱟ ᱾ ᱮᱨᱟ ᱛᱟᱭᱼᱮ ᱢᱮᱱ ᱠᱮᱫᱼᱟ ᱤᱧ ᱫᱚ ᱟᱞᱚᱢ ᱢᱟᱱᱟᱭᱤᱧᱟ, ᱛᱤᱱᱟ.ᱜ ᱠᱚᱥᱴᱚ ᱠᱟᱛᱮ ᱟᱢᱤᱧ ᱵᱮᱥ ᱨᱩᱣᱟ.ᱲ ᱟᱠᱟᱫ ᱢᱮᱭᱟ, ᱤᱧ ᱫᱚ ᱟᱢ ᱵᱟᱯᱞᱟ ᱠᱟᱛᱮ ᱜᱮ ᱥᱟ.ᱱᱛᱤ ᱫᱩᱧ ᱵᱩᱡᱷᱟ.ᱣᱟ ᱾
ᱵᱟᱹᱦᱩ ᱠᱩᱲᱤ ᱨᱤᱱ ᱟᱯᱟ ᱵᱟᱨᱮ ᱱᱚᱣᱟ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱦᱚᱭ-ᱵᱟ.ᱨᱰᱩ ᱞᱮᱠᱟ ᱠᱚ ᱥᱳᱦᱳᱨ ᱥᱮᱴᱮᱨ ᱮᱱᱟ ᱟᱨ ᱠᱚ ᱢᱮᱛᱟᱭ ᱠᱟᱱᱟ ᱢᱟ.ᱭ ᱱᱚᱣᱟ ᱫᱚ ᱪᱮᱫ ᱮᱢ ᱪᱤᱠᱟ. ᱭᱮᱫᱼᱟ…??? ᱦᱤᱨᱳᱢᱮᱢ ᱟ.ᱜᱩ ᱡᱚᱝ ᱞᱟᱹᱜᱤᱫ ? ᱱᱚᱣᱟ ᱯᱚᱨᱮ ᱪᱮᱫ ᱪᱤᱠᱟ.ᱜᱼᱟᱹᱹᱹᱹ ᱟᱞᱮ ᱴᱷᱮᱱ ᱫᱚ ᱟᱞᱚᱢ ᱨᱟᱜᱟ ᱾ ᱵᱟᱝ ᱫᱟᱫᱟ, ᱱᱚᱣᱟ ᱤᱫᱤ ᱠᱟᱛᱮ ᱟᱯᱮ ᱴᱷᱮᱱ ᱫᱚ ᱛᱤᱥ ᱦᱚᱸ ᱵᱟ.ᱧ ᱨᱟᱜ ᱦᱚᱢᱚᱨᱟ ᱢᱮᱱᱠᱷᱟᱱ ᱪᱷᱩᱴᱠᱤ ᱟ.ᱜᱩ ᱫᱚ ᱟᱞᱚ ᱯᱮ ᱢᱟᱱᱟᱧᱟ ᱾ ᱟᱯᱟ ᱵᱟᱨᱮ ᱦᱚᱸ ᱠᱚ ᱢᱮᱱ ᱨᱩᱣᱟᱹᱲ ᱠᱮᱫᱼᱟ ᱢᱟ.ᱭ ᱟᱢᱟᱜ ᱢᱚᱱᱮ ᱨᱮ ᱱᱚᱣᱟ ᱜᱮ ᱨᱟ.ᱥᱠᱟ. ᱢᱮᱱᱟᱜ ᱠᱷᱟᱱ ᱟᱨᱼᱟᱞᱮ ᱫᱚ ᱪᱮᱫ ᱞᱮ ᱞᱟ.ᱭᱟ ᱾
ᱤᱱᱟ. ᱯᱚᱨᱮ ᱡᱩᱨᱤ-ᱡᱚᱛᱟ ᱵᱟᱱᱟ ᱦᱚᱲ ᱜᱮ ᱪᱟᱞᱟᱣ ᱠᱟᱛᱮ ᱪᱷᱩᱴᱠᱤ ᱯᱟᱸᱡᱟ ᱠᱤᱱ ᱫᱷᱩᱨᱟ.ᱣ ᱮᱱᱟ ᱾ ᱯᱟᱸᱡᱟ ᱯᱟᱸᱡᱟ ᱛᱮ ᱢᱤᱫ ᱟ.ᱛᱩ ᱨᱮ ᱢᱤᱫ ᱠᱩᱲᱤ ᱜᱤᱫᱽᱨᱟ. ᱟᱜ ᱥᱚᱱᱰᱷᱟᱱ ᱠᱤᱱ ᱧᱟᱢ ᱠᱮᱫᱼᱟ, ᱟᱫᱚ ᱚᱸᱰᱮ ᱠᱤᱱ ᱪᱟᱞᱟᱣᱮᱱᱟ ᱟᱨ ᱩᱱᱠᱩ ᱚᱲᱟᱜ ᱦᱚᱲ ᱥᱟᱞᱟᱜ ᱮᱨᱟ ᱛᱟᱭ ᱜᱮ ᱠᱟᱛᱷᱟ ᱠᱚ ᱫᱚᱭ ᱞᱟ.ᱭ ᱠᱮᱫᱼᱟ ᱡᱮ, ᱤᱧ ᱨᱤᱱ ᱜᱤᱫᱽᱨᱟᱹ ᱠᱚ ᱵᱟ.ᱱᱩᱜ ᱠᱚ ᱠᱷᱟ.ᱛᱤᱨ ᱜᱮ ᱪᱷᱩᱴᱠᱤᱧ ᱯᱟᱸᱡᱟ ᱮᱫ ᱠᱚᱣᱟ, ᱟᱨ ᱤᱧ ᱠᱟᱛᱷᱟᱧ ᱮᱢᱟᱯᱮ ᱠᱟᱱᱟ ᱡᱮ ᱟ.ᱞᱤᱧ ᱫᱚ ᱵᱚᱭᱦᱟ ᱠᱩᱲᱤ ᱞᱮᱠᱟ ᱞᱤᱧ ᱛᱟᱦᱮᱸᱱᱟ, ᱱᱚᱣᱟ ᱤᱫᱤ ᱠᱟᱛᱮ ᱟᱯᱮᱭᱟᱜ ᱢᱚᱱᱮ ᱨᱮ ᱵᱚᱛᱚᱨ ᱫᱚ ᱟᱞᱚ ᱯᱮ ᱫᱚᱦᱚᱭᱟ ᱡᱮ ᱯᱟᱞᱮᱱ ᱛᱟᱭᱳᱢ ᱫᱟᱨᱟᱢ ᱞᱤᱧ ᱦᱤᱨᱤᱡ ᱯᱟ.ᱥᱤᱨᱮᱭᱟ ᱾ ᱩᱱᱠᱩ ᱚᱲᱟᱜ ᱦᱚᱲ ᱦᱚᱸ ᱠᱟᱛᱷᱟ ᱠᱚ ᱟᱸᱡᱚᱢ ᱠᱟᱛᱮ ᱵᱷᱳᱨᱥᱟ ᱠᱚ ᱵᱩᱡᱷᱟ.ᱣ ᱠᱮᱫᱼᱟ ᱟᱨ ᱡᱷᱚᱛᱚ ᱦᱚᱲ ᱜᱮ ᱠᱚ ᱨᱮᱵᱮᱱ ᱮᱱᱟ ᱾
ᱟ.ᱛᱩ ᱢᱟ.ᱡᱷᱤ ᱡᱚᱲᱮ ᱦᱚᱲ ᱟᱛᱮ ᱜᱮ ᱠᱚ ᱟ.ᱜᱩ ᱠᱮᱫᱮᱭᱟ ᱟᱨ ᱠᱚ ᱵᱟᱯᱞᱟ ᱠᱟᱫ ᱠᱤᱱᱟ ᱾ ᱵᱳᱪᱷᱳᱨ ᱫᱤᱱ ᱦᱩᱭᱩᱜ ᱦᱩᱭᱩᱜ ᱛᱮᱜᱮ ᱵᱟᱱᱟ ᱦᱚᱲ ᱠᱤᱱ ᱦᱟᱢᱟᱞ ᱦᱚᱲᱢᱚ ᱮᱱᱟ ᱾ ᱯᱟᱞᱮᱱ , ᱚᱱᱟᱛᱮ ᱠᱚ ᱢᱮᱱᱟ ” ᱥᱤᱨᱡᱳᱱᱤᱭᱟ. ᱟᱜ ᱥᱤᱨᱡᱳᱱ ᱫᱚ ᱦᱟᱦᱟᱲᱟ ᱜᱮ ” ᱨᱟ.ᱥᱠᱟ. ᱨᱮᱱᱟᱜ ᱠᱟᱛᱷᱟ, “ᱪᱷᱩᱴᱠᱤ ᱮᱨᱟ” ᱤᱡ ᱢᱤᱫ ᱠᱩᱲᱤ ᱜᱤᱫᱽᱨᱟ.ᱭ ᱦᱩᱭᱮᱱᱟ ᱟᱨ ᱫᱚᱥᱟᱨ ᱪᱟᱸᱫᱚ ᱜᱮ ” ᱵᱩᱲᱠᱤ ᱮᱨᱟ” ᱤᱡ ᱫᱚ ᱢᱤᱫ ᱠᱚᱲᱟ ᱜᱤᱫᱽᱨᱟ.ᱭ ᱦᱩᱭᱮᱱᱟ ᱾ ᱵᱟᱱᱟᱨ ᱮᱨᱟ ” ᱪᱷᱩᱴᱠᱤ-ᱵᱩᱲᱠᱤ” ᱠᱳᱞᱮᱨᱮ ᱪᱟᱸᱫᱚ ᱵᱚᱸᱜᱟ ᱜᱤᱫᱽᱨᱟ.ᱭ ᱦᱚᱵᱚᱨᱟᱫ ᱠᱤᱱᱟ ᱾
ᱵᱩᱲᱠᱤ ᱮᱨᱟ ᱜᱤᱫᱽᱨᱟ. ᱦᱩᱭ ᱠᱟᱛᱮ ᱦᱚᱸ ᱟᱡᱟᱜ ᱠᱳᱲᱟᱢ ᱛᱳᱣᱟ ᱫᱚ ᱵᱟᱝ ᱥᱮᱛᱮᱧ ᱞᱮᱱ ᱛᱟᱭᱟ, ᱚᱱᱟ ᱠᱷᱟ.ᱛᱤᱨ ᱵᱟᱱᱟᱨ ᱜᱤᱫᱽᱨᱟ. ᱪᱷᱩᱴᱠᱤ ᱮᱨᱟ ᱜᱮ ᱟᱡᱟᱜ ᱠᱳᱲᱟᱢ ᱛᱳᱣᱟ ᱛᱮ ᱡᱟᱣᱟ (ᱡᱩᱲᱣᱟ.) ᱜᱤᱫᱽᱨᱟ. ᱞᱮᱠᱟᱭ ᱦᱟᱨᱟ ᱠᱮᱫ ᱠᱤᱱᱟ ᱾ ᱚᱱᱟ ᱯᱚᱨᱮ ᱦᱚᱸ ᱛᱟᱭᱚᱢ ᱫᱟᱨᱟᱢ ᱪᱷᱩᱴᱠᱤ ᱮᱨᱟ ᱨᱤᱱ ᱫᱚ ᱢᱚᱲᱮ ᱜᱚᱴᱟᱝ ᱠᱚᱲᱟ ᱜᱤᱫᱽᱨᱟ. ᱟᱨ , ᱟᱨ ᱢᱤᱫᱴᱟ.ᱝ ᱠᱩᱲᱤ ᱜᱤᱫᱽᱨᱟ.ᱭ ᱦᱩᱭᱮᱱᱟ ᱾ ᱤᱠᱷᱟ.ᱱ ᱵᱩᱲᱠᱤ ᱮᱨᱟ ᱭᱤᱡ ᱫᱚ ᱩᱱᱤ ᱢᱤᱫᱴᱟ.ᱝ ᱜᱮᱛᱟᱭ ᱠᱚᱲᱟ ᱜᱤᱫᱽᱨᱟ. ᱾ ᱡᱷᱚᱛᱚ ᱨᱮ ᱫᱚ ᱵᱟᱨᱭᱟ ᱠᱩᱲᱤ ᱟᱨ ᱛᱩᱨᱩᱭ ᱜᱚᱴᱟᱝ ᱠᱚᱲᱟ ᱜᱤᱫᱽᱨᱟ. ᱾ ᱩᱱᱟ.ᱜ ᱥᱟᱸᱜᱮ ᱜᱤᱫᱽᱨᱟ. ᱧᱮᱞ ᱠᱟᱛᱮ ᱡᱟᱦᱟᱸᱭ ᱦᱚᱲ ᱠᱚ ᱞᱟᱦᱟᱛᱮ ᱩᱱᱟ.ᱜ ᱠᱚ ᱨᱚᱲ ᱞᱮᱫ ᱛᱟᱦᱮᱸᱱᱟ, ᱩᱱᱠᱩ ᱠᱚᱣᱟᱜ ᱢᱳᱪᱟ ᱦᱚᱸ ᱛᱟᱭᱚᱢ ᱫᱚ ᱵᱚᱱᱫᱚ ᱩᱛᱟ.ᱨᱮᱱᱟ ᱾
ᱪᱷᱩᱴᱠᱤ ᱵᱩᱲᱠᱤ ᱟᱛᱮ (ᱟᱠᱚ ᱜᱮ ᱯᱮᱱᱮ ᱦᱚᱲ) ᱥᱩᱞᱩᱠ ᱥᱟ.ᱜᱟ.ᱭ ᱛᱟᱞᱟᱛᱮ ᱟᱠᱚᱣᱟᱜ ᱥᱚᱝᱥᱟᱨ ᱨᱮᱱᱟᱜ ᱥᱟᱱᱟᱢ ᱞᱮᱠᱟᱱᱟᱜ ᱠᱟ.ᱢᱤ ᱠᱚ ᱜᱮ ᱟ.ᱰᱤ ᱱᱟᱯᱟᱭ ᱛᱮᱠᱚ ᱛᱚᱨᱟᱣ ᱤᱫᱤ ᱮᱫᱼᱟ ᱾ ᱡᱮᱞᱮᱠᱟ, ᱵᱟᱦᱨᱮ ᱠᱟ.ᱢᱤ ᱟᱨ ᱦᱟᱴᱼᱵᱟᱡᱟᱨ ᱥᱳᱭᱫᱟ ᱠᱤᱨᱤᱧ ᱟᱹᱠᱷᱨᱤᱧ ᱫᱚ ᱵᱩᱲᱠᱤ ᱮᱨᱟ ᱛᱤᱠᱤᱱ ᱪᱮᱛᱟᱱ ᱜᱮ ᱛᱟᱦᱮᱸ ᱠᱟᱱᱟ ᱾ ᱪᱷᱩᱴᱠᱤ ᱮᱨᱟ ᱫᱚ ᱚᱲᱟᱜ ᱠᱟ.ᱢᱤ ᱜᱮᱭ ᱵᱟᱰᱟᱭᱟ ᱾ ᱜᱤᱫᱽᱨᱟ. ᱠᱚ ᱦᱟᱨᱟ ᱵᱩᱨᱩ ᱜᱮ ᱱᱩᱭᱟᱜ ᱟᱺᱜᱤᱵᱷᱟᱨ ᱛᱟᱦᱮᱸ ᱠᱟᱱᱟ ᱾ ᱜᱤᱫᱽᱨᱟ. ᱠᱚᱣᱟᱜ ᱪᱮᱫ ᱞᱟ.ᱠᱛᱤᱜ ᱠᱟᱱᱟ ᱚᱱᱟ ᱫᱚ ᱵᱩᱲᱠᱤ ᱟᱭᱳ ᱜᱮ ᱠᱚ ᱞᱟ.ᱭ ᱟᱭ ᱛᱟᱦᱮᱸᱫ ᱾
ᱚᱲᱟᱜ ᱯᱮᱨᱮᱡ ᱠᱮᱱᱮ ᱠᱚᱛᱮ ᱜᱤᱫᱽᱨᱟ. ᱡᱚᱛᱚ ᱜᱮ ᱟ.ᱰᱤ ᱱᱟᱯᱟᱭ ᱛᱮᱠᱚ ᱦᱟᱨᱟ ᱵᱩᱨᱩ ᱤᱫᱤᱜ ᱠᱟᱱ ᱛᱟᱠᱚᱣᱟ ᱾ ᱪᱷᱩᱴᱠᱤ ᱵᱩᱲᱠᱤ ᱱᱟ.ᱭᱦᱟ.ᱨ ᱟᱨ ᱜᱤᱫᱽᱨᱟ. ᱠᱚᱣᱟᱜ ᱵᱟᱱᱟᱨ ᱢᱟᱢᱳ ᱚᱲᱟᱜ ᱦᱚᱲ ᱜᱮ ᱟ.ᱰᱤ ᱠᱚ ᱱᱟᱯᱟᱭᱟ ᱾ ᱟᱪᱟᱨ ᱵᱮᱵᱷᱟᱨ ᱦᱚᱸ ᱟ.ᱰᱤ ᱜᱮ ᱱᱟᱯᱟᱭ ᱛᱟᱠᱚᱣᱟ ᱾ ᱵᱟᱦᱟ ᱥᱚᱦᱨᱟᱭ ᱥᱮ ᱡᱟᱦᱟᱸᱱᱟᱜ ᱨᱮ ᱱᱮᱶᱛᱟᱼᱵᱟᱨᱛᱮ ᱠᱚᱨᱮ ᱥᱮᱱᱚᱜ ᱟ.ᱰᱤ ᱠᱚ ᱨᱟ.ᱥᱠᱟ.ᱜᱼᱟ ᱾ ᱟᱨ ᱦᱤᱨᱤ ᱦᱤᱯᱤᱨᱤ ᱦᱚᱸ ᱟ.ᱰᱤ ᱠᱩᱥᱤ ᱠᱚ ᱰᱩᱡᱷᱟ.ᱣᱟ ᱾
ᱫᱤᱱ ᱫᱤᱱ ᱛᱮ ᱚᱠᱛᱚ ᱠᱚ ᱯᱟᱨᱚᱢ ᱤᱫᱤᱜ ᱠᱟᱱ ᱥᱟᱶᱛᱮ ᱵᱩᱲᱠᱤᱼᱪᱷᱩᱴᱠᱤᱼᱟᱭᱳᱼᱵᱟᱵᱟ ᱛᱮᱠᱚ ᱦᱚᱸ ᱠᱚ ᱦᱟᱲᱟᱢᱼ ᱵᱩᱰᱷᱤ ᱤᱫᱤᱜ ᱠᱟᱱᱟ ᱾ ᱜᱤᱫᱽᱨᱟ. ᱠᱚ ᱦᱚᱸᱠᱚ ᱦᱟᱨᱟ ᱡᱩᱣᱟ.ᱱᱮᱱ ᱠᱷᱟᱱ ᱡᱚᱛᱚ ᱜᱤᱫᱽᱨᱟ. ᱠᱚᱣᱟᱜ ᱵᱟᱯᱞᱟ ᱦᱚᱸ ᱦᱩᱭᱮᱱᱟ ᱾
ᱦᱤᱨᱳᱢᱮᱭᱟ ᱥᱩᱞᱩᱠ ᱥᱚᱝᱥᱟᱨ ᱨᱮ ᱛᱤᱥ ᱦᱚᱸ ᱜᱮ ᱦᱤᱨᱚᱢᱮᱭᱟ ᱵᱟ.ᱠᱤᱱ ᱱᱮᱭᱟᱣ ᱠᱷᱟ.ᱯᱟ.ᱨᱤᱭᱟ.ᱣ ᱞᱮᱱᱟ ᱾ ᱵᱟᱝ ᱫᱚ ᱟ.ᱛᱩ ᱢᱟᱺᱢᱷᱤ ᱴᱷᱮᱱ ᱟᱨ ᱵᱟᱝ ᱫᱚ ᱟ.ᱠᱤᱱ ᱨᱤᱱ ᱟᱯᱟ ᱵᱟᱨᱮ ᱴᱷᱮᱱ ᱜᱮ ᱟ.ᱠᱤᱱᱟᱜ ᱵᱟ.ᱲᱤᱡ ᱨᱚᱯᱚᱲ ᱠᱷᱟ.ᱯᱟ.ᱨᱤ ᱠᱟᱛᱷᱟ ᱫᱚ ᱚᱠᱚᱭ ᱴᱷᱮᱱ ᱦᱚᱸ ᱵᱟᱝ ᱥᱮᱴᱮᱨ ᱞᱮᱱᱟ ᱾ ᱥᱟᱱᱟᱢ ᱦᱚᱲ ᱱᱟᱯᱟᱭ ᱥᱟ.ᱱᱛᱤ ᱛᱮᱜᱮ ᱠᱚ ᱛᱟᱦᱮᱸᱱ ᱠᱟᱱᱟ ᱾
ᱟ.ᱰᱤ ᱥᱮᱨᱢᱟ ᱜᱮ ᱯᱟᱨᱚᱢ ᱮᱱᱟ, ᱟᱭᱳᱼᱵᱟᱵᱟ ᱡᱚᱛᱚ ᱠᱚ ᱵᱚᱸᱜᱟ ᱛᱟᱞᱟ ᱮᱱᱟ, ᱟᱠᱚ ᱨᱤᱱ ᱜᱚᱲᱚᱢ ᱜᱤᱫᱽᱨᱟ. ᱠᱚ ᱧᱮᱞ ᱯᱚᱨᱮ ᱾
ᱥᱟᱸᱜᱮ ᱦᱚᱯᱚᱱ ᱠᱤᱢᱤᱱ ᱟᱠᱚ ᱨᱤᱱ ᱥᱟᱸᱜᱮ ᱜᱤᱫᱽᱨᱟᱹ ᱯᱤᱫᱽᱨᱟᱹ ᱠᱚ ᱟᱛᱮᱫ ᱥᱟᱱᱟᱢ ᱦᱚᱲ ᱜᱮ ᱟᱯᱟᱱ ᱟᱹᱯᱤᱱ ᱠᱟᱹᱢᱤ ᱛᱟᱞᱟᱛᱮ ᱱᱟᱯᱟᱭ ᱛᱮᱜᱮ ᱥᱚᱝᱥᱟᱨ ᱠᱚ ᱠᱷᱟᱸᱰᱟᱣ ᱤᱫᱤᱭᱮᱫ ᱛᱟᱠᱚᱣᱟ ᱾
***
